رواية ندي الفصول الاخيرة

حتى لو حبيته مكنش بيبقى عندى الجراءة ابين غيرتي وكان كبريائي بيمنعنى .. واستحملت الإهمال وعدم الحب وكان واحد من أسباب تحملي كمان هو هنا عشان أنا مدركة حبها وتعلقها بعدنان إزاي لكن طاقة صبري نفذت في الآخر لما عرفت إنه ناوي يوافق على الطلاق بس هياخد هنا مني وهربت بيها .. وبعد كدا وافقت وتراجعت عن الطلاق لما اعترفلي بحبه وشوفته ازاي عايز يرضيني ويصلح أخطاء الماضي قررت إن احاول انسى واعيش في السعادة اللي كنت يتمناها معاه .. لكن ظهور فريدة تاني بعد كل اللي عملته واقترابه منها وشعوري بإنه لسا بحبها خلاني وصلت للنهاية يادادا .. صدقيني معنديش طاقة استحمل ألم وضعف من تاني .. معنديش استعداد اعيش احتمال عودة الماضي من تاني .. خاېفة ويمكن خۏفي هو اللي سبب عدم ثقتي في عدنان

ابعدتها انتصار عنها بلطف واحتضنت وجهها بين كفيه بحنو ثم همسات باسمة بحنو 
_ أنا فهماكي يابنتي وحاسة بيكي .. وإنك للحظة حسيتي الماضي رجع لما شوفتيه بيدخل عندها وحسيتي نفسك هتكوني جلنار القديمة وإنك لو قولتليه كدا هتجرحي كرامتك وكبريائك .. بس تفكيرك غلط ياجلنار عمر الماضي ما يرجع يعني كان لازم تقوليله وتواجهيه ياحبيبتي .. جايز كان عنده سبب احنا منعرفهوش وتكوني ظلمتيه 
_ طيب لو قولنا إنه في سبب خلاه يروحلها .. وصورتها اللي كانت في محفظته وكمان لما اخدها من قدام الشركة ومشيوا وكان قايلي قبلها إنه وراه اجتماع مهم وبعد شوفته بيركبها عربيته وخدها معاه .. معقول كل دول صدف أو ليه أسبابه الخاصة !
هدرت انتصار بجدية 
_ متظلمهوش وإنتي مخدتيش خطوة إنك تسأليه حتى ياجلنار وتتأكدي من شكوكك .. إنتي اخترتي الطريق الأسهل والأقصر رغم إنك عارفة إنه كله شوك .. ودلوقتي اديكي بتشتكي من ألمه ! .
فقدت القدرة على الإجابة واكتفت بإطراق رأسها أرضا وبكائها الصامت حتى سمعت عبارة من الخالة انتصار كانت بمثابة السهم القاضي لها جعلتها تتطلعها بنظرة تائهة حيث قالت انتصار بحكمة وخفوت 
_
خليكي عارفة إن زي ما كل حاجة ليها ضريبة .. الحب كمان ليه ضريبة وضريبته مش سهلة !
اصطحبها معه بالصباح بناءا على رغبتها في التحدث معه لبعض الوقت .. فأخذها لمكان غريب لكنه رائع .. شاطيء وأمامه المياه مباشرة وكانوا يجلسون فوق مقعدين على الرمال أمام المياه .. وحتى الآرض مرت أكثر من ربع ساعة والصمت يهيمن على الأجواء بينهم .. وكلما تنظر له تراه شاردا وعابسا الوجه فضيقت عيناها بحيرة وسألته في النهاية بقلق وفضول 
_ آدم إنت كويس .. في حاجة مضيقاك يعني !
هز رأسه بالنفي مجيبا في هدوء 
_ لا مفيش حاجة 
اعتزلت في جلستها وادرات المعقد حتى يصبح لمواجهته هو بدلا من المياه .. ثم استندت بمرفقها فوق ذراع المقعد ووضعت كفها أسفل وجنتها تتطلعه مبتسمة بمرح جميل 
_ احنا اتفقنا أننا مش هنخبي حاجة عن بعض صح 
رقمها بطرف عينه وابتسم بحب على عفويتها ثم رد مؤكدا عبارتها 
_ صح 
مهرة بابتسامة بدأت تتسع أكثر 
_ طيب قولي بقى إيه اللي مضايقك 
تنهد الصعداء بعدم حيلة وخنق ثم رده بخفوت 
_ مشاكل كتير يامهرة منهم مشاكل مع ماما وسبب إني سيبت البيت وده صدقيني أنا مش حابب لا افتكره ولا اتكلم عنه .. أما السبب التاني فهو مشاكل جلنار وعدنان
مهرة مبتسمة برقة واهتمام 
_ طيب جلنار وعدنان مش هتحكيلي برضوا ! 
مسح على وجهه متأففا ثم قال 
_ النهارده اتطلقوا 
شهقت مهرة پصدمة وقالت غير مصدقة 
_ ايه إزاي .. وحصل إيه لده كله ! 
_ مشاكلهم المعتادة وعناد جلنار وصلهم في النهاية للطلاق ! .. عدنان من وقت ما جلنار سابت البيت هي وهنا وبقى واحد تاني .. أنا مشوفتهوش كدا بعد انفصاله عن فريدة ولما عرف حقيقتها .. وعايزة الحق مكنتش متوقع إنه يكون بيحب جلنار بالشكل ده !
زمت شفتيها بعبوس وحزن ثم قالت محاولة نشر القليل من الأمل 
_ طيب مفيش أمل إنهم يرجعوا لبعض تاني ! 
آدم بيأس 
_ واضح إن كل الطرق اتقفلت يامهرة .. وهنا ملهاش ذنب في كل اللي بيحصل بين باباها ومامتها .. وأنها تتحرم من حجات كتير معاهم وهي في السن ده !
مهرة ببعض الثقة ولمعة العينان اللامعة 
_ هما بيحبوا بعض وهيرجعوا صدقني 
_ يارب !! 
مدت يدها تمسك بكفه الضخم بعد لحظات وهي تبتسم بنعومة وتهمس بنظرة ذات معنى 
_ ممكن تبتسم بقى مش بحب اشوفك زعلان ومضايق أبدا يا آدم 
نجحت في رسم الابتسامة وإشعال ضوء السعادة والغرام في عيناه حيث ضغط على كفها أكثر وتمتم وهو يتطلع في عيناها بثبات 
_ ده بجد يعني ! 
ارتبكت قليلا وسحبت يدها ببطء من قبضته ثم حاولت تبديل مجرى الحديث فتطلعت بعينيه الخضراء متصنعة الدهشة وتهتف 
_ إيه ده هو إنت لون عينك