رواية زينب الفصول من 9-16
انت في الصفحة 1 من 7 صفحات
الفصل الثالث عشر
تجلس عليا في غرفتها بمنزل سليم بالقاهره
وهي تحاول حل مجموعه من الاسئلة شديدة الصعوبه فتفشل في حلها
لتنفخ في ضيق وهي تحدث نفسها
ركزي يا عليا كده الامتياز هيضيع منك مش ممكن مفيش في عقلك غير سليم .
لتبتسم بعشق وهي تتذكر سليم وحنانه ورقته في معاملتها
لتهمس بعشق وهي تتنهد
بحبه أوي وبموت فيه يجنن كل حاجه فيه تجنن
اووووف هو انتي مش عاوزه تتحلي ليه غلبتيني.
لتفاجأ بمن يقول بدهشه
انتي بتتكلمي مع الكتاب لا كده انا ابتدي اقلق.. ليتابع بمرح
والكتاب غلبك في ايه
لتلتفت عليا للصوت وهي تقول بدهشه
سليم انت دخلت امتى !
لينظر لها وهو يبتسم
ليقترب منها وهو ينظر للكتاب امامها
ايه اللي مش فهماه ومغلبك كده
لتبتلع عليا ريقها بتوتر من قربه منها وهي تشير للمسائل امامها
المجموعه دي من المسائل صعبه أوي ومش عارفه احلها
ليدقق سليم بالمسائل التي اشارت لها عليا ليقول بجديه
هاتي الكتب والمذكرات وتعالي
ليتجه للأريكه الكبيره الموجوده بالغرفه ويجلس عليها براحه
لينظر سليم للاسئلهكة التي امامه ويقول بتعجب
انا شايف هنا مسائل اصعب منها وانتي حلاها ايه بقي المشكلة .
ليشير بجانبه
عموما قربي وانا هشرح لك اللي انتي مش فهماه
لتقترب عليا منه بتردد
ليبتسم سليم وهو يرى ترددها و يبدأ الشرح لها بطريقه سلسه ومبسطه وهي تنظر اليه بعشق لتتوه في ملامح وجهه
عليااااااا
لتواصل عليا تأمل ملامحه بحب وهي غير منتبهه لحديثه
ليقول بصوت اكثر صرامه
علياااا....فوقي
لتنتبه عليا له وهي تشعر بالاحراج الشديد وتنظر سريعا للكتاب في يده
وتقول باحراج
اسفه
ليقول سليم بجديه
عليا ركزي خلينا نخلص من السنه دي
حاضر
ليبدء سليم في الشرح من جديد مع محاولة عليا التركيز معه رغم حزنها حتى انتهى من الشرح
ليقول سليم وهو ينظر لعليا بتدقيق
اخيرا خلصنا
ليجذبها فجأه من ذراعيها ويجلسها على ساقيه ثم يقوم برفع وجهها اليه بلطف
ليقول بصوت هامس
ودلوقتي ممكن اعرف نظرة الحزن اللظي في عينيكي دي سببها ايه
مفيش حاجه
ايه الكلام الفارغ اللي بتقوليه ده.. هو انا عشان عاوزك تنجحي يبقى عاوز اتخلص منك هو ده اللي فهمتيه من كلامي وتصرفاتي معاكي الايام اللي فاتت
ليحاول النهوض غاضبآ وتركها
لتتمسك عليا بقميصه وتمنعه من النهوض وهي تقول بحزن ودموعها تتساقط
انا مقصدش انا اسفه ..انا مش عارفه ايه اللي خلاني اقول كده.. لټنهار في البكاء على كتفه
لبحتضنها سليم بقوه وهو يقبل اعلى رأسها بحنان ويهدهدها برفق حتى هدأت ليرفع رأسها اليه وهو يقوم بمسح دموعها باصابعه بحنان
علشان انت زعلان مني
ليقول سليم بخبث وهو يتأملها بحب
طبعا زعلان.. وزعلان جدا كمان ولازم تصلحيني .
لتنظر عليا له ببرائه
اصالحك.. اصالحك ازاي !!
ليبتسم سليم بمرح
انا اقولك..
استني نستيني انا كنت جاي ليه..
لتنظر له عليا بتساؤل
ليقول وهو يمرر اصبعه على شفتيها بافتتان
كنت عاوزك تيجي معايا حفله عاملنها بمناسبة توقيع عقود جديده مع شركه المانيه بس اللي شوفته انك وراكي مذاكره ومراجعه كتير وانا مش عاوز اعطلك عن مذاكرتك
لتقول عليا وهي تتمسك بقميصه برجاء طفولي
انا ممكن اروح معاك الحفله و
اوعدك هذاكر كل اللي متأخر علياا
ليهز سليم رأسه برفض وهو يقول بحسم
مينفعش انتي هتقعدي تذاكري اللي متأخر عليكي
وانا اوعدك هعوضك بيوم كامل نقضيه مع بعض في المكان اللي تختاريه
لتقول عليا باعتراض
بس أ.......
ليقاطعها سليم بحسم
مفيش بس.. في سمعان للكلام
لتمط عليا شفتيها بتبرم وهي تعقد حاجبيها بطريقه طفوليه
ماشي
لينظر سليم لوجهها ضاحكا
ماشي دي خارجه ڠصب عنك..
ليضيف بحب
بس وحياتك عندي هعوضك ..ها اضحكي و وريني ابتسامتك الحلوه عشان اروح الحفله وانا مرتاح
لتنظر له عليا بحب وهي تبتسم في وجهه
خلاص مش زعلانه بس توعدني نقضي يوم مع بعض زي ما قولتلي
ليضمها سليم بعشق لداخل احضانه
اوعدك يا قلب سليم..
لتتمسك عليا بذراعه وهي تقول بغيره لم تستطع السيطره عليها
هي جومانه رايحه معاك
لتشيح بوجهها عنه وهي تشعر بالحرج من تسرعها في الكلام
ليرفع سليم وجهها اليه وهو يبتسم بحنان
ايوه جومانه هتيجي لانها مسئولة العلاقات العامه بالمجموعه
ليتابع بتفهم وهو يمسك يديها بين يديه ويمرر اصبعه على باطن كفيها بحنان
انا عارف ان في حاجات كتير انتي مش فهمها بس اوعدك اني هقعد معاكي ونتكلم في كل حاجه واي سؤال شاغل بالك وعاوزه تسأليه هرد عليه.. تمام
لتهز عليا رأسها بموافقه وتقول بصوت مبحوح
تمام
ليرفع يديها الى شفتيه ويقبل باطن كفيها بعشق
وهو يقول بحنان
تصبحي على خير
وينهض ويتركها ويغادر الغرفه وعيون عليا تتابعه بعشق
وهي تقول بشرود
وانت بخير
خرجت عليا من مدج المحاضرات في جامعتها وهي تشعر بصداع شديد في رأسها لسهرها بالامس لبعد طلوع الفجر انتظارآ لرجوع سليم من الحفله التي ذهب اليها برفقة جومانه
لتقول بتعب
الحمد لله خلصت محاضرات هروح انام علي طول مش قادره من الصداع .
لتقترب منها دعاء بتهكم وهي تنظر لملابس عليا الانيقه بتقييم
ايه الهدوم اللي تجنن دي معقول اشترتيها من فلوس التطريز!!
لتتابع بسخريه وهي تشير لملابس عليا
طبعا مش معقول ده سعر البلوزه لوحدها
يشتري عشر فساتين من اللي بتطرزيهم
لتنفخ عليا بضيق عند رؤية دعاء فهي لا ترتاح لغموضها وتشعر بانقباض في صدرها عند رؤيتها بدون سبب
ازيك يا دعاء عامله ايه
لتقول دعاء بخبث
انا كويسه وكنت بدور عليكي علشان موضوع يخصك .
لتنظر عليا لدعاء بتساؤل
موضوع ايه ان كان على شغل التطريز فانا قولتلك اني مبقتش هشتغل فيه خلاص
لترسم دعاء ملامح الحزن على وجهها
تطريز ايه بس.. ده احنا واقعين في مصېبه
لتشعر عليا بالخۏف والانقباض في صدرها
مصېبة ايه ماتتكلمي علطول ايه الالغاز دي
لتقول دعاء بخبث
صاحب المشغل اللي كنا بنطرز له الفساتين طلع حرامي وسارق الفساتين اللي كنا بنطرزها
لتعقد عليا حاجبيها باستفهام
طيب هو حرامي احنا مالنا
لتقول دعاء باستهجان
احنا مالنا ازاي بس ماهو لما صاحب المشغل الحرامي ده جاله خبر انه اتعرف انه حرامي
وهيقول اننا مشتركين معاه في السرقه عشان يعني لو اتحكم عليه بالسجن الحكم يتوزع علينا كلنا ويتخفف من عليه وميشلش هو القضيه كلها لوحده
لتقول عليا بذهول وعقلها لايستوعب ماتسمعه
يا نهار اسود ..سرقه ونيابه وحبس ليه ...
دي ايصلات استلام فساتين عاديه ايه اللي دخلني في اللي انتي بتقوليه ده
لتنظر لها دعاء بتشفي
ايصلات استلام فساتين مسروقه.... وانتي لوحدك معاه ليكي تلاتين ايصال استلام بتلاتين فستان مسروق
لتشعر عليا بالدوار وبالعرق البارد يغطي وجهها لتترنح وهي تجلس على السلم الواقفه عليه وهي تتخيل الڤضيحه التي ستحدث
امها ستموت مؤكد من الحزن عليها وعمها عتمان سيتبرء منها وسليم.. اه من سليم مؤكد سينهيها من حياته تماما لتنتهي حكايتها معه قبل ان تبدء
لتسندها دعاء وهي تقول بتهكم
لاء اجمدي كده عاوزين نحل الموضوع قبل ما يتعرف
لتنظر لها عليا بأمل
نحله ازاي انتي مش قولتي انه هيسلم الايصلات للنيابه
لتقول دعاء بخبث
بس هو لسه مرحش النيابه يعني لسه ممكن نلحق نتفاهم معاه.. بصي انا وانتي هنروح له دلوقتي ونتفق معاه نديه قرشين
ويسلمنا الايصلات بتاعتنا
