رواية رشا كاملة

بس

اللى بحاول أقرب منة وهو حتى محاولتى مش بيتقبلها. .. لما أنا جالة إحباط وكأبة. 
كوثر طب وطنط فريده وفريد اخوكى اخبارهم إية من الموضوع ده 
الحلقه الثانية
تضحك رنا فى مراره وتقول أهم دول بقى ... ماشيين تبع عقليه محمود ... الراجل فى الشركة ودة علشانك انتى وولادك ومعاه على طول الخط . بس وحياتك أنا مش هستمر فى الحياه دى بالشكل دا .
كوثر بدهشة بعد كل السنيين دى ... ممكن !
رنا من حقى إنى أعيش ونفسيتى مستريحة أنا جيت على نفسى كتير اوى علشان خاطر مصطفى وآية واهم كبروا ..حرام بقى أستريح أنا . لعلمك محمود عارف إن ده هيحصل بس تقدرى تقولى بيحاول يأجل دة على قد ما يقدر يعنى .
كوثر ربنا يهدى .
رنا يا رب أنا مش عايزة أخرب بيتى ... بس كل تصرفاتة بتخلينى عايزة أبعد بقى وأقول كفاية كدا ..أستريح بقى ..
لتأخذ نفسا عميقا وتهز رأسها وكأنها تريد ان ترمى آلامها وراء ظهرها لتقول بقول لك إية ..لية لازمتها السيرة دى بقى ... قول لى أنتى مش ناوية تجوزى أحمد ومحمد ولا إية 
كوثر إيدى على كتفك بس أديكى شابفة أحمد فى المستشفى على طول ومحمد مع مصطفى إبنك وربنا يسهلهم الاتنين بقى .
رنا طب ما تيجى ندور لهم على عرايس 
كوثر ضاحكة تعالى يا أختى إحنا ورانا إية ..بس محمد مش بيعجبة العجب .
رنا تضحك وتقول زى صحبة .... مصطفى كدا بردة .
كوثر ضاحكة حلة بقى ولقت غطاها .
رنا وهى تضحك أيضا لا ..مسمحلكيش ..حلتين ولسة بندور لهم على غطيان .هههههه 
رنا وهى تقف بعد ان نظرت فى ساعتها أنا همشى دلوقتى ...والمرة الجاية بقى نفكر بجد فى موضوع العرايس ده .
كوثر وهى تنهض أيضا للمغادرة ماشى وأنا كمان همشى علشان هفطر أنا الأولاد سلام . 
رنا سلام
فى منزل محمود 
رنا إية.... أعملى حسابك إنتى وأخوكى إننا هنروح البلد مع بابا .
آية بدهشة إمتى بقى فى العيد !
رنا أكيد ...إبقى جهزى شنطتك 
آية بتساؤل طب ومصطفى عرف . 
رنا لسة هقول له ...أصلا بابا لسة معرفنى النهاردة الصبح 
آية بإعتراض بس أنا كنت عايزة نسافر الساحل .
رنا خلاص بقى يا آية مرة تانية . 
آية معترضة إمتى بقى مرة تانية دى .... بابا وعلى طول فى الشركة ومصطفى فى الشغل إحنا بقى نروح إزاى ومع ميين ودى الفرصة الوحيدة اللى لينا أجازة عيد بقى ..
رنا وهى تتنهد بس متنسيش إن بابا مش بيروح البلد كتير ودة حقهم بردة إنهم يشوفونا ..وبعدين دى صلة رحم يا حبيبتى يعنى لازم نعملها .
ثم نفكر قليلا وتقول طب أنا عندى فكرة إحنا نتفق مع بابا الأول نروح البلد معاه يومين تلاتة وبعدين نروح الساحل بردة 3 ايام وأظن كدا حل يرضى جميع الأطراف. 
أية وهى سعيدة بالنسبة لى موافقة ... بس يا ترى بابا هيوافق مش يمكن يقول لا 
رنا لو كدا يبقى نقنع بابا إنة نروح مع مصطفى بقى ..
آية يا ريت يا ماما يوافق أنا فعلا عايزة أغير جو .
رنا إحنا نكلم مصطفى ونقوله علشان على العشا نقول لبابا وهو يساعدنا ...ماشى 
آية ماشى يا ست الكل 
تكلم آية مصطفى وتتفق معاة على كل شىء 
على العشاء .
آية بابا ... ماما كانت قالت لنا إننا هنروح البلد معاك فى العيد
محمود بتساؤل ودى فيها مشكلة 
مصطفى لا يا بابا.... بس يعنى كنا عايزين نروح الساحل حبة . يعنى ممكن نروح البلد 3أيام ونروح الساحل 3 أيام بردة ...إية رأيك بردة آية وماما محتاجين يغيروا جو .
محمود مفكرا قليلا ثم يقول ماشى ربنا يسهل .
آية مهللة ميرسى ليك يا بابا 
مصطفى طب أحجز غرف ولا شالية 
محمود شالية أحسن 
آية وهى تقفز من مكانها وتتحه لأبيها تقبله حبيبى يا أحلى بابا فى الدنيا .
محمود وهو يقبل آية بس إبقوا فكرونى لأنى بنسى .
آية هو أنا ممكن أنسى حاجة زى دى .... متخفش كلنا هنفكرك .
ينتهى العشاء ويجلسون أمام التلفاز قليلا ثم يتجه كل منهم إلى غرفتة .
فى منزل أحمد بدبى 
يجلس نور يفكر فى حديث أحمد وعودتهم وإستقرارهم بمصر وتدخل ياسمين إلية .
ياسمين متسائلة بتعمل إية 
نور وهو يعتدل فى جلستة مفيش بفكر. 
ياسمين بتفكر فى إية 
نور وهو يتنهد فى الكلام اللى بابا قالة الصبح. 
ياسمين إنت معترض يعنى ولا اية 
نور إنتى إية رأيك 
ياسمين أنا قلت رأى الصبح. .. مش هيفرق معايا. المهم أكون مع بابا. 
نور بتوتر مش عايز أسيب دبى وأرجع مصر. ..للمجهول. .. عايز أكون مالى إيدى الأول قبل ما أسيب الشغل هنا يكون ليا شغل هناك. 
ياسمين طب ما يابا قال إنة إشترى صيدليتين هناك يعنى إنت تمسك واحدة وبابا واحدة. 
نور اه ...ممكن بس بردة هيبقى فية شوية قلق جوايا. 
ياسمين وبعدين بابا قال إنة إحتمال يفتح شركة أدوية لو كدا يبقى ممكن إنت تمسك الشركة وبابا الصيدليات أو العكس. 
نور مفكرا ومحدثا نفسة بس دى عايزة خبرة. ....أه ممكن بابا يمسك الشركة وأنا أمسك الصيدليات. ..بس بصى ..
ويتنهد ويقول انا عايز الخطوة اللى أخطيها أكون راضى عنها مية فى المية. ...يعنى إحنا هننزل مصر نقضى العيد هناك زى كل سنة ماشى. ..وهرجع شغلى هنا وإنتى وبابا تبقوا فى مصر تظبطوا كدا الإمور. والله استقريتوا كان بها .مكنش ترجعوا تانى هنا. 
ياسمين بتساؤل وإنت بقى 
نور أنا هرجع شغلى هنا. .فترة يعنى. .ءهه منها أجرب العيشة لوحدى قدرت ماشى ... مقدرتش أجيلكم. 
ياسمين پحده ودهشة بس يعنى بابا يبقى لوحدة فى تجهيز الصيدليات! !
نور بسرعة انا هبقى معاه طبعا ..إنتى بتقولى إية ..أنا هاخد أجازة ونازل معاكم ومش هرجع غير لما نجهز الصيدليات ونفتتحها كمان. 
ياسمين مبتسمة أيوة كدا. هو دا الكلام. خلاص بقى قول لبابا رأيك بكرة. 
يرن هاتف نور المحمول برقم بنت خالتة سها. 
نور متضايق مش وقتك خالص. 
ياسمين متسائلة مين اللى بيتكلم... ها 
نور سها بنت خالتك. 
ياسمين وهى تنظر له وتغمز له بعينها الله يسهلوا يا عم ..
نور بصرامة بت هتضربى والله. .. أه طايل ومش عايز. 
ياسمين وهى تنظر له بدهشه طب رد عليها طيب! !
نور ماشى ... ألو 
سها بلهفة ألو. .إزيك يا نور. 
نور ببرود الله يسلمك يا سها إزيك وإزى خالتى سناء. عاملين ايه 
سها بضحكة أنا كويسة وخالتك كمان كويسة الفرحة مش سيعاها من ساعة ما عرفت إنكم إحتمال تطولوا فى الإجازة السنة دى. ..
نور مستفهما وخالتى عرفت منين 
سها من عموا أحمد طبعا. هو اللى قال لها 
نور پحده وقال لها لية بقى إن شاء الله. 
سها الله ..منت عارف إنهم بيكلموا بعض على طول وهو اللى قال لها. 
المهم إنت متعرفش إنت واحشنى قد إية أنا مبسوطة جدا إنكم ممكن تستقروا فى مصر. 
نور بإبتسامه لسه بنفكر وحتى لو هم إستقروا. .انا لاء
سها بحزن لية بس يا نور ما تيجى بقى لازمة الغربة إية 
نور وهو يتنهد انا مستريح هنا ...ودى حاجة خاصة. 
سها يعنى مش هتيجى فى الأجازة 
نور هاحى بس هرجع تانى. 
سها فرحة ماشى المهم إنك تيجى وبعدين يحلها الحلاك بقى .إحنا هنظبط لكم الشقة بتاعتكم. مش عايز حاجة اعملها لك فى الشقة. 
نور مستفهما حاجة زى إية يعنى 
سها يعنى لون معين ..شكل معين ..أكلة نفسك فيها كدا يعنى .
نور لا شكرا. 
سها وياسمين عاملة إية 
نور بفراغ صبر كويسة الحمد لله أهى معاكى أهه. 
ويعطى الهاتف لياسمين ويغادر المكان وبعد قليل جاءت لة ياسمين وهى تنظر له پغضب 
ياسمين إية يا نور إنت بتكلم سها بقلة زوق كدا لية 
نور هية اللى ډمها تقيل على قلبى مش عايزة تفهم إنها بنت خالتى وبس. وكمان طنط سناء شكلها راسمة على الدكتور أحمد. 
ياسمين بخضة ودهشة لا مش معقولة! !! 
نور سها بتقول إنهم بيتكلموا على طول وطلعت عارفة كمان. 
ياسمين بدهشه إنت بتتكلم جد! ! 
نور والله حاسس بكدة. .. بس مش عارف بقى الشعور متبادل من الدكتور أحمد ولا من ناحية خالتى بس. 
ياسمين يعنى لو متبادل يبقى من حق بابا . أما لو كان من ناحيتها بس يبقى تصرف نظر أحسن. 
نور بتأمل كلة هيبان لما ننزل مصر. .. وبعدين مش هيبقى بابا وأنا كمان. 
ياسمين مبتسمة على رأيك بكرة هيبان لما ننزل مصر. 
ثم تستطرد وتقول على فكرة. ..فية شركة هندسية كانت عايزة مهندسين ديكور راسلتها وهعمل المقابلة بعد العيد بإسبوع. 
نور كويس واللة ... ربنا يوفقك.
فى الصباح يخبر نور الدكتور أحمد بما إتفق علية مع ياسمين ووافق علية أحمد على مضض .
يمر إسبوع على الجميع ... ويحضر أحمد مع عائلتة لقضاء العيد فى مصر و يذهب محمود مع عائلتة إلى البلد .
الحلقة الثالثة
تقضى كوثر أيام العيد بين عائلتها وأخوات مدحت زوجها .
عند عائلة محمود 
يدخل محمود الى بيت عائلتة ويتقدم من والده ويقبل يدية 
محمود السلام عليكم وحشتونى إزيك يا حاج وإنتى يا ماما .
الحاج حسين مبتسما ومربتا على كتفة محمود وحشتنى يا ابنى ...
الأم وهى تأخذ محمود فى أحضانها وتقبلة وحشتنى أوى يا ابنى ولادك ومراتك معاك ولا جيت لوحدك 
محمود وهو يجلس بجوارها آه يا ماما جايين ورايا .
أسماء أخت محمود أهلا وسهلا إية النور دا 
محمود وهو يسلم على أسماء وحشتينى يا سمسمة أخبارك إية إنتى وجوزك وولادك 
أسماء كلهم بخير والحمد لله .إنت أخبارك إية إنت وأولادك ومراتك وجم معاك ولا جيت لوحدك 
محمود جايين كلهم معايا بس أنا اللى سبقتهم .
أسماء مقضى معانا العيد بقى 
محمود إن شاء الله .
الأم أمرة أسماء إنتى وملك وريم جهزوا جناح محمود وولادة .
أسماء وهى تنهض حاضر يا ماما .
تذهب أسماء مع ملك وريم لتجهيز غرفة محمود وولادة .
ملك تسأل بلؤم هيه رنا هتيجى العيد دا ولا زى كل مرة 
ريم پحقد الهانم مش بتحب البلد بتحب تقعد فى مصر أو تلاقيها بتحب تقضى العيد فى حتة تانية .
أسماء پغضب محدش لة دعوة ... دى خصوصيات محمود ومراتة .
ملك بخبث يعنى .. إشمعنى يعنى رنا هية اللى مش بتيجى معانا ولا بتقضى أى مناسبة معانا ...زى ميكون إننا مش قد مقامها العالى .
ريم تصدقى أنا بحس بكدا بردة .
أسماء إطمنوا ...جاية العيد دة ...محمود قايل إنها جاية والولاد كمان .
ريم بتساؤل ومجتش معاه لية جاية مع ولادها لية 
ملك بلهفة هما مټخانقين ولا إية 
أسماء مفكرة معرفش ..مسألتش ....بس هيبان يعنى
.
ريم وملك تنظران لبعضهما بنظرة ذات معنى إحنا هنتسلى وهنتفرج .
أسماء كويس
أدينا خلصنا اهه .
عند الحاج حسين
الحاج حسين مراتك وولادك جايين بجد يا محمود 
محمود بجدية طبعا يا حاج .
الام أمال مجوش معاك لية ..جيت لوحدك لية يعنى 
محمود أنا