رواية عمرو الفصل 24-25

الرابع والعشرون
ما إن استقر ماجد بين ذراعي والدته حتى اجهش بالبكاء ليزداد فزع ليلى ويزداد تعجب سامى الذى رق قلبه ل ماجد واقترب يربت على ظهره ويتمتم وحد الله يابنى حصل ايه بس
لم تعد ليلى قادرة على الوقوف وقد لاحظ سامى ذلك ليقول برجاء اقعد يابنى امك مش قادرة تقف 
انتبه ماجد ورفع ثقل جسده عن والدته وامسك بذراعها يجلسها فوق الأريكة وهو يجلس بجوارها لتقول پألم حصل ايه يابنى انت متخانق مع مراتك 
ليرتمى مرة أخرى فوق صدرها باكيا وهو يقول ماكنتش شايف حقيقتها كان الحب عامى عنيا عن جشعها وطمعها 

ربتت ليلى عليه وهى تتساءل يا حبيبى ياما بيحصل بين الراجل ومراته هدى اعصابك 
شهق ماجد وهو يقول مابقتش مراتى رفعت عليا قضية خلع وكسبتها 
رمشت ليلى عدة مرات تعبر عن صډمتها وهى تتساءل خلع ليه عشان ايه وصلت لكدة 
هز رأسه دون أن يبتعد عنها وهو يكمل معاناته كنت شايفها احسن إنسانة فى الدنيا كنت بسمع كلامها من غير تفكير من شهرين عرفت انها على علاقة بعميل فى البنك ما صدقتش وسألتها بمنتهى السذاجة وهى بمنتهى الوقاحة ما حاولتش تنكر وابتدا الراجل ده يضايقنى ويأذينى فى شغلى واتحولت للتحقيق بعد ما اتهمنى انى طلبت منه رشوة علشان اسهل له قرض وتانى يوم هى رفعت قضية الخلع واستشهدت بالقضية وانى راجل غير امين عليها 
ظهر الڠضب على وجه سامى وقال بحزم وانت ليه ما طلقتهاش بمجرد ما عرفت واتأكدت انها على علاقة بواحد تانى 
ابتعد ماجد عن صدر امه وهو يخفض رأسه بخزى ويقول كل حاجة بإسمها اخدت منى كل حاجة 
لكن سامى لم يتخل عن غضبه فى داهية الدنيا باللى فيها إلا شرفك تغور باللى خدته وماتوطيش راسك ابدا علشان واحدة خاېنة 
نكس ماجد رأسه ف سامى محق تماما بينما اضطر سامى أن يبتلع غضبه أمام نظرات ليلى المټألمة ويلتزم بالصمت وإن كان يريد أن يصفعه عدة صڤعات ليفيق من ديوثته 
تنهدت ليلى بحزن شديد وقالت وعملت ايه فى قضية الرشوة 
لم يرفع ماجد رأسه وهو يجيب انتهت لصالحى لأنه مقدرش يثبت الاتهام لكن انا بطلت اروح البنك من اسبوعين واخد إجازة مقدرش اورى الناس وشى وانا عارف انهم بيتغامزوا عليا علشان مراتى اللى ضحكت عليا 
تساءل سامى وقد بدأ القلق يساوره من هيئة ليلى وانت قاعد فين دلوقتي 
مسح ماجد وجهه وهو يقول بخجل كنت قاعد في فندق وسبته علشان الفلوس كنت رايح اقعد فى الشقة القديمة معرفتش ادخل 
نظرت ليلى ل سامى ثم له وقالت وخبيت عنى ليه كل ده 
اجهش بالبكاء مجددا وهو يقول كنت مكسوف اوريكى وشى ازاى بعد اللى عملته فيكم أنا كنت مصدقها وماشى وراها من غير تفكير ولا عقل 
أنهى سامى الحوار بلباقة وهو يقول خلاص كل ده مالوش لازمه دلوقتي قوم ادخل نام فى اوضة رامز هى فاضية علطول وبكرة ربنا يصلح الحال
شعر ماجد بالخجل فقال فورا لا متشكر أنا هروح الشقة القديمة اذا ماما سمحت لى 
ليقاطعه سامى بحزم ماينفعش تروح الشقة القديمة لوحدك وانت في الحالة دى اسمع الكلام مرة وخليك معانا تونسنا ونبقا مطمنين عليك 
نظر ماجد لوجه والدته المرهق ليهز رأسه مستجيبا فيصحبه سامى للغرفة ويتركه عائدا فورا ل ليلى التى لم تقوى على النهوض فأسندت رأسها للخلف واغمضت عينيها ليأتى سامى مسرعا بلهفة لولى حبيبتي مالك
فتحت عينيها وهى تقول بوهن مش قادرة يا