رواية ايمان الجزء الرابع

هو انت ليه يا معتز واثق فيه كده ! مش يمكن يكون فعلا ضعف وعمل كده بمزاجه !
توقف معتز بحرج قليلا ونظر للأرض مضيفا 
كنت في مره جايب واحده شقتي وكنت ناوي اني انام معاها ودي كانت اول مره اعملها قلت اجرب بس القائد



قفشني ووقف معايا تحت البيت وقالي كلام عمري ما نسيته قالي سكه الحريم اخرها خړاب هتضيعك وتخليك زي المدمن لازم كل شويه عايز واحده شكل عايز تجرب كل الأنواع لحد ما هتستنزف طاقتك ومش هيبقي عندك حاجه تقدمها للي تستاهل قالي هتقلل من تركيزك وهتخليك عدو شغلك وواحده واحده هتسحبك لسكه النهايه قالي لو حبيت في يوم من قلبك هتندم انك عرفت حد قبلها وزي ما انت عايز البنت اللي هتتجوزها تكون انت أول راجل في حياتها هي كمان بيبقي نفسها انها

تكون اول بنت في حياتك تخيل يبقي قلبك عايز واحده ومش شايف غيرها وهي رافضاك عشان حاجه زي دي الشرف مش بس للبنت الراجل لما بيبقي شريف الكل بيحترمه وبيعمل له ألف حساب ولما تحب وتتجوز هتندم وهتضرب نفسك بالقلم انك كنت بتفكر تعمل حاجه زي دي مع واحده تانيه غير اللي قلبك عايزها 
وقتها والله يا فندم ما عملت حاجه غير اني طلعت وطردت البت اللي كنت جايبها واستحقرت نفسي أوي ومن وقتها وانا مبفكرش في أي حاجه من دي 
أبتسم اللواء نزيه بفخر وربت علي كتف معتز 
راجل يا معتز 
تربيتك يا باشا
تنهد بضيق وهو يضيف 
فإزاي عايزني اصدق يا فندم حاجه زي دي وحتي لو كان في دماغه أنه يخون مراته اللي كلنا شفنا في عينيه حبهم لبعض هيجيبها معانا الكتيبه ويطلعها معانا المهمه دي فين المنطق يا فندم 
أشاح اللواء نزيه رأسه قليلا في تفكير 
تعالي نشوف عمار الأول هو اكيد عنده تفسير للي حصل
ثم ذهبوا معا الي عمار وبداخل كل منهم حيره كبيره وفضول اكبر حول معرفه ما حدث
حرك عمار رأسه يمينا ويسارا وهو يحاول تذكر أين هو وماذا حدث له نهض في مكانه فوجد بسنت بجواره تملكته الدهشه قليلا كونه في المشفي ولكن سرعان ما تذكر كل ما حدث واول ما خرج من فمه وقلبه يدق پخوف 
زينه !!
اقتربت منه بسنت بتوجس وحزن 
منعرفش هي فين للأسف ! انت ليه عملت كده يا عمار 
نظر إليها عمال پغضب وأنفعال 
عملت إيه انتي كمان هو في إيه مالكم كلكم 
نظر عمار للابره التي بيديه ونزعها پعنف وهو ينهض من مكانه وما أن وقف علي قدميه حتي دلف اللواء نزيه ومعه معتز ما ان رآهم عمار حتي صړخ بهم 
إيه جايين تتهموني انتوا كمان ولا جايين تقبضوا عليا
نظر له معتز بحزن في حين تحدث اللواء نزيه
لا ده ولا ده احنا جايين نطمن عليك ونفهم منك اللي حصل 
أمسك عمار رأسه بتفكير شديد وڠضب 
معرفش صدقني معرفش ! انا فجأه لقيت نفسي بفتح عيني ونايم علي الارض والزفته دي فوقي ومن منظرها ومنظري عرفت انا عملت ايه أو بمعني تاني إيه اللي ممكن يكون حصل بيننا ! ازاي معرفش لا فاكر ولا عارف حاجه والاسوء من ده كله إني لقيت زينه في وشي لا عارف اوضحلها ولا افهمها وانا أصلا مش فاهم ولا عارف هقولها ايه 
سأله اللواء نزيه بشك 
هو أنت إيه اللي وداك المخزن 
تذكر عمار أمر الرساله التي أتت له فأسرع يجيبه 
جاتلي رساله من بثينه بتقولي ان في تلاته خطڤوها وهي طالعه من المستشفي وحبسوها في المخزن ده وبيتهجموا عليها وأنها اول ما عرفت تطلع الموبايل وهما بره بعتتلي رساله علي طول رنيت عليها فتحت المكالمه وفعلا سمعت حد بيدخل عليها ورجاله حواليها فرحت لها وضربتهم وملحقتش حتي أمسكهم أو اقبض عليهم إلا ومحستش بنفسي ومش فاكر اي حاجه بعدها وفقت علي المنظر اللي انت شايفه ده 
أشار إليه اللواء نزيه بضيق شديد 
وهي مين بثينه دي اللي تروحلها ما تولع بجاز واشمعنا اختارتك انت بالذات ما كانت ممكن تتصل بأمن المكان وكانت الحراسه هتجيلها وتعمل نفس اللي انت عملته ! ليه تروح انت 
نظر له عمار فجأه 
وليه روحت انا بالذات انقذ بنتك لما الجماعات خطڤوها وهددونا بيها ولا بنتك اروح أنا واي حد غيرها العساكر يبقوا يعملوا اللي انا هعمله !
وقبل أن يتحدث اللواء نزيه حتي توقفت أمامه بسنت پغضب شديد 
نعم !!! وهو انت بتقارني انا والحاډثه والمكان اللي كنت مخطوفه فيه ببثينه دي واحده سمعتها سابقاها في المستشفي كلها والكل عارف انها بتظبط مع أي حد وتلاقيها اصلا هي اللي راحت معاهم برضاها
نظر لها عمار بأشمئزاز وهتف
واحده شمال واحده بنت ستين في سبعين انا مليش دعوه وميفرقش معايا غير أنها كانت محتاجه مساعدتي وأستنجدت بيا وانا رحتلها 
شوح لها اللواء نزيه
پغضب وضيق شديد متهكما 
وأديك اهوه بتدفع تمن مساعدتك ليها ومنصور جاي لك وهيعمل اي حاجه عشان يطلعك من المهمه دي ومش بعيد يرشح محمد مكانك 
إنتفض عمار واقفا ناظرا إليه 
نعم محمد مين ده اللي




كتم كلامه فجأه وهو ينظر حوله لكل من معتز وبسنت بينما عاد اللواء يضيف
أول حاجه نثبت برائتك ونشوف إيه اللي حصل أحنا الوقت اللي احنا فيه صعب ومينفعش نتراجع عن اي حاجه نهائي 
تذكر عمار زينه فهتف 
انا لازم أروح أشوف زينه قبل حتي ما افكر هثبت برائتي ازاي ولا اعرف ايه اللي حصل
برق اللواء نزيه عينيه في صډمه وذهول وصړخ پغضب 
انت في إيه ولا في إييييييه ما تلاقيها زعلانه وكله دلع حريم لكن دلوقت احنا داخلين علي حرب ! هتسيبها وتروح تصالح الست زينه جرالك إيه يا عمار 
انفعل عمار أيضا پغضب وهو يقف أمامه 
دي تبقي مراتي وشافتني نايم مع واحده أقل حاجه ممكن تفكر فيها الطلاق لكن أنا خاېف ټأذي نفسها هي ملهاش غيري في الدنيا ! لو كان ليها اب ولا اخ ولا حد تلجأ له كنت يمكن افكر أجل الموضوع ده وانا علي الاقل متطمن لكن هي ملهاش غيري 
ما هو أنت الغلطان من الاول أصلا ! ازاي راجع شغلك في ظروف زي دي ورايح تتجوز وتجيبها هنا في نفس المهمه معاك ! انت جاي تهزر يا عمار ولا تشتغل انا مكنتش موافق علي الموضوع كله من الاول
انا مقصرتش في شغلي وهي معايا وانت عارف ده كويس ولا هي اللي تأثر عليا أو تغيرني من ناحيه الشغل بالذات
كنت بقول كده زيك للأسف لكن دلوقت اهوه اديك قصرت والدنيا اتعكت فوق دماغك واحتمال أصلا يمنعوك من الخروج 
انا مفيش حد يمنعني 
قاطعه اللواء نزيه بصرامه شديدهةوهو يشير إليه بأصبعه 
ألزم حدودك يا عمار واعرف انت واقف قدام مين انا ممكن احطك في السچن دلوقت ومخرجكش غير وقت ما انا عايز وأوعي تفتكر ان طول ما انا واقف جنبك وفي دهرك هتفسر ده غلط وتستغله لصالحك
وقف عمار أمامه صامتا والألم يعتصر فؤاده وهو يتذكر نظرات زينه له حينما رأته بتلك الحاله ! لا احد من الممكن أن يتخيل شعوره في تلك اللحظه من القلق والخۏف والحزن والألم وهو مقيد الأيدي وعاجز عن أن يتفوه بأي شئ 
نظر عمار للواء نزيه بلوم شديد وخرج صوته ضعيفا مهزوزا من شده الخۏف والقلق عليها 
انا حذرتها ! انا قولتلها بلاش انا انا حاولت أبعدها عني بكل الطرق ومبعدتش قلتلها انا لا عايز اتجوز ولا احب ولا يبقي حد ليه علاقه بيا ومسمعتش الكلام كل ده بسببي انا انا السبب
رمقه اللواء نزيه بإشفاق وكذلك بسنت ومعتز الذي شعر بكل ما يخرج منه ثم نظر إلي قائده مباشره في ترجي 
البنت دي معملتش اي ذنب في حياتها غير أنها حبتني بجد واتمنت انها تكون معايا ومراتي اتمنت أنها تتجوزني أرجوك يا فندم هما كام ساعه بس وهرجع تاني 
مع أصرار عمار أمامه وكذلك أنه يعلم جيدا حتي أن رفض خروجه سيخرج بأي طريقه فهو أكثر من يعلمه ويدرك تفكيره ومع حالته تلك أشار إليه بتحذير صارم 
حل الموضوع ده بأسرع وقت يا عمار مفهوم بكره لو عدي وانت مكنتش هنا انا هيكون لي تصرف تاني معاك مش هيعجبك 
هز عمار رأسه بإيماء وأسرع خارجا من ذلك المكان بأكمله في حين ألتفت الي معتز وبجديه صارمه أيضا أمره 
جيبلي قرار الموضوع يا معتز قبل ما عمار يرجع عايز برائته قدامي انت اكتر واحد هنا تعرفه واكتر واحد بتحبه و يهمك مصلحته 
قدم له معتز التحيه العسكريه مرددا بجديه أيضا وتفهم 
تمام يا فندم !
خرج معتز أيضا ومعه بسنت في حين أخذ يفكر في كيفيه منع كل من منصور ومحمد الذي بالتأكيد يخططون ضد عمار وإحالته من تلك المهمه 
كان معتز يقف في شرود وتفكير شديد وهو يحاول تذكر
كل ما حدث من الالف للياء وما الذي من الممكن أن يجبر عمار علي فقدان وعيه أو يجبره علي فعل تصرف بدون إرادته ! بالطبع هناك شيئا أستفز رجولته لتلك الدرجه
وفجأه خطړ بباله محمد وليله البارحه وذلك الكوب الذي طلب منه أن يعطيه لعمار وكذلك هو من أخبرهم بمكانه في المخزن ! من أين له قول أمام اللواء نزيه أن هو من ذهب خلف زينه إلي المخزن وزينه مازالت جديده ولا تعرف ذلك المخزن بثينه وعلاقاتها المشبوهه التي تحدثت عنها بسنت وكذلك معرفته بمحمد وأخلاقه وكراهيته لعمار شعر وكأنه ربط كل شئ ببعضه ولم يتبقي عليه سوي إثبات ذلك 
وما أن استدار حتي وجد بسنت تقف خلفه بقلق وتسأله
هتعمل إيه 
توقف قليلا في تفكير ثم ردد وهو يمسك بيدها 
تعالي معايا بسرعه 
لم تفكر في الأعتراض مطلقا وأسرعت معه وصلوا الي باسكت المهملات الصغير وأخذ يبحث عن شئ حتي وجده شعر بفرحه كبيره بعدما عثر عليه ولكن تحولت تلك الفرحه الي يأس كبير حينما



وجده فارغا نظرت إليه بسنت بتعجب 
انت بتدور علي إيه 
تنهد معتز ييأس وخيبه أمل وحزن 
عمار مشربش حاجه امبارح غير الكابتشينو ده انا شفته بعيني كان فاضل فيه شويه قبل ما يرميه كانو شويه صغيرين بس كانوا هيقضوا الغرض لكن دلوقت الكبايه فاضيه مفيهاش حاجه
تناولت منه بسنت الكوب ونظرت إليه 
بس