رواية اية كاملة

جلال خالك بيقولي انه شاب محترم ي بنتي أنا عاوز أتطمن عليكي و عاوز أشوفك في بيت جوزك الشخص اللي هأمنلك معاه عليكي و أموت و أنا مرتاح 
فرح بعد الشړ عنك ي بابا 
جلال بس في كل الأحوال مقدرش احكم رأيي أو تاخدي قرار زي ده عشاني انا فكري كويس ي حبيبة أبوكي و قوليلي رأيك و أنا هرد علي الشاب 
فرح بهدوء حاضر ي بابا بس هو بيقولي أنه الفرح بعد شهرين!
جلال طب واي المشكلة 
فرح اي المشكلة! دي جوازة اي دي اللي في شهرين ي بابا 
جلال خلاص لو انتي موافقه تتفاوضوا في المده بتاعت الخطوبة 
فرح شوف شوف اللي جاي يطلع مني الكلام كدا اهوه بس ي بابا أنا صليت استخارة و هصلي تاني و خدت أجازة يومين من الشركة و هفكر و اللي فيه الخير يقدمه ربنا 
علي الهاتف 
ياسر أنا موافق بس الموضوع دا يفضل بيني و بينك 
زينة أكيد يبقي كدا كله تمام 
ياسر بإبتسامه يعني موافقة خلاص بجوازنا 
زينة أيوا موافقة بس أنا مقلتش حاجه هقول لبابا و هو يقولك و بعدين تتفقوا بقي 
ياسر ب سعادة تمام 
ياسر قفل معاها المكالمه و كانت الفرحه مالية ملامح وشه و هو بيبص لرقمها علي التليفون 
بعد يومين كان والد زينة بيكلم ياسر و طلب منه يزورهم عشان يتفقوا علي كل أمور الزواج  
و بنفس الوقت كانت فرح قاعده جمب والدها اللي حالته بتتحسن يوم بعد يوم و مسكاله الموبايل و هو بيكلم قاسم 
قاسم إزيك ي فرح 
جلال مش فرح أنا والدها 
قاسم احم ازاي حضرتك ي عمي 
جلال الحمد لله بخير ي أبني أنا بكلمك عشان أبلغ الموافقه 
قاسم بسعادة فرح وافقت 
جلال أيوا موافقه بس هي حابة يكون في فترة خطوبة أطول من كدا 
قاسم الفكره ي عمي أن أنا عارف فرح و هي تعرفني و أتعاملنا مع بعض كتير دا غير أننا بنشتغل سوا ف الفترة هتكون مناسبه أننا نعرف بعض أحنا هنشوف بعض كل يوم 
جلال هي وجهه نظرها أنها محتاجه وقت أطول من كدا شهر كمان حتي ولا شهرين 
قاسم خلاص ي عمي اللي هي تشوفه مش هنختلف 
جلال خلاص ي أبني تنورونا بقي بعد يومين و أهلك معاك 
قاسم بتوتر ح حاضر 
قاسم قفل التليفون معاهم وهو بيفكر ياخد والده ولا لا 
قاسم پغضب لا طبعا مش هاخده 
خرج من اوضته لأوضة خالد اللي كان قاعد بيذاكر 
قاسم خالد عاوز أتكلم معاك 
خالد تعالا ي قاسم في اي!!
قاسم والد فرح
كلمني و هما موافقين 
خالد بتتكلم بجد ألف مبرووك ي أحلي عريس في الدنيا مبروك ي حبيبي 
قاسم بإبتسامه الله يبارك فيك بس 
خالد بس اي!!
قاسم والدها قالي أني أجيب أهلي و أنا مستحيل أخد أبوك و لا عاوزه يعرف أنه أنا هتجوز أساسا 
خالد بجديه لا متقلقش أبوك مش هيعمل حاجه أكيد 
قاسم عارف انه خلاص مش هيعمل حاجه بس أنا مش عاوزه يشارك في أهم حاجه في حياتي مش عاوز وجوده ياخد جزء من فرحتي 
خالد امم طب و بعدين خلاص قولهم أبوك مسافر و خد خالتك بجوزها 
قاسم ماشي كنت بفكر في كدا بما أننا ملناش غيرها بقي و انت وفارس أكيد هتيجوا عشان هنقري فاتحه و نتفق علي الخطوبة 
خالد ربنا يتمملك علي خير ي حبيبي 
قاسم ي رب 
قاسم خرج من الأوضة و قعد في الصالة و موبايله في إيده و بعت رسالة لفرح 
قاسم هتيجي الشركة بكرا صح!
فرح شافت الرسالة و مسكت تليفونها بتردد 
فرح إن شاء الله 
قاسم امم طب تعالي بدري عشان المدير بكرا هيتلكك لأي حد هيتأخر 
فرح بإبتسامة والله طب وهو المدير بيقعد بقي يقول بكرا هزعق في الشركه ولا لا 
قاسم علي حسب المود بقي 
فرح اه مهو كله بيطلع علي دماغنا احنا 
قاسم دا المدير وحش أوي بقي علي كدا 
فرح بخجل مش اوي يعني 
قاسم بإبتسامه بس خلاص متقلقيش المدير مش هيزعق لأي حد حلو و زي القمر تاني 
فرح ااحم أنا هروح أنام عشان متأخرش أصل المدير بتاعي مبيشوفش نفسه وهو بيتحول 
قاسم طيب تصبحي علي خير و اه بكرا هنتغدي سوا عشان في حاجه عاوز أقولهالك و هكلم والدك أقوله ف متقليش
الصبح في الفول 
فرح بضحك حاضر هي هالة اللي بتغريني 
قاسم أنا في حياتي مشوفتش زيها تخيلي أبقي داخل الشركه و يقابلي ريحه الفول والبصل والمخلل و مستغربين الشركه بتخسر ليه أكيد العملاء بيفكروه محل فول و طعميه 
فرح بضحك طب بس بقي عشان دي صاحبتي و ممكن أقولها عليك 
قاسم هتفتني علي خطيبك!
فرح بخجل أنت لسه مش خطيبي 
قاسم بإعتبار ما سيكون يعني 
فرح طيب تصبح علي خير 
قاسم و أنتي من أهل الخير ي فرح 
فارس عرف أن فرح وافقت علي قاسم كان بيفكر اللي بيحصل دا صح ولا غلط 
فارس في نفسه فرح متعرفش أن غرام مكانش ليها ذنب في كل اللي حصل فرح لازم تعرف أن اختها ملهاش ذنب و أنها بريئة و أبوها لازم يعرف أن بنت كانت محترمه  
كانت أكتر بنت كويسه عرفتها في حياتها اول م شوفتها حسيتها مختلفه عن الأشكال اللي كنت بشوفها و لما قابلتها في الكافيه حسيت ان هي دي اللي ممكن اكمل معاها حياتي  
فلاش بااااك 
علي الواتس 
فارس طب ينفع يعني تليفونك دا يكون ناقصه رقمي!
غرام بصت علي الرسالة اللي جتلها من رقم غريب و بعدين بصت علي الصورة الشخصيه و عرفته 
غرام الجملة دي كفيلة تخليني أعمل بلوك 
ضحك ضحكه خفيفه و رد عليها 
فارس طب أستني بس 
غرام حضرتك عاوز مني اي! م تجيب من الأخر 
فارس حاضر هجيب من الأخر عاوز أتعرف عليكي 
غرام لا مبتعرفش علي حد شكرا 
فارس لحظه ي غرام أنا مش مراهق ولا عيل أنا فعلا عاوز أتعرف عليكي و اعرفك 
غرام ليه! مش فاهمه يعني 
فارس مش عارف شدتيني أول م شوفتك 
غرام طيب ي أستاذ فارس الكلام دا لا يصح ابدا لا دين موافق عليه ولا مجتمع و انا أخلاقي متسمحليش أتكلم مع حد غريب او اتعرف عليه انا كمان مش مراهقه ولا عيله و دا يخليني أرفض اللي حضرتك قولته 
فارس بس أنا مش هيأس علفكرا 
غرام هتيأس عشان هعملك بلوك 
بااااااك 
فارس وقف و اخد تليفونه و خرج و هو من جواه أخد قرار مهم 
فراس في نفسه فرح لازم تعرف كل حاجه و دلوقتي 
ويتبع  
بقلمي آية محمد عامر 
حكاية فرح
إبن صاحب الشركه 
ي تري فارس هيقول اي بالظبط و ي تري فرح هيكون موقفها اي!
رأيكم و مننساش التفاعل فارس في نفسه فرح لازم تعرف كل حاجه و دلوقتي 
وقف علي الطريق يوقف تاكسي لحد م لقا موبايله بيرن و كان قاسم قفل الخط و قفل موبايله و بعدين وقف للحظه يفكر 
فارس طب و قاسم أحتمال كبير يكون بيحب فرح لأن متأكد ان قاسم عمره م هفكر يرتبط بواحده إلا لو ليه مشاعر ناحيتها 
لا لا كفاية كفاية اللي هو مر بيه قبل كدا مش هسمح ان دا يحصل تاني ولو حكمت ابعد خالص عنه هعمل كدا 
فارس رجع بخطواته للعمارة مرة تانية و طلع الشقة أول م فتح الباب كان قاسم لسه هيخرج 
قاسم انت كنت فين و مبتردش علي تليفونك ليه!
فارس
قاله أنه كان بيتمشي بلغة الإشارة و بعدين ساب قاسم و دخل أوضته 
تاني يوم في الشركه  
الكل أجتمع علي صوت ياسر بيزعق بصوت عالي و دا شئ غريب لأنه عمره م عمل كدا  
فرح و هالة و داليا راحوا ناحية مكتبه و لما ملقوش علا علي مكتبها عرفوا أنه بيزعق لها  
قاسم كان لسه داخل و ملقاش حد في الإستقبال و معظم الموظفين مش علي مكتبهم و بعد م سمع الصوت راح لمكتب ياسر 
قاسم في اي!!! اي اللي بيحصل هنا!
هالة مستر ياسر بيزعق ل علا وطردني لما دخلت 
قاسم پغضب طردك!!
قاسم دخل للمكتب ولقي ياسر وهو بيزعق ل علا و موقفه قدامه زي التلميذه 
قاسم في اي!! م تقوم تاخدها قلمين أحسن 
ياسر پغضب في ان هي رمت ورق مهم بالنسبالي أهم منها شخصيا 
قاسم بصوت عالي اهم منها ليه! أنت تعاملها بكل أدب و إحترام هنا غلطت في شغلها يبقي في ملف بتاعها يتحطلها لفت نظر بس قلة قيمة و معاملة زي م تكون عبده عندك! انتوا هنا بتشتغلوا سوا ملكش اي حق تزعقلها بالإسلوب دا!
ياسر بهدوء معاك حق أنا غلطان بعد اذنكم 
ياسر خرج من المكتب و سابهم و كأنه مش مهتم بوظيفته اللي ممكن يخسرها قاسم بص لعلا اللي كانت بټعيط من زعيق ياسر و بعدين بص لأصحابها 
قاسم بهدوء خديها ي فرح وخليها تغسل وشها وتهدي 
فرح حاضر تعالي ي علا 
قاسم لحظه الكلام اللي اتقال دا للكل اي مدير قسم هيفكر أنه يعلي صوته علي السكرتيرة اللي شغالة معااااه هيتعرض للرفد أظن كلامي مفهوم ي جماعه أحنا بنشتغل سوا مفيش حد أحسن من التاني 
فرح أخدت علا و خلتها تهدي بعد م قاسم راح لمكتبه 
فرح اي اللي حصل خلاه يزعق بالشكل دا!
علا رميت ورق مهم تقريبا ورق شخصي و قال انه كان فيه صور في قلب الورق دا و مش عارفه ازاي مخدتش بالي منهم 
فرح معلشي ي حبيبتي كل مشكله وليها حل اهي هاله جت كل دا بتجيبي مايه 
هالة مستر قاسم خرج من الشركه 
فرح راح فين دا لسه جاي!
هالة مش عارفه والله 
قاسم كان خارج من الشركه يشوف ياسر لقاه قاعد علي الرصيف و هو متضايق و عنيه بتدمع  
قاسم قعد جنبه لأنه كان حاسس أنه فعلا فيه
حاجه كبيرة 
قاسم اي اللي حصل ي ياسر 
ياسر بدموع كنت بستخبي في البيوت و أنا بصورها وهي بتتمشي علي الطريق  
كانت بتقعد في وسط الزرع و تغني و تتصور 
قاسم ب ابتسامه بتحبها اوي كدا!
ياسر أوي زينة البنات زي م ابوها بيناديها كانت عايشه هنا في القاهرة و من كام سنه جت البلد و كنت في أجازتي