رواية اسر القصل 23

عندي شوية مشاكل كدا !
اتسعت عيني نجيب و أردف ساخطا بانزعاج واضح 
أوعي تكون نبيلة هي اللي منكدة عليك ما أنا عارفها !
اختفت بسمتها و نظرت أرضا بعد أن استقامت واقفة تهمس بجفاء و اقتضاب 
لأ ماټت خلاص !
خجل نجيب من تسرعه و أردف 
البقاء لله وحده يابنتي !
ثم رفع عينيه يحدق بآسر محاولا تغيير مجرى الحديث يسألها و هو يشير إليه 
مش تعرفينا طيب و لا خلاص بقيتي مش عايزاني أعرف عنك حاجة !!
ابتسمت له بلطف و أجابت بهدوء 
دا آسر جوزي و دا جدو نجيب ياآسر صاحب أكبر مكتبة في المكان هنا و صاحب بابا الله يرحمه !!!
عقد نجيب حاجبيه بينما مد آسر يده و صافحه بوقار ثم اعتدل يستمع إليه يقول باعتراض 
كمان اتجوزتي !!! مش بقولك خلاص معرفش عنك حاجة ! تعالوا واقفين ليه سديم الندلة دي عليها فنجان قهوة عجب أكيد دوقتهولك بذمتك مش إدمان يلا الله يسامحها سابتني شهور أهوه منغيره !!! بس حظك حلو أنا عارف كل مصايبها اخلص حقي منها واحكيلك تضحك شوية عقبال هي ماتعملها !!!
ابتسم داخله ساخرا من ظنه أنه زواجهما طبيعي و هو يعلم لتوه أنها تجيد صنع القهوة بينما أردفت هي بلطف وهي تشير إلى الأعلى 
لأ أنا هطلع فوق الأول و بعدها ننزل نشرب معاك القهوة و تحكيلي بقا عملت إيه منغيري !
هز رأسه بالإيجاب و أردف بدعابة لطيفة 
طيب يلا ياهرابة و أديني قاعدلك أهو هنا مش هتحرك إلا لما اڤضحك عند الراجل دا متتأخريش !!!
ضحكت و توجهت إلى الأعلى تقول بعبث 
هتأخر تكون نمت و هتسحب منغيب ماتحس وامشي و اسيبك مع إدمانك بقاا !
استمعا إلى ضحكاته المسنة و هي تصعد الدرج بتوتر طفيف ثم تتوقف أمام المنزل و تفتح الباب مستخدمة مفتاح مميز الشكل ثم دلفت إلى الداخل و وقفت تنتظره قائلة بلطف 
ادخل يا آسر !
ده باباك !!!

أيوا ! دي آخر صورة بينا قبل الحاډثة بأسبوع بالظبط !!!
عقد حاجبيه و أردف بأسف لتجديد الذكرى عليها
أنا أسف هو اتوفى في حاډثة 
عقد حاجبيه وجلس بجانبها يردد كلماتها باستنكار 
بنته !!!
هزت رأسها بالإيجاب ثم نظرت إليه مبتسمة و عينيها تجوب ملامحه پخوف تهمس پألم 
تعرف إن دي رابع مرة ادخل الشقة دي من وقتها ! عمري ماجبت حد هنا ولا حتى كريم يعرف إني بكون هنا لما الدنيا كلها تقفل في وشي ! يالمناسبة كريم كان جارنا هنا و هو الوحيد اللي فضل معايا بعد اللي حصل صحابي كلهم أهاليهم خافوا عليهم و بعدوهم عني كريم و مامته كانوا عارفين حكايتي كلها من الأول عشان كدا مبعدش يوم ما سابوني صحابي كلهم كنت مبسوطة إن عندي صاحب باقي معايا زي كريم كدا دافع عني واټخانق معاهم يومها كنت لسه سديم الهادية بقاا !
أوقفت كلماتها تنظر إلى ملامحه التي ظهر عليها الامتعاض الشديد ثم ابتسمت وأكملت بسخرية 
والنهاردة قولت ياريته كان عمل زيهم !
تلاشى الامتعاض وحل محله الترقب و قد استند بكتفه إلى الأريكة محدقا بها