رواية فاطمة 14
انت في الصفحة 1 من 6 صفحات
حلقه 14
يمشى الشاب ووراه روح لحد ما يوصلوا المدرج .. يسمعوا صوت زعيق جامد من جوه يخبط الشاب ع الباب ويفتحه .. ووراه روح .. تتخض روح اول ما تشوف زين .. يدخل الولد
الولد سورى يا دكتور ع التأخير
زين اتفضل ادخل
يلاقى روح داخله ورا الشاب .. يضايق من دخولها هى والشاب لوحدهم .. الولد يدخل يقعد ف اخر المدرج وروح كانت لسه هتطلع يوقفها زين
تبصله روح
روح انا
زين ايوه .. اقعدى هنا
يشاورلها ع مكان ف المدرجات الاولى فاضى تماما .. روح معجبهاش المكان ومحبتش تقعد لوحدها
روح انا مش حابه اقعد هنا
زين بصرامه اتفضلى اقعدى يا انسه
روح سورى يا دكتور مش حابه
تسيبه وتطلع تقعد ف مدرج جنب البنات .. زين يتعصب جامد من تصرفها .. وصوت ضحك ابتدى يظهر ف القاعه
روح تبصله باستغراب .. هو فعلا هيطردها من المحاضره ولا كأنه يعرفها كده ! .. هو فعلا ممكن يعاملها زى اى حد !! .. بنت جنب روح تبسبسلها .. تبصلها روح
هاجر اعتذريله وخلاص واقعدى مكان ما قالك
نقف لحظه .. هاجر بنت جميله جدا .. عندها 20 سنه كانت المفروض تبقي ف سنه تانيه بس عادت السنه .. طيبه وروحها حلوه .. بتحب تساعد الناس ودايما بتقف جنب اى حد .. نرجع تانى
هاجر لا غلطتى كنتى المفروض تسمعى كلامه .. تبص هاجر قدامها بسرعه وتستغرب روح .. اووووبس دا جاى
تبص روح تلاقى زين فعلا بيطلع المدرجات وطالعلها .. تقعد مكانها وتربع ايدها بتكبر وتبص بعيد .. يقف زين جنبها
زين اطلعى بره
روح ع فكره ان...............
يقاطعها زين اخرجى بره يلا بدل ما اندهلك الامن
جاسر ما تفكك يا دكتور وتكمل شرح وسيب المزه ف حالها .. دا لسه اول يوم .. لسه مش فاهمه قوانينك معلش
جاسر .. شاب وسيم .. عنده 22 سنه بيعد اولى ومش عارف يخرج منها او بمعنى تانى بيعيدها بمزاجه .. سمعته وحشه جدا ف الجامعه واى حد يعرف انه صايع وبتاع بنات ودا اول انطباع بيتاخد عنه .. لكن ف الحقيقه هو جدع جدا ويعتمد عليه .. نرجع تانى
جاسر قصدى يعنى بالراحه عليها
زين يزعق اقعد مكانك ومتدخلش تانى مره ف حاجه متخصكش
جاسر اسف يا دكتور قولت اساعد بس
زين بزعيق اكتر خليك ف حالك بعد كده
يقعد جاسر مكانه .. زين يبص لروح اللى ما زالت قاعده
زين مش قولت مرتين اخرجى .. انتى مبتسمعيش يعنى !!!!!!
زين يرجع لهدوءه تمام .. هاتى الكارنيه
روح باستغراب كارنيه ايه !
زين كارنيه الكليه بتاعك
روح لسه مخدتوش
زين اوك
يرجع زين لمكانه ويطلع كشف بالاسماء
زين بصوت عالى روح احمد كرم محمد الشناوى .. انتى محرومه من الميد ترم واى كويز هيتعمل وملكيش عندى دراجات اعمال سنه .. اعتمادك الكلى ع الفاينال .. ودا عقاپ بسيط ع اللى حصل دلوقتى .. وورقه الفاينال بتاعتك انتى بالذات هصححها بنفسي .. يعنى من الاخر لو الفاينال ما اتقفلش شيلتى الماده .. يقفل الكشف ويبصلها ويبتسم .. اتمنالك
