رواية فاطمة بارت 6
انت في الصفحة 1 من 4 صفحات
حلقه 6
ينزلوا كلهم جرى ف الريسيبتشن يلاقوا سوزى عماله تزعق
زين بتزعقى كده ليه !
تبصلهم سوزى بعصبيه وتبص لروح
سوزى بنرفزه اهى شرفت اهى .. واقفه ولا كأنها عامله حاجه
روح باستغراب انتى بتكلمينى انا !
سوزى بعصبيه اومال بكلم امك يعنى
زين انتى بتكلميها كده ليه !
سوزى تبصله الهانم مراتك سړقت الانسيال بتاعى
معاذ ايه اللى بتقوليه دا !! عيب كده
سوزى بعصبيه عيب اللى قولته !!!! ومش عيب انها تسرق
زين بصوت عالى الزمى حدودك .. تسرق ايه ! ايه الهبل اللى بتقوليه دا !!!
سوزى اللى بقوله مش هبل .. انت بقي شوف الهانم اللى دخلتها وسطينا ومن اول يوم اتسرق الانسيال الالماظ بتاعى
زين اولا لما تتكلمى عنها اتكلمى بأدب .. ثانيا الهانم اللى بتتكلمى عنها دى احسن منك بمليون مره .. فياريت تلمى الدور لان صدقينى مش هتهاون ف اللى هيحصل
سوزى انت بتكلمنى كده عشانها ! .. انت بتدافع عنها ليه اصلا ما تشوف انت ما يمكن هى فعلا حراميه وراسمه قناع البراءه وبتخدعكوا كلكو بيه
سوزى بزعيق والثقه دى جايبها منين !!!!! .. لحقت امتى تثق فيها كده !!
زين اولا دا شيء ميخصكيش .. ثانيا دى مراتى يعنى مطالب منك تحترميها ڠصب عنك واياكى تقولى كلمه واحده ف حقها لانى والله ما هرحمك .. فاحفظى مقامك واتلمى
سوزى لا مش هتلم .. تبص لكل صحابها وتتكلم بعصبيه .. ممكن تقولولي الانسيال بتاعى فين ! .. احنا مش اول مره نسافر مع بعض .. اشمعنا المرادى اتسرق يعنى
سوزى دورت عليه ف كل مكان ف الشاليه ملقتهوش .. يبقي اكيد حد خده .. وكلنا مش اول مره نتجمع .. لكن هى اول مره تتجمع معانا وحاجه تختفى كده
احمد مش شرط يبقي اتسرق ممكن يكون وقع منك
ساره صاحبتهم احمد معاه حق جايز وقع منك ف الطريق او نسيتيه ف القاهره مثلا
لسه هتقرب عليها .. زين يقف قدام روح
زين بزعيق انا اقسم بالله محترمك لحد دلوقتى .. لكن اى حركه هتعمليها ولا كلمه هتقوليها .. هندمك .. انا عاوزك تجازفى بس وتقربى منها وشوفى انا هعمل ايه
سوزى تبصله بعصبيه وتطلع اوضتها .. زين يشد روح من ايدها ويطلع الاوضه .. يدخلوا الاوضه ويقفل الباب
روح زين
زين نعم
روح انا مسرقتش حاجه .. ا........
يقاطعها زين انا مطلبتش منك انك تبررى تمام .. جهزى الشنط واقفلى الباب ولو مين خبط عليكى متفتحيش
روح حتى لو انت خبطت مفتحلكش !
يغمض زين عينه بعصبيه بيحاول يهدى نفسه .. هو مش حمل غباءها اطلاقا .. ف دماغه مليون فكره وفكره وحاليا مش رايق لاى سؤال او نقاش
زين بعصبيه مكتومه ارجوكى مش وقته غباء تمام .. انا مش ناقص حقيقي
روح افتحلك انت بس يعنى
