رواية صعيدية تحفة الفصول من الاخيرة

عوضها خير وانتي لسه صغيرة وحلوة وان شاء الله ربنا هيعوضك خير
زينب انا مش عايزة حاجه من الدنيا غير اني اربي عيالي واشوفهم بخير انا کرهت الجواز ومش بفكر فيه
روفيدة ليه كده
زينب من الي شفته
روفيدة لا انا مش معاكي في الحته دي لان صوابعك مش زي بعضيها والدنيا لازم تعيشيها بحلوها ومرها ومتزهقيش من انك تعيشي
زينب تفتكري ممكن يجيلي حد يحبني واحبه وانسي الدنيا طب وعيالي دووول مين يتحملهم وانا كله الا عيالي دا انا سبت ابوهم لما حسيت انه هيأذيهم
روفيدة ان شاء الله ربنا يبعتلك الي يحبك ويصونك ويشيلك جوه عنيه انتي وولادك بس انتي خلي عندك ثقة بالله وفي عوضه
زينب ربنا كريم المهم انتي منورانا والله
روفيدة بنوركم ياحبيبتي تسلمي
في غرفة الحاجه سعاد
الحاج فاروق انا مش عارف الدار كلها فرحانة وانتي شايلة طاجن ستك وبوزك شبرين
الحاجه سعاد وافرح ليه ولدي متجوز وحده ارمله وقدمها فقر عايزني افرح باايه ولا اباركله الصبح علي ايه
الحاج فاروق ولدك رايدها وبيعزها وهي الي هتريحه
الحاجه سعاد تقول ساحرالهم متشحتفين عليها مش عارفه علي ايه
الحاج فاروق اتقي الله ياحاجه احنا عندينا ولايا وبعدين البت زينة ومؤدبه وعتطلعش من بوقها العيبه وشفناش منها حاجه وحشه 
الحاجه سعاد دلوقتي نشوفوا وابقي قول
سعاد قالت
الحاج فاروق طب نامي نامي ربنا يخلف ظنك يارب عشان تسكتي
الحاجه سعاد عشم ابليس في الجنة
في شقة خديجة
خديجة انا فرحانه ليونس ورقية قوووي يامنعم
منعم اه والله وانا كمان ربنا يسعدهم
خديجة انا عايزة افاتحك في موضوع بس بصراحة خاېفه تفهمني غلط
منعم خير قولي مش هفهمك غلط
خديجة بص احنا جربنا كام دكتور هنا ومحصلش نصيب ايه رأيك لو نجرب في حته تاني واقسم بالله انا بفكر عشانك مش عشاني نفسي اسعدك ويكون ليا حتة منك
منعم انا فاهم ومقدر وانا نفسي كنت بفكر في كده من فترة.
خديجة بجد يعني موافق
منعم موافق بس خاېف
خديجة خاېف من ايه بس
منعم خاېف لأكسر بخاطرك بعد العشم وميحصلش نصيب ساعتها مش هسامح نفسي
خديجة لا سامح نفسك وانا اقسملك اني مش هزعل بس هحس اننا عملنا الي علينا عالأقل والأمل كله في ربنا
منعم طيب انتي تعرفي دكتور كويس
خديجة رقية كانت قايلالي انها تعرف مركز كويس في اسكندرية انا بكره لما اروح
الصباحيه اباركلهم هسألها عالتفاصيل بإذن الله
منعم لآخر مرة بقولك لو حاسه انك مش مبسو...
خديجة وضعت يديهاعلي فمه لتسكته اوعي تكملها انا معرفش معني الفرحة والانبساط والراحه الا معاك انت وبس ربنا يخليك ليا
منعم ويخليكي ليا ياقلبي من جوا ويقدرني واسعدك نسيت اقولك مش شيماء راحت للعروسه الجديدة
خديجة يالهوي ازاي وعرفت توصلها
منعم طبعا دي شيماء
خديجة طب وعملت ايه
منعم بهدلتها وشټمتها وقالتلها انها هتخلي منير يطلقها وقالتها ياخطافة الرجالة والجيران اتفرجوا عليها
خديجة
ياه ومنير عمل ايه
منعم مراته التانيه اتصلت بيه واحنا في كتب الكتاب بنتعشوا مع الرجالة في المنضرة وندهلي حكالي بس لسه مشفتوش عمل ايه ربنا يستر
خديجة رغم كل الي عملته فيا بس صعبانه عليا
منعم معقول تصعب عليكي بعد كل ده
خديجة ايوة ياحبيبي اصل الست لما جوزها بيتجوز عليها پتتوجع وروحها بتتكسر كأنه بيقولها ان التانيه دي احسن منك وعايزها هي ومش عايزك
منعم يمكن بس هي الي ضيعته بنكدها واسلوبها ده
خديجة يمكن يالا ربنا يصلح حالهم بقا اه انا نعسانه قوووي يالا ننام
منعم تنامي ايه انا مش هسيبك النهاردة
خديجة آه منك انت مبتزهقش مني
منعم في حد بذمتك يزهق من الجنة
خديجة لا طبعا
منعم اهو انتي جنتي الي ربنا كرمني بيها في الدنيا ومستحيل ازهق منك
خديجة ياه ياحبيبي ربنا يخليك ليا ولا يحرمني منك ابداااااا
في شقة فاطمة
احمد الحمد لله الليلة عدت علي خير عقبال آدم
فاطمة آدم يارب
احمد مالك
فاطمة اصل بصراحه حلمانه حلم لآدم مش مريحني وخاېفه قوي عليه
احمد ياشيخه استعيذي بالله هتخافي من حلم ان شاء الله مفيش حاجه وحشه هتحصل
فاطمة يارب يااحمد وافرح بيه واشوفه مبسوط زي يونس
احمد ان شاء الله تشوفوه دكتور كد الدنيا وتجوزوه وتفرحوا بيه يالا بقا ياحبيبتي تعالي نامي جمبي
فاطمة حاضر ياغالي
احمد ربنا يخليكي ليا
فاطمة وانت كمان يارب
بعد الصلاة والدعاء بالحياة السعيدة والذرية الصالحه ظل يونس ممسكا بيد رقية يتأملها بذلك الإزدال الأبيض المزخرف بعدة الوان في الصدر والأكمام كان جمالها يضفي علي كل ما ترتديه جمالا خاصا باابتسامتها الرقيقه وهدوئها المعتاد لم يكن جمالها الشكلي هو المميز بل ان اخلاقها التي ميزتها بحمال من نوع خاص ....
رقية يونس ايه مش خلصنا صلاة وسبحت علي ايدي كمان مالك باصصلي كده ليه
يونس يوه مش ربنا قال اننا نتأملوا في جمال مخلوقاته وانتي من اجمل ما خلق ربنا في الارض
رقية ياه كل ده
يونس واكتر من كده عارفه انا لما بشوفك بحس اني مش قادر احوش عيني عنك وبحس اني فرحان بس لو شفت ضحكتك دي كل حاجه منك وفيكي حلوة حتي لما بتكوني تعبانه بتكوني زي الملايكه ومش بتحبي حتي تتوجعي او تشتكي لحد بس انا بحس بيكي
رقية انا فرحانة اووووي اني معاك يايونس بجد انت عوض ربنا ليا
يونس وانتي احلي رزق ربنا ادهوني بصي بقا ياستي قومي كدهكانا يجلسان علي مقعد كالكنبة
رقية ايه خير
يونس ابدا انا جبت الكنبه دي بتبقي سرير عشان انام عليها وانتي تاخدي راحتك
عالسرير مش عايزك تخافي ولا تقلقي ابدا طول ما انا جمبك بس في نفس الوقت عايزك تطمني اني عمري ما هغصبك علي حاجه بس متحرمنيش من اني اتصبح بوشك الحلو واتمسي بيه
رقية انا مش عارفه اقولك ايه انت ازاي بتحس بالي جوايا انا فعلا كنت بفكر هعمل ايه
يونس انتي قلبي وروحي ولازمن احس بيكي 
رقية ربنا ما يحرمني منك ابدا
يونس طيب يالا بقا عشان بصراحه اناجعان وبصراحه اكتر نفسي اكل وانتي جمبي
رقية وبصراحه وانا كمان بس هغير الازدال واجي بسرعه
يونس ماشي ياقمر خدي راحتك
وبعد خمس دقائق خرجت رقية من الحمام مرتدية بيجامة قطن عادية ولكنها جميله باللون الآحمر
يونس ياصلاة النبي ما شاء الله اول مرة اشوفك ببجامه
رقية الله بقا انت كل شويه هتكسفني كده ولا ايه
يونس ابدا والله دا انتي بدر منور اعملك ايه بس
رقية وقد احمرت خجلا طيب يالا ناكل بقا ومدت يدها
يونس بعصبية مصطنعه انتي بتعملي ايه
رقية ايه يايونس مالك هاكل في ايه
يونس ومين قالك انك هتاكلي كده
رقية الي هو كده ازاي يعني مش فاهمه
يونس قصدي اني انا الي هوكلك بيدي ياقمر
رقية اخص عليك والله اټخضيت افتكرتك هتقولي انا الراجل اكل الاول وبعديا انتي
يونس انا يونس مش سي السيد انتي فوق راسي من فوق ياست الناس
رقية طمنتني ربنا يباركلي فيك
وبعد ان تناولا العشاء تركها يونس لترتاح وكانت رقية قلقه رغم نومها بمفردها ولكنها تشعر بذلك رغما عنها وظلت تفكر وتفكر حتي جاء الصباح ونامت دون ان تشعروكذلك يونس فهو يشعر بسعادة لكونه تزوج برقية ولكنه قلقا لانه يريد حياة طبيعيه بينه وبينها ليس لشيء ولكنه لأنه يحبها وبشدة...
وجاء الصباح واجتمع الجميع علي مائدة الافطار وحضرت زينب بمساعدة روفيدة الافطار المميز للعرائس كان الجميع يشعر بالسعادة وما ان اوشكت زينب ان تصعد بالافطار لغرفة العرسان حتي فوجئت بهم علي الدرج....
زينب ايه ده ايه الي نزلكم صباحية مباركة ياحبايبي
يونس قولنا نفطروا كلنا سوا
رقية ايوة عشان الأكل في اللمة حلو اووووي
زينب دا انا كنت مطلعالكم الفطار يالا معلش تعالوا يالا دا اللقمه تحلي بيكم
الحاجه سعاد بتمتمه تلاقيه زهق طفش من وشها قال انزل لامي
آدم سمعتك ياما حرام عليكي دا انا عمري ما شوفت يونس وشه فرحان كده
روفيدة اهلا اهلا بست العرايس ايه القمر ده
رقية حبيبتي بنورك والله انا مبسوطه انك
معايا
روفيدة طب كويس انك هتفطري معايا عشان انا مضطرة اسافر بعد كام ساعه
حجزت مستعجل
رقية بحزن ليه بس
روفيدة ابني الكبير تعب فجأة ولازم اسافرله بس اوعدك هجيلك واجيب الولاد قريب
يونس ليه كده دا رقية كانت فرحانه اووووي بيكي
الحاجه سعاد ما تقعدي يابتي مع اختك دا حتي جوزها باينله نازل شغله
يونس لا انا مش نازل شغلي انا نازل افسح رقية
روفيدة الله يهنيكم يارب
وبعد الافطار واثناء تناول الشاي...
زينب والله ما شبعنا من قعدتك ملحقتيش
روفيدة لا يازوزو احنا بقينا اصحاب ولازم نتكلم علي طول ومعلش تتعوض
يونس امال فين ابويا ياآدم
آدم راح عالأرض من بدري وسابلك الظرف ده بيقولك نقوط ام سما ياعريس
يونس ياه هاته
آدم لا معلش هو قال لام سما ههههههننهه
رقية شكرا ياآدم واشكرلي بابا حقي يايونس بقا 
يونس وماله وخدي دول كمان
رقية ايه الفلوس دي كلها
يونس دول هديتي ليكي انتي يالا بقا قومي اجهزي
روفيدة ايوة بقا ماشيه معاكي
رقية هههه هنبتدي قر بقا
الحاجه سعاد ومن امتي العريس بينقط عروسته
يونس من سعت ما عروسته بقيت رقية لانها غير الكل ياما.. ونظر في عيني رقية بعمق وحب
رقية وكأنها تناست من حولها وبادلته بعفوية نظرته ربنا يخليك ليا يايونس
زينب احم احم
آدم لا انا هقوم بقا عن اذنكم عقبالي يارب
الحاجه سعاد دلع مرق وماسخ بت يازنوبه انتي يابت غارت فين دي اقوم اشوف الي ورايا احسن
روفيدة لرقية هي مال الحاجه ها
رقية متخديش في بالك هي طيبه وبتحبني بس عادي كبري دماغك المهم ايه رايك يايونس نوصل روفيدة المطار واهه نتفسح
يونس طبعا وهي دي عايزة كلام بس عيب انك تحجزي من النت وتدفعي بالفيزا حساب التذكرة عندي هتاخديه في يدك
روفيدة وليه بقا ما كفايه الجاية
يونس انتي اخت الغاليه وانا الي جبتك ولازمن ارجعك انتي فوق راسنا من فوق
روفيدة بجد شكرا يايونس مش هوصيك علي رقية والبنات
يونس رقية في عيني وقلبي والبنات انا زي ابوهم وهما عرضي متقلقيش عليهم
رقية والله ياروفيدة يونس شايل البنات في عنيه من جوا ومش عارف يعملهم ايه ولا ايه
روفيدة ربنا يخليكم لبعض وانتي يارقية خدي بالك من يونس ومن اهل جوزك دول اهلك فاهمه
رقية في عنيا والله وانتي اوعديني تيجي تاني ومش تتاخري عليا
روفيدة انا بقا الي هستناكم تيجو عندي تتفسحوا وتنبسطوا
يونس ان شاء الله قريب
رقية حاضر ياقلبي
مرت الساعات وقام يونس برفقة رقية باإيصال روفيدة للمطار ووداعها ومن ثم اخذها لعدة اماكن لكي يستمتعا بالوقت سويا
يونس حلوة الملاهي معلش انا عارف انها صغيرة والمعمورة احلي بكتير بس اوعدك اني بكره نسافر زي ما انتي اختارتي اسكندرية
رقية هي صحيح الملاهي دي صغيرة بس انا مبسوطة اووووي بصراحه كنت فاكراك انك صعب كده وملكش في الحاجات دي ههههههههه
يونس حرام عليكي انا مستعد الف معاكي الدنيا بس تكوني مبسوطه
رقية وانا يكفيني اكون معاك حتي لو مخرجناش