رواية فوق الخيال الفصول الاخيرة
انت في الصفحة 1 من 9 صفحات
الجزء التاسع. ..
عمر طلع من البسين و قعد على كرسي جنب البسين ...نشف جسمه و هو شبه تايه و سرحان ..
مسك التيشيرت بتاعه عشان يلبسه ...لاحظ أن فيه حد واقف بجانب باب الفيلا الزجاج اللي بيودي عالبسين ..
عمر ركز شوية لقاها أمينة واقفة و بتمسح زجاج الباب ... طول ما هو بيعدل التيشيرت وبيلبسه و هي واقفة و بتمسح في مكان واحد و هي عمالة تبص له و تبتسم له ابتسامة خبيثة جدا ...و كأنها بتقوله انا فاهمة اللي بيحصل ....هو عدى من وراها و هي واقفة بس بكل ثقة طبعا ...
أمينة بنت في أواخر العشرينات ...مطلقة و و غلبانة ...ده المفروض ...بس هي جميلة ....الجمال و الأنوثة الشعبية دي ...
البنت من اليوم دهةو ابتديت معاملتها ليا انا و عمر اتغيرو أوي لدرجة ملفتة ...بقيت كل ما تشوفني تقولي حلو أوي اللي انتي لبساه ده مخليكي مزة ...أنا بستغرب من كلامها عمرها ما اتجرأت عليا كدا في الكلام ...و بقى واخدة بالها أوي من عمر و كل ما ينزل يعوم في البسين تروح تقف تبص عليه و تتعامل معاه بكل مياصة و هي مبتسمة أوي ..ده غير انها مش بتتكسف تعمل الحركات دي و هو قاعد مع كارما ...بس بتبقى مهدية الموضوع شوية انما لو قاعد معايا انا او حتي بيتكلم معايا بتزودها أوي ...الغريبة اني شفت خيالها مرة و انا قاعدة بلعب معاه شطرنج ..كانت كارما قاعدة معانا بس جالها تليفون و راحت ترد عليه ... وهي راجعة لقيتها بتزعق في أمينة و بتقولها ايه اللي موقفك كدا ...طبعا أمينة جريت على طول بعدما اتحججت بانها افتكرتني بنادي عليها...كارما من سذاجتها صدقت و عديت الموضوع ...
بابا مكنش لسة جه وعمر قال انه هيتأخر ...مش مشكلة قررنا نستناه ...
أنا عاوزة اتكلم مع عمر في موضوع أمينة ده ...و انتهزتها فرصة أننا بعيد عن البيت ...بس لازم اتكلم معاه لوحدنا ...
عمر اوك بس اغير هدومي الأول ...
عمر كان مستغرب أوي ..دي أول مرة اطلب منه انه يجي معايا في مكان ...بس هو كان فرحان في نفس الوقت ..
كارما قالتله يا خسارة انا ماليش في الرياضة كنت جيت معاكم ...
عمر ولا يهمك يا حبيبتي ....ريم هتلعب بدالك. . و قام وراح غرفة تغيير الملابس و غير هدومه و لبس ملابس رياضية ...روحنا ملعب التينس ...
الكورة راحت عنده صدها بكل قوته و انا اتلخبطت و ملحقيتش اصدها و كانت هتيجي في وشي ...حطيت أيدي علي وشي و صړخت ...الكورة مجتش فيا بس أنا اټخضيت ..
systemcode ad autoadsساب المضرب وجه جري لدرجة أنه قفز من علي الشبكة و جالي شال أيدي من علي وشي و هو ملهوف و خاېف ..و قالي حصلك حاجة ..انتي كويسة ..
شيلت ايديه من علي وشي و قلتلته انا كويسة ...
مشيت بعيد عنه شوية و بصيتله بحزن و قلتله عمر ...علي فكرة أمينة شافتنا يوم البسين و نظراتها كلها ټهديد ليا ...
انا ممكن امحيها من علي وجه الأرض و بدون اي أثر كمان ...اوعي تخافى من اي حد في الدنيا و انا معاكي ...اللي يفكر انه ياذيكي يبقي بيجني علي نفسه ...
قلت بيني و بين نفسي والله ما انا خاېفة من اي حد في الدنيا دي غيرك .....
مكنتش مطمنة زي ما قال ...بس قلت طيب اتصرف انت بقي ...و ارتحت لما اخدت بالي ان الټهديد المرة دي مش مني انا ...سرحت كدا و قلت لنفسي كويسة اوي فكرة الټهديد الخارجي دي ....حسيت بكمية غرور لما لقيت عمر خاېف اوي علي علاقتنا احسن أمينة تبوظها .....
شكلي كدا هستغل الموضوع ده و هنبسط أوي....
الجزء العاشر ...
أنا قررت استغل الفرصة و اعمل اللي انا عاوزاه ..و بالنسبة لعمر هو بقى اللي هيواجه أمينة لوحده ...عمر ميتخافش عليه انا عارفة أنه قوي و جريئ ..بس خاېفة يكون قاسې لدرجة اللا رحمة .. و ممكن يمحي أمينة من عالوجود زي ما بيقول ...
المهم كنا قاعدين علي السفرة بنتغدي ..تليفون عمر كان بيرن و هو بعيد عنه فجأة أمينة جابتهوله و حطيته قدامه بنيابة كدا و نظرتله نظرة مش تمام ...
فضل ينظرلها نظرات وعيد ...اه ..أنا أخدت بالي من عيون عمر ..كانت بتطق شرار ...اول ما لفت وشه ليا ..بصيت لبابا وقلتله أخبار الشغل ايه ..تمام. .
بابا تمام الحمد لله ...من امتي و انتي بتسألي عن الشغل...
أنا لا ابدا انا بس بطمن يعني ..
بابا لولا وجود عمر طبعا ...بصراحة فرق معايا كتير أوي ...
أنا ضحكت و بابا و كارما ..
عمر ابتسم ابتسامة بسيطة بس كان شكله مضايق ...
عمر كان في اوضته و كارما معاه ..كان بيستعد للخروج ..كان بينهم جدال بسيط علي موضوع خروجه الكتير كل يوم و مبقاش فاضي يخرج كارما و كدا ...
عمر فجأة بيفتح باب الأوضة لقي أمينة في وشه ...نظرة عمر كانت مش مجرد وعيد ..لا ده انا هتصرف معاكي بقى ...
عمر حاليا حاطط أمينة في دماغه و بيركز أوي على تصرفاتها ...بالإضافة لشغله الكتير مع بابا ...عمر الي حد ما انشغل عني ..و انا الي حد ما بقيت حرة ...
زي ما انا على وضعي بخرج و بهتم بشكلي و منطلقة ..بس بدون ضغوط خالص ..
في يوم بقى قابلت الدكتور كريم اللي كان زميلي في الجامعة و كان بيكمل دراسة في ألمانيا ..أنا كنت قابلته قبل كدا و عمر كان عرف ..بس كانت الأمور عادية جدا ...المرة دي حسيت انا عاوز يتكلم معايا كتير ...أنا قلت لنفسي اوك مفيش مانع ..يمكن انا اتكلم معاه و اتقرب منه انسي شوية المشاعر اللي في قلبي لعمر ..خصوصا ان كريم كان معجب بيا ايام الجامعة ...بس هو عشان إنسان مهذب كان كلامه مجرد
تلميح
