رواية همستي الفصل 1-2

ووقف علي باب الغرفة ينظر إلي همسة والي والده بحزن وبدأ يفكر _ معقول همسة تتجوز زيدان دا قد ابوها معقول ممكن نعمل كدا في همسة برنسيسة البيت دلوعة البيت لا لا استحالة مش مفروض حتي افكر في الموضوع دا حتي لو مجرد تفكير 
همسة تنظر له وتقفل عيونها نصف قفلة باستغراب وتشاور بايديها امام عيونه _ خالود ايه سرحان في ايه بقالك عشر دقايق واقف مكانك من غير ولا سلام ولا كلام ايه مين اللي اخد بالك
خالد _ ها بيحاول يبتسم عشان مش يحسسها باللي هما في لا يا عمري مفيش بابا عامل ايه انهاردة 
همسة بهزار _ كويس جدا ماشاء الله عليه عايزله عروسة ثم تنظر لفكري مش كدا يا بابا عايزين نجوزك بقي
فكري ضحك _ اه يا خلبوصة انتي ثم نظر لخالد الذي يظهر على ملامحه الاكتئاب والهم مالك يا خالد
خالد بيمسح في وشه بخنقة _ مفيش يا بابا
فكري _ همسة سبينا انا واخوكي لوحدينا شوية و روحي اعمليلنا فنجانين قهوة 
همسة بمرح _ اممم عايزين توزعوني لا انا مبتوزعش انا هخلي الدادا تعملكم القهوة وهجلكم تاني 
فكري _ لا يا همسة اعملي معاها القهوة وخبطي قبل ما تدخلي لما تجيبي القهوة 
همسة _ ايه دا يا جدعان في ايه هو انا مبقتش من ام البيت دا في اسرار بتتقال من ورايا بس عادي هعرف هعرف
خرجت همسة خارج الغرفة وقفت لكي تستمع الي حديث فكري و خالد 
فكري _ قوم اتاكد أنها مشيت 
خالد قام لاقي همسة واقفة تتصنت عليهم _ ها خير
همسة بمزح _ ايه دا يا ساتر يارب انا ايه اللي جبني هنا رجلي ووداني دول متربوش
خالد _ امشي يا همسة شوفي بابا قالك ايه امشي 
همسة بطفولة _ يووووه دانت رخم. و ذهبت الي المطبخ بالفعل ودخل خالد الي والده
فكري _ اتاكدت أنها مشيت
خالد _ ايوا يا بابا اتاكدت 
فكري _ قولي بقي مالك في حاجة جديدة حصلت
خالد بحزن _ ايوا يا بابا
فكري بلهفة _ ايه
خالد _ زيدان 
فكري _ ماله
خالد _ عايز يتجوز همسة 
فكري نزل تلك الكلام علي رأسه كصاعق _ انا بتقول ايه 
خالد _ اللي سمعته يا بابا انا دماغي هتتشل 
فكري _ لا انت فهمني براحة ايه اللي حصل
في المطبخ واقفة همسة مع الدادا عمالة تبرطم _ دا حاجة قرف الواحد مل
الدادا _ بتكلميني يا بنتي
همسة _ لا يا دادا لا انا هتصل بلبت اماني تيجي تقعد معايا تسليني بداءت تلف حوالين نفسها بدور علي هاتفها يوووه الفون بتاعي جوه في أوضة بابا
الدادا _ اروح اجبهولك
همسة _ لا يا حبيبتي اقفي انتي جنب القهوة هروح اجيبه وارجعلك تاني
ذهبت همسة الي باب غرفة والدها ولسه هتفتح الباب لكنه توقفت عندما سمعت تلك الحديث من فكري 
فكري من الداخل باڼهيار _ بقي زيدان قالك كدا زيدان بيستغل أننا خلاص هنعلن افلاسنا ويطلب منك يسد اللي علينا و يطلعنا من الورطة دي بمقابل أنه يتجوز همسة ازاي فكر في حاجة زي كدا الحيوان دا
خالد _ مش عارف يا بابا مش عارف انا مصډوم من ساعة ما سمعت كلامه دا 
فكري _ دا اټجنن بس نجوم السماء اقربله من همسة انا عندي أعلن افلاسي احسن ما ارمي همسة الرامية دي وادفن شبابها مع واحد قدي 
همسة پتبكي وبتحط ايديها علي بوقها لكي تكتم بكائها _ ايه اللي انا سمعته دا معقول مش مصدقة احنا فلاسنا ثم فتحت