رواية همستي الفصل 1-2

الحلقة الاولي
في احد الغرف في فيلا جميلة تطل علي البحر تقف فتاة جميلة جدا أمام الشرفة تنظر تلك الفتاة بشرود إلي المنظر الجميل أمامها وتتنفس الهواء الرائع وتبتسم من تلك الاحساس ليدق باب غرفتها ليعيدها الي طبيعتها وتسمي هذا البنت بي همسة 
همسة بابتسامة _ مين ادخل
الدادا بابتسامة _ انا يا بنتي صباح الفل والهنا علي عيونك الجميلة 

همسة تمسك خدود الدادا بمرح _ قلبي انتي يادادا والله 
الدادا _ يالا يا عمري عشان فكري بيه و خالد بيه مستنينك علي الفطار
همسة _ حاضر خمس دقايق وهنزل وراءكي علي طول يا حبيبتي ذهبت الدادا الي الأسفل و رجعت همسة امام الشرفة ثم أغمضت اعيونها بسعادة كعادتها تحب الحياة والمرح ثم ذهبت لترتدي ملابسها 
في الأسفل يجلس رجلان علي سفرة الافطار 
الدادا _ ست همسة نازلة يابيه
فكري ببرود _ ماشي يا دادا ثم نظر إلي تلك الشاب الجالس بجواره هنعمل ايه يا بني في المصېبة اللي احنا فيها دي احنا هنضيع هنتمحي من الوجود احنا خلاص داخلين علي أننا نعلن افلاسنا فعلا
خالد بتنهيدة قوية _ والله يا بابا مبقتش عارف في ايه ولا اتصرف ازاي في الورطة دي 
فكري يمسك رأسه بتفكير _ تعبت تعبت من التفكير 
كانت تنزل همسة بجمالها البارع و دلعها الدائما _ بابتي يا بابتي صباح الخير خلود صباح الفل
همس فكري لخالد بصوت منخفض _ بس اقفل الموضوع دا دلوقتي عشان اختك جاية ثم يبتسم لهمسة _ قلب بابي صباح الجمال علي عيون احلي بنوتة في الدنيا
خالد _ ايوا ايوا دلع كله للبرنسيسة بتاعتنا
همسة بدلع وهيا بتحضن فكري _ اخص عليك يا خالود مستخسر فيا شوية دلع بدل مانت كمان تدلعني اختك الوحيدة حبيبتك دانت اخويا حبيبي
خالد ضحك _ قلب اخوكي انتي والله يالا بقي بطلي رغي واقعدي عشان نفطر بابا مذنبنا علي الفطار لحد ما حضرتك تنزلي
.همسة _ حاضر يا خالد باشا اهو قاعد عشان تاكل عد الجمال بقي
خالد ضحك بصوت عالي _ هيا بقت جمايل ماشي يا ستي.
همسة وهيا تاكل _ بابي انا رايحة النادي مع اماني 
فكري وهو يمسك منديل السفر يمسح به شفايفه _ ماشي يا روحي روحي بس خدي بالك من نفسك 
همسة _ حاضر يالا بقي انا ماشية 
خالد _ بسرعة كدا كملي اكلك طيب
همسة _ تؤ تؤ انا كلت خلاص قامت باست بابها وأخوها من حدودها وجريت ركبت سيارتها 
نظر خالد لفكري بحزن _ هنقدر نقولها ازاي علي اللي بيحصل هنقدر نقولها ازاي أننا هنبيع كل شي حتي عربيتها دي 
فكري بحزن _ مش عارف مش عارف انا احترت
في النادي 
اماني بضحك بتهمس لهمسة _ الحقي العاشق الولهان بيبص عليكي 
همسة بغرور _ خلي يبص هو البص بفلوس خلي يبص لحد ما عنيه تعمي ومش يعرف يبص خالص
اماني _ يا بنتي اديلو ريق دا الف بنت تتمنا
همسة _ الف بنت تتمنا الا انا مش دا فارس احلامي مش دا اللي بتمني
اماني بمرح _ ومال مين اللي بتتمني يا برنسيسة.
همسة بسرحان _ لسه مجاش ومعرفهوش هو هيبقي مين بس وقت ميجي هيبقي هو ومفيش غيره هو هيبقي كل حياتي واكيد هبقي كل حياته هعشقة وهيعشقني عشق محدش يقدر يعشق زيه
اماني _ يعني يا عيني علي الرومانسية بس اكيد دا بيجي في الاحلام بس استحالة نلاقي في الواقع 
همسة بأمل _ اكيد هلاقي واكيد في المهم سيبك انتي مالكيش انتي في الكلام