رواية انت عمري

أكثر من صورة دون أن
تراه ظل يتأملها لا يعرف كم مر من الوقت وهو يقف بهذا الشكل لقد نسي الزمان والمكان في وجودها
مراد لنفسه أنت هتفضل كده روح سلم عليها وملي عيونك منها عن قرب تحركت أقدامه في تجاهها مشتاق تعب من طول الفراق.
تعجبت عشق من وجود شخص غريب في تلك المنطقة المحرمة حتي علي الحرس وسألت روان مين الشاب اللى جاي علينا ده .
رفعت روان عينها عن الجهاز امامها تعجبت من نظره المسلط عليها ده مراد صديق أدهم طول عمره معانا هنا 
بس انا مشوفتوش من زمان 
إقترب منهم وتحدث بفرحة شديدة لم يستطع إخفائها حمدالله علي سلامتك يا أنسة روان نورتي الدنيا كلها .
بإبتسامه مجامله ردت عليه الله يسلمك يا بشمهندس مراد هو أنا كنت
مسافره 
تحدث بحب طبعا لما تحرمينا من طلتك دي ٣ سنين كأنك كنتي مهاجرة والله كل حاجة النهارده ليها شكل
ولون تاني تحسي كده أن الشمس النهاردة قوية بس حنينة لأنها شافتك
والشجر لونه زاهي عن كل يوم حتي العصافير النهاردة صوتها مبسوط بوجودك. 
شعرت عشق برائحة عشق في الأجواء لذلك قررت الإبتعاد أنا هاروح أجيب حاجة نشربها
كأن مراد لم يراها غير الأن هتف باعتذار أسف يا آنسه عشق ما مخدتش بالي
تعجبت عشق من معرفته لها رغم أنها أول مرة تراه لكنها تجاوزت تلك الفكرة وهي تردف مافيش مشكله تحب تشرب أيه
لا شكرا أنا داخل أصل أدهم يغضب عليا وأنا مش قده يرجع يعلقني. ضحكت الفتاتان
رن تليفونه برقم أدهم رفع و ابتسم مش قولت ربنا يرحمني
فتح الخط ومازالت عيونه علي روان التي تململت بعدم راحة من نظراته
أيوه يا أدهم ثواني وأكون أقدامك.
إلتفت لها بحب أتمني أشوفك مره تانيه بعد إذنكم 
جلست عشق مرة أخري وهي تريد أن تعرف ما يحدث وهل تعلم روان بمشاعر هذا العاشق الذي فضحته
مشاعره من أول وهله شكله إنسان محترم ومحبوب من أدهم وإلا ماكانش ډخله البيت .
ردت روان بشرود من نظراته وطريقة كلامه التي تراها لأول مرة فهو معهم منذ سنوات لكنه لم يتواصل معها بتلك الطريقه ولا مرة من قبل
أدهم يثق فيه جدا ده صاحبه وأخوة وكاتم أسراره 
واقرب شخص لقلبه
دخل الفيلا بقلب ردت به الحياة رغم علمه انها لا تراه وسابقا ذبحته باختيار غيره وتجربة الحب معه وهو من عاش وتمني ان يكون اول شخص تعيش معه الحب ويكون اول من يدق قلبها لأجله لكن هذا نصيبه أن يعيش يتمني ما ليس له
فاق علي صوت غاده التي تحدثت بحب 
أهلا بالهراب اللي نسى مامته
مراد بابتسامه مين ده اللي يقدر ينساك أنت في بالي على طول بس خلي إبنك يرحمني و الأقي وقت
ضحكت غاده معلش يا حبيبي ربنا يبعت له اللي تملكه ويمشي وراءها و ترحمك منه.
اتاهم صوته الغاضب من خلفهم فهو يؤنب نفسه بسبب تلك المشاعر التي غزت قلبه في وجود عشق 
ما تخلقتش اللي تمتلك أدهم الشهاوي ولا يجري وراها وأنت يلا خلينا نخلص وألا ما فيش غداء
تحدث بمرح لا كله إلا الغداء
غادة خلاص افرح بمراد
هتف مراد بنفي أنا مع أدهم علي الحلوة والمرة وده عهد بينا يعني لو اتجوز هاتجوز
ابتسمت بحزن فهي تعلم سبب هذا العهد الذي جعل ابنها يبتعد عن جميع بنات حواء و تمتمت بدعاء ربنا ما يحرمكم من بعض أبدا

بعد أسبوع 
تحدثت عشق بتشجيع أيه رأيك لما نخرج و نروح النادي نشوف ناس و نغير جو كفاية لحد كده قعدتك في الفيلا
نكست رأسها وهي تردف بحزن بس أنا مش مستعدة أشوف نظرة شفقة من حد وكمان قلبي مش حمل اشوفهم مع بعض
مش ممكن يا روان لسه بتفكري فيه بعد كل ده
نظرت لها بنفي لا ماعدش ليه وجود في حياتي بس برضه مش سهل اشوف في عيونهم نظرة شماته ليا في وضعي ده
حبيبتي ده نصيب كان ممكن يحصل لأي حد فينا وأنا معاكي مش هاسيبك ومش ممكن اسمح لحد يجرحك أستقوي بيا
كلمات عشق ردت لها ثقتها بنفسها واكدت ذلك وهي تردف خلاص لما أدهم يرجع اطلب منه اروح النادي
زادت دقات قلبها لسماع أسمه لكنها تعلم رد فعله لو علم ان لها يد بس بلاش تجيبي سيرتي أصله مش بيطقني 
ضحكت وهي تتحدث أكيد
هايعرف أنك أنتي السبب 
لأن أنا بقالي سنين حابسه نفسي !
شهقت عشق من ردها لا يا أختي اعتبري أنى ما قولتش حاجة مالوا بيتكم جميل أهو شرح و برح ويكفي من الحبايب ألف!
روان بضحكة جبانة
جبانة جبانة بس أعيش هو العمر بعزقة مېت مرة جبان احسن من الله يرحمه

دخلت غادة علي الفتيات غرفتهم وهي تسألهم مش هتخرجوا تقعدوا معايا ولا اسيبكم واخرج
وقفت عشق تعدل ملابسها لا خارجين أهو 
بينما هتفت روان برفض لا يا ماما انا عايزه عشق ترسمني ولا هي فنون جميلة علي الفاضي
عشق بثقة علي الفاضي ماشي قبلت التحدي
لا كده انا وجودي مالوش لازمة هطلع اغير واخرج ثم تركتهم
بس أنا عايزه أطلع حلوه يا عشق
أنتي قمر من غير أي حاجه اجهزي وأنا هروح أجيب حاجتي من الأوضة .
تحركت روان اتجاه دولاب ملابسها بكرسيها ماشي هستناكي بس بلاش تتأخري 
ركضت عشق للخارج بفرحة كبيرة لقد تعلقت ب روان و تتمني إسعادها في كل لحظة حتي تخرجها من حزنها
اصطدمت فجأة في حائط ردت إلي الخلف ولكن يده القوية احتضنتها و جذبها لصدره فتحت عينها ببطء مهلك الأعصاب
وجدته أمامها بطلته الجذابة الخاطفة لأنفاسها
شردت في وسامته وظل هو الأخر يتأملها كأنه يحفر ملامحها في ثنايا قلبه فاق علي نداء
والدته التي لم تري عشق المختفيه أمام جسده أدهم مالك واقف ليه كده
أبتعد عنها پغضب حتي يداري تأثيرها عليه وضعفه أمامها أنتي بتجري كده ليه فاكره نفسك عايشه في زريبة مش تاخدي بالك من تصرفاتك ولا
رايكم في الأحداث 
يتبع
انت عمري 
بقلم أمل مصطفي
البارت 4
أبتعد عنها پغضب حتي يداري تأثيرها عليه وتحدث بعصبيه أنت بتجري كده ليه مش بالراحه ولا فاكره نفسك عايشه في زريبه نظرت له پصدمه ولم تستطع الرد تركها و أبتعد وهو يلعن تحت أنفاس.
عندما ابتعد رأتها غاده التي اقتربت بسرعه منها وهي تواسي حزنها معلش يا حبيبتي سامحيني هو عمره ما كان عصبي كده ممكن يكون عنده ضغط في شغله وده سبب عصبيته .
عشق وهي تكبت دموعها ما فيش مشكله يا ماما أنا اللي غلطانه بعد اذن حضرتك أجيب حاجه من فوق ونازله لأن روان في انتظاري
وقفت غادة بحيره تنظر اتجاه ذهاب عشق وتعود بنظرها في اتجاه اختفاء ابنها تعلم انه لا يحب النساء لكنه ليس
فظ ولا قليل الذوق لما تلك القسۏة مع شخصية بنقاء عشق قررت أن تتحدث معه عند عودته وخرجت هي ايضا من المنزل
صعدت السلم إلى غرفتها وأغلقت الباب خلفها ظل تبكي من قسوته و تعنيفه الدائم لها وتحدثت كأنه امامها ليه
كده يا حبيبي جبت القسۏة دي منين أنت بالواقع غير الأحلام خالص ومن يوم ما ظهرت في الواقع اختفيت
من احلامي ومش عارفه اشوفك علشان اشتكي لك منك بس ڠصب عني مش قادره أكرهك لملمت ادواتها وذهبت إلى روانالتي سألتها عن سبب تأخيرها .
عشق بنفي أبدا دي تهيأت لأن وحشتك
اقتربت منها روان وهي تؤكد فعلا وحشتيني أنا خلاص تعودت علي وجودك معايا ومش عارفه يومي يعدي أزاي لما ترجعي جامعتك
لاحظت روان احمرار عينها تسألها بلهفه عشق انت كنت پتبكي
هربت بعينها وهي تردف بنفي لا أبدا بس يمكن عيوني اطرفت.
روان وهي ترفع يدها حتي تصبح عين عشق أمام عينها ما فيش أخت تكذب على أختها مالك فيكي إيه
ارتمت عشق في أحضانها بكت بحزن أدهم كل ما يشوفني يغضب ويقول كلام صعب مش عارفه ليه رغم ان انا اكتر وقتي هنا معاكي ومش بنتقابل غير صدفه
وده اكتر سبب كنت علشانه عايزه أرجع بيتي لأن عارفه أنه مش حابب وجودي بس أنت رفضت وأنا مش عارفه أرضي قلبي ولا كرامتي وظلت تبكي
تألم كثيرا عندما سمع كلماتها و تضايق من نفسه الغبيه التي ټؤذي شخص في رقتها كلما قابلها لقد عاد حتي يطمئن عليها عندما وجد أمه تغادر كلماتها اوجعت قلبه
تمنى فتح الباب الذي يحجب رؤيتها عنه و يحتضنها و يعتذر لها عم بدر منه لكن عقله يؤكد عليه أنها دموع تماسيح
وفي قاموس أدهم لا يوجد للمشاعر مكان ودائما العقل ينتصر لذلك تراجع في أخر لحظه خرج تارك المنزل و مشاعره التي تحارب حتي تنتصر علي عقله
بينما هتفت روان بحنان هو مش كرهك ولا حاجه هو كاره نفسه لأن سمح بوجودك هنا وده ضد مبادئه وشخصيته
أنت مميزه جدا يا عشق لأنك الوحيده اللي أدهم وافق علي وجودك في بيته برغبته أنا وماما مستغربين و حاسين أن في حاجه مش طبيعية
أنت عارفه أن مافيش واحدة تقدر تتواجد في محيطه ولما كان يحصل شغل بينه وبين شخص تاني يرفض
تواجد سكرتيرة في الشغل ده
الوضع مش سهل عليه علشان كده بطلب منك تتحملي علشان خاطري
في صباح يوم جديد
اغلقت روان هاتفها بفرحة كبيره وهي توقظ عشق تبلغها موافقة أدهم الغير طبيعية في ذهابهم النادي
اعتدلت عشق بعدم تصديق لقد راهنت علي عدم موافقته وطردها بسبب تحريض اخته علي الخروج ووضعها في موقف محرج قد يصل بها حد الاڼهيار 
يعني بجد وافق
عذرتها روان من علامات
الصدمه المرسومه علي ملامحها أه والله وافق وسألني حابين نروح الساعه كام علشان يبعت سواق قولتله الساعه عشره و نفطر هناك
تنهدت عشق براحه أخيرا نخرج و نتفسح.
قامت الفتيات تجهزهن و خرجا لحديقة المنزل في انتظار السائق
وجدت أمامها مراد يدخل من باب الفيلا نادته عشق بخجل يا أستاذ مراد لو سمحت
توجه إليها وهو أنظاره مسلطه علي روان التي كل مرة تتعجب من نظرته خير يا أنسه عشق في حاجه
أردفت بتوتر من رد فعله هي تعرف الحب من علي بعد وعيونه تنطق عشقا لتلك الغبيه
كنت عايزه حضرتك تنادي حد من الحرس علشان يشتال روان لحد العربيه
تحدث بغير وڠضب حرس مين اللي يشتلها هو في حد منهم يقدر يقرب ناحيتها أنتم رايحين فين أصلا
عشق بهدوء
إحنا أستاذنا أدهم نروح النادي وهو وافق.
هتف بغير قاتله وهو وافق أن حد من الحراس يلمسها ما تتحركوش من هنا ثواني وجاي لكم
روان بإستغراب من غضبه الغير مبرر ما له ده أنا أول مره أشوفه عصبي كده!
تحدثت تلك الخبيثه بإبتسامه الغيرة يا قلبي تعمل أكثر من كده
هتفت تلك الغبيه غيره أيه
إبتسمت عشق وهي تهتف
غيرته أن حد ېلمس حبيبته
أردفت روان بغباء
أنت هبله