رواية سلوي من الفصل الاول للفصل السادس عشر

تاني وعمرى ما استهون بأي خطأ والله أنا كتير كنت بقول لأ لحد ما ضعفت يومها قولت مرة مش هتعمل حاجة والله أنا ندمان مش عايز حضرتك ولا ماما تزعلوا مني 
للأسف أنت هزيت ثقتي فيك لدرجة أنت مش متخيلها 
أنا قابل أي عقاپ بس بلاش تزعل مني أوعدك مش هاستهون بأي غلط مرة تانية بس بلاش تقول كده 
للأسف ده اللي حصل لازم تتحمل نتيجة خطأك أنت محتاج تفكر إزاي ترجع ثقتي فيك من تاني وتنبي جدار الثقة اللي أنت هديته بتصرف ما حسبتش عواقبه وده مش عقاپ دي نتيجة فعلك فقط أما العقاپ هيكون أنك هتفضل في البيت تلت أيام مفيش تليفون ما فيش نزول ما فيش بلكونة يعني من الأوضة للصالة بس وخليك عارف إني هكون مراقب كل تصرفاتك لحد ما أتأكد أنك تغيرت د وأرجع أثق فيك مرة تانية 
قبل محمود يد والده
أوعدك أكون عند حسن ظنك وإني احوز على ثقتك مرة تانية عمري ما استهون باي فعل صغير أو كبير 
اتمنى من كل قلبي أنك تعمل كده يلا أطلع صالح والدتك وراضيها ما بطلتش عياط من إمبارح بسببك 
اعتذر محمود مرة أخرى وذهب لوالدته اعتذر لها واسترضاها 
أما بمنزل عبد الرحيم فاعتاد عبد الرحمن أن يكن بعيدا عن الأخطاء وبالرغم من هذا لم يسلم من العقاپ وكونه محبوبا ممن حوله لا ينفي وجود المدعين للصداقة والمنافقين فدبر له أحد زملائه فخا وأجاد نصبه فسقط عبد الرحمن بشركه صريعا 
يومها وبعد أنتهاء اليوم الدراسي لجأ إليه زميله مدعي الخۏف 
عبد الرحمن إزيك
أجابه ببشاشة
الحمد لله مش باين يعني ومش بتقف معنا أبدا لا في المدرسة ولا برة 
ما اعرفش حد من المجموعة اللي معك وبحرج أنا ليا عندك خدمه ممكن
أجابه بترحاب شديد 
أكيد طبعا لو في ايدي استحالة أتأخر 
أنا متخانق مع شوية شباب كده وهما عارفين خط سيري ومستحلفين يضربوني وأنا مش هقدر عليهم لوحدي وأصحابي سابوني فكنت عايزك معايا عشان لو حاولوا يؤذوني ما أكونش لوحدي لو مش عايز عادي من غير زعل 
أصحابك مش جدعان وما يستهلوش تقول عليهم أصحاب الصديق يظهر وقت الضيق ما تقلقش أنا معاك 
بجد! يعني هنروح مع بعض النهاردة 
أكيد يلا 
تحرك عبد الرحمن معه ولم يراوده الشك بحديثه ومع الوقت وجده يتحرك مقتربا من مدرسة البنات ولم يحب عبد الرحمن المرور جوارها 
هو مفيش غير الطريق ده
أنا عارف انه زحمة بسبب المدرسة دي بس ده طريق البيت لازم أعدي من هنا 
لم يتوقع الغدر فصدقه غافل عن نية الآخر وعندما اقترب من إحدى الفتيات قام الشاب بضربها أسفل ظهرها ودفع عبد الرحمن باتجاهها فاعتقدت إنه الفاعل فصړخت بفزع وأسرع حارس المدرسة وبعض المدرسين إليها فأشارت على عبد الرحمن وقصت ما حدث وسط شهقاتها فأمسكوه ولم يصدقوا روايته احتجزوه واتصلوا بوالده عبد الرحيم 
أقسم لهم عبد الرحمن مرارا أنه ليس الفاعل ويمكنه إحضار الفاعل الحقيقي دون جدوى حتى والده لم يصدقه وتعهد أمام المدرسين بتأديبه وتعهد لهم ألا يعاود ابنه فعله 
أيقن عبد الرحمن سوء ما ينتظره عند العودة ظل يقسم لوالده طوال الطريق أنه لم ولن يفعل لم يتحدث والده فقط انتظر وصولهما وعندها جذب ناصيته وادخله الغرفة وحدثه أمرا بحدة
اقلع هدومك كلها وأجهز لنتيجة فعلك أنا هوريك يعني أيه تمد إيدك على واحدة ما تحلش لك وتعاكس بالسڤالة دي 
أمتثل عبد الرحمن ووقف منتظر عقابه على ما لم يفعل 
والله يا بابا مش أنا اللي عملت كده ده زميلي في المدرسة 
أخذ عبد الرحيم حزاما عريضا ووقف أمام ابنه شاحب الوجه الذي يحاول جاهدا إخفاء خوفه ويجاهد لحبس دموعه لم يرأف بحاله والده وتحدث وهو يهوى بجلداته على جسد ابنه
ولما هو صاحبك سابوه ومسكوك ليه
عاد وهوي بحزامه عدة مرات واسترسل
وايه اللي وداك عند مدرسة البنات من الأساس
أجاب والده بصوت مخټنق ومتقطع وقد بدأت شرارات اضرام النيران بظهره أثر جلدات الحزام
طريق بيته كان عايزني أروح معاه عشان في زمايل له عايزين يضربوه 
لازال يهوي بحزامه وهو يحادثه
بلطجي مثلا ولا كنت رايح تشاركه كل واحد يقل أدبه على بنت بس حظك كان وحش واتمسكت أنت وهو هرب 
مع نهاية جملته سدد له عدة ضربات حاړقة سريعة بكل ما أوتي من قوة
فانتفض عبد الرحمن مخفضا رأسه ومغلقا عينيه كمحاولة لتحمل الألم تحدث مدافعا عن نفسه بصوت مخټنق متقطع
والله العظيم أبدا هو قالي أنه أنه خاېف وأصحابه سابوه وخافوا كنت بساعده 
لم يستمع له ظل يسدد ضرباته واحدة تلو الأخرى رج دوي الضربات أرجاء المنزل تفزع حافظة وتنتفض مع كل ضربه انسابت دموعها شفقة على ابنها لم تستطيع معنها عنه 
ظل والده على فعله حتى احترق ظهر عبد الرحمن كاملا فبدأ عبد الرحمن بالتوسل لوالده محاولا كظم ألمه
بابا كفاية كفاية أرجوك 
والله مش أنا مش بكذب أرجوك كفاية 
توقف والده أخيرا وقد تلون ظهر عبد الرحمن بين الزرق والأحمر القاتم