رواية رشا الجزء الثاني

والآخر على أمل أن يرى إسم مصطفى او آية .
يدق الهاتف ويظهر إسم رنا ليلتقطه محمود فى لهفة و قلق شديد أيوة يا رنا. .. فية حاجة! ! إنتى كويسة .. الولاد كويسين 
رنا إحنا الحمد لله كويسين بس عايزينك تيجى تتغدى معانا ..ممكن . وياريت لو تحافظ إن غداك يكون معانا ممكن 
محمود بسعادة مسافة السكة وأكون عندكم. 
يغلق الهاتف ويسرع فى الخطا بسرعة وسعادة . قدماه تسابق الريح يحدث نفسة بأن رنا من طلبت منه القدوم ..لم تستطع البعد عنه .
يحضر محمود ويتغدى معهم وېختلس النظرات الى رنا دون ان تلاحظ نظراته تلك . بعد الغذاء ينهض محمود ويساعد رنا فى حمل الاطباق من على المائدة. وتندهش رنا منه وكذلك آية ومصطفى. 

محمود إية مالكم ... مش لازم نساعد ماما ولا إية  
آية بدهشة إنت عمرك ما ساعدت ماما يا بابا 
محمود أدينى بتعلم أهه يا آية ..حلو ولا وحش ..وينظر لها ولرنا .
لتقول رنا لا شكرا إنت روح مع مصطفى أقعد وأنا وآية هنساعد بعض ..وثوانى وأجيب لك القهوة .
محمود لا ..هاتى شاى يا رنا 
رنا ماشى 
يجلس محمود معهم طول اليوم ويتناولوا العشاء سويا ثم يختار محمود ومصطفى فيلم ليشاهدونة سويا . بعد أن أصبحت الواحدة صباحا قام مصطفى وآية ليناموا .وإستأذن محمود لكى يخرج ويذهب إلى شقتة .ولكنة يقف عند الباب وينظر إلى رنا ويقول تصبحى على خير 
رنا وإنت من أهل الخير 
محمود وهو يقترب منها شكرا إنك عزمتينى على الغدا معاكم 
رنا بسرعة دا بيتك يا محمود إنت مش ضيف ... انا اللى ضيفة هنا .
محمود وهو يقترب منها وينظر لها ويزيح خصلة من شعرها خلف أذنها ويهمس إوعى تقولى كدا ..دا بيتك وعمرك ما هتكونى ضيفة أبدا ... رنا ... مش قادر أمشى وأسيبك لوحدك ... هتعرفى تنامى وأنا مش جنبك  
تبتعد رنا عنه وتخفض وجهها خجلا .ليكمل 
محمود مبتسما لسة بتتكسفى يا رنا . طب ما نرجع لبعض أحسن .
رنا صامته ولا ترد ليتنهد ويقول خلاص يا رنا أنا مش هدايقك ..براحتك ياقلبى ..أنا مش هضغط عليكى ...تصبحى على خير .
رنا هامسة وإنت من اهل الخير .
يخرج محمود وهو يصبر نفسة ويقول هرجعك تانى .. إنتى ملكى يا رنا ..
يدخل محمود شقته ويحدث نفسة إحساس صعب إنك تمشى من بيتك اللى فية مراتك وولادك علشان تروح تقعد لواحدك فى بيت تانى ...وسايب مراتك وولادك لوحدهم .. بس وحياتك عندى يا رنا لهرجعك زى ما ضيعتك .
تجلس رنا فى غرفة نومها تنظر للحجرة من حولها تنظر لمكان محمود الفارغ وتقول لنفسها هو اللى عمل كدا فينا ... دا إختيارى ولازم اتحمل نتيجتة. ثم تحاول النوم لتجد رنين الهاتف معلنا عن اتصال من محمود 
محمود إنتى نمتى يا رنا 
رنا لا ..بحاول .
محمود مش عارف أنام وإنتى مش جنبى .
رنا تصمت ولا ترد 
محمود هتغير يا رنا ..علشان نرجع سوا تانى .. هتغير علشان خاطرك 
رنا إتغير علشان خاطر نفسك يا محمود .. 
محمود بسرعه وعلشانك كمان يارنا ..
رنا تصبح على خير ..وتغلق الهاتف وتنام
بالنسبة لعائلة د أحمد 
يفتتح أحمد الصيدليتان ويسافر نور إلى دبى ثانيا وتقبل ياسمين فى شركة المقاولات فى قسم الديكور . وتقابل محاولات سناء للتقرب من أحمد بالصد منه ولكنه صد ظريف فهو لا يريد أن ېجرحها ولكن سناء تضغط علية بمحاولات مستميتة لتجعلة يتزوجها .
يتلقى محمود إتصالا من والدة للإطمئنان عليه .وتسألة الحاجه هانم على أحوالة مع رنا .
محمود لسة يا حاجه والله أنا بحاول أهه أتغير ..بحاول أخفف من غيرتى عليها والله .....بس مش قادر .
الحاجه هانم إزاى يعنى  
محمود بحدة يعنى تخرج لية تروح النادى علشان حد يشوفها ولا يكلمها ولا يعرف إننا إطلقنا بقى يقوم يتقدم لها .! 
هانم بحزن حرام عليك يا محمود ... مش قلنا تتغير ..وعملت إية أكيد عملت مشكلة 
محمود بحدة لا ... أنا مش قارد أعمل حاجه ...مليش حكم عليها .. بس يعنى متكلم كوثر فى التليفون لازم يعنى يروحوا النادى  
الحاجه هانم خليك كدا ...وهية عمرها ما هترجع لك ابدا ... حتى آخر فرصة ليك بتضيعها