رواية هاجر الجزء الاول
مش عارفة أقولك إيه ربنا يخليكي
أميرة بمرح .... بس يا هبلة مش إحنا قولنا نبقي صحاب يلا بقي إجهزي عشان تدخلي وأنا أروح لمكتبي لحد لما تخلصي
أماءت رأسها بإيحاب لتتركها أميرة وتذهب .. بينما هي أخذت تلملم بعض الملفات وتجهزهم وبعد أن إنتهت نظرت لساعه يديها وجدت الوقت منضبط .. فإستعدت وتوجهت نحو مكتبه فتنهدت بعمق ثم طرقت الباب ليؤذن لها فدلفت للداخل وإقتربت من حافة مكتبه .. لتعطيه الملف ..
نظر هيثم لساعة يديه ووجدها أتت في الموعد الذي حدده لها ..
أخذه منها ثم تفحصه بعناية وقد أعجب بشغلها كثيرا ولكن كان يوجد بعض الأشياء لم تفعله هي وإنما شخص أخر وأيقن إنها أميرة .. نظر لها بتمعن ..
هيثم .... تمام جدا شغلك جميل
هيثم .... بس في حاجات كده إنت مش إللي عملاها
سهر فرغت فميها بدهشة كيف علم بذلك الأمر .. عندما رآها بتلك الحالة ظهرت إبتسامة علي ثغره هادئة ..
هيثم برزانه وبجدية .... أكيد إنت مستغربة إزاي عرفت بصي يا سهر أنا إللي بشغله معايا لازم أعرف كل حاجه عنه .. ومدام أميرة بقالها مدة كبيرة عندنا وأنا حفظت شغلها .. ودلوقتي أنا عرفت هي إللي ساعدتك فيه أنا مش مدايق وده طبعا أنا كنت متوقعه لانك إنت في فتره التدريب .. بس مع الوقت يا سهر هتاخدي علي الشغل وأنا واثق من كده
سهر .... شكرا لحضرتك وإن شاء الله هكون عند حسن ظن حضرتك
هيثم .... إن شاءالله تقدري تتفضلي
سهر بإيماء ثم ذهبت نحو الباب وهمت أن تفتحه ولكن جائها صوته ..
هيثم .... سهر ثواني
إلتفت له فتابع .... ممكن تطلبي من الكافتيريا تجيبلي قهوة بتاعتي عشان التلفون عاطل عندي
بتأكيد .... تمام يا مستر هيثم .. حضرتك تؤمر بحاجه تانيه
هيثم بنفي .... لا شكرا إتفضلي
قامت سهر بفتح الباب وخرجت ثم اغلقته خلفها لتتجه نحو مكتب أميرة وهي تتنهد ..
أميرة بضحك .... إيه يا بنت كنت بتحربي جوه ولا إيه
سهر ... لا بس مستغربة أووي تتصوري إنه عرف إنك ساعدتيني
اميرة بتأكيد .... أكيد يا بنت ده مستر هيثم مش أي حد إنت مع الوقت هتعرفيه كويس
أميرة .... يلا بقي عشان نأكل
سهر بدهشة .... إنت لسه ما كلتيش والله بحسبك كلتي عشان إتأخرت جوه
هزت راسها نافية ..
أميرة .... لا طبعا أنا قولت نأكل مع بعض عشان يبقي عيش وملح
إبتسمت لها سهر بحب ثم تلاشت إبتسامتها لتتذكر شئ .... يالهووووي نسيت
أميرة بإنتباه .... إيه في إيه !!
سهر .... مستر هيثم كان عايز قهوة عشان تلفونه عاطل .. أطلب رقم إيه
تنهدت أميرة .... ياشيخه إفتكرت مصېبه أطلبي ٤ وأااه قوليلهم قهوة مستر هيثم وهما عارفين
سهر .... مااشي
لياتيها الرد وأخبرته ثم أغلقت الخط وجلست مع أميرة لتتناول معها الفطور ..
وهم يتناولون كانوا يتحدثون في أمور عديدة وكانت أميرة تحكي لسهر عن حياتها ..
سهر بإعجاب .... يعني إنتوا إتعرفتوا علي بعض هنا
أميرة بإيماء .... أيوة إحنا متعرفين علي بعض هناا وأعجبت بيه وأعجب بيه وبصراحه هو كويس جدا ومش حارمني من حاجة أنا وعيالي
سهر بإبتسامة .... ربنا يخليكوا لبعض
أميرة بحب .... ويخليكي يا حياتي
وفجأة قطعهم صوت رنين هاتف فنظرت سهر لهاتفها وجدتها نهي فضغطت علي الزر لتجيب ..
سهر .... الوو يا نهي أنا تمام وإنت .. تمام ماشي .. أه هقول لعمي إني طالعة هجيب حاجات وهتأخر وهستناكي هناك .. خلاص تمام علي معدنا تمام يلا بااي ..
لتغلق معها لتنظر للأميرة ..
سهر .... دي أميرة بنت عمي ودي أحسن منهم كلهم
أميرة بعدم فهم .... أحسن منهم إزاي
سهر بتنهيدة .... مع الوقت هحكيلك حكايتي لأن بصراحة إرتحتلك جداا
أميرة بإبتسامة .... وأنا كمان والله .. إنت حقيقي عسوله وطيبه
سهر بإمتنان .... ربنا يخليكي
بعد أن إنتهوا جلسوا قليلا معا لتعلمها أميرة بعض الأشياء الأخري وهكذا .. إلي أن جاء موعد الإنصراف فإستعدا جميعهم ..
أميرة .... قوليلي صح إنت هتروحي فين
سهر .. بنت عمي مستنياني عند ... أروحلها هناك
أميرة بتفكير .... طب كويس يعني في طريقي تعالي معانا أنا وحسام نوصلك
هزت رأسها نافية ..
سهر .... لا لا مافيش داعي عشان ما عطلكيش أنا اخد تاكسي
أميرة .... تعطليني إيه بس ولا إنت مكسوفة عشان حسام
سهر بخجل .... لا مش كده يعني
لتقاطعها أميرة .... خلاص بقي وكمان يلا عشان أعرفك عليه
وبعد محاولات قررت سهر تذهب معها ولكن قبل أن يذهبوا وجدوا مكتب هيثم إنفتح ليخرج منه فنظر لهم بتعجب ..
هيثم بتساؤل .... لسه ما مشيتوش ليه !!
أميرة بإبتسامة .... هنمشي دلوقتي أهو يا مستر
