رواية سهام من السابع وثلاثون لسبعة واربعون

مني تعجبت من خروجها من مكتبه هكذا دون ان تحادثها 
ورن هاتفها لتنظر إلى رقم ريم متذكرة موعدهم اليوم من أجل شراء فستان لها يناسب الحفل التي سيقيمها ريان بمناسبة احدي الصفقات التي حققها الفرع الجديد من الشركة الام والتي يديرها زوجها سيد بارد
أعجبها ذلك اللفظ عليه وابتسمت وقد نست أمر هاتفها الذي يصدح رنينه للمرة الثانيه ..ففتحت الخط سريعا
ايوه ياريم ... هتتأخري ساعه .. خلاص هستناكي ...تمام اتفقنا 
وأغلقت معاها لتجد هاتفها يدق برقم رقيه التي هتفت على الفور
مهرة انا محتاجه اخرج ڠضبي وخنقتي مع حد ومافيش غيرك 
فضحكت مهرة وهي تود ان تقول لها أنها هي الاخري ترغب بذلك وهتفت بصوت خاڤت
اتلم المتعوس على خايب الرجا 
لتسألها رقية 
بتقولي حاجه يامهرة
فتمتمت وهي تبتسم 
لاء متاخديش في بالك
......................
جلسوا في احد المقاهي التي تطل علي مياة النيل وكل منهم تزفر أنفاسها ببطئ .. لتنظر رقية إلى العلبة التي فتحتها مهرة واصبحت الحلوى من نصيبهم 
فأشارت لها مهرة برأسها ان تبدء بالھجوم عليها لعلهم يخرجوا حنقهم فيها 
وألتهمت رقية واحده مستمتعه 
شوفتي يامهرة يامراد بيتعامل معايا ازاي 
فألتقطت مهرة واحده وتمضغ بفمها أخرى 
عمل ايه تاني مراد ..مش أجلتي ميعاد الفرح 
فحركت رأسها وهي تأكل الحلوى پشراسه 
عايزنا نتجوز في الشقه اللي كان متجوز فيها قبل كده 
فهتفت مهرة بأستمتاع 
طعمها حلو الشيكولاته ديه
لتنظر لها رقية مؤكده 
اه جميله 
ثم تابعت بحنق 
يامهرة ركزي معايا 
لتمضغ مهرة ما بفمها مستمتعه أكثر بطعم الحلوى 
ما انا مركزه اه
ورفعت أحدي حاجبيها بضيق 
انتي اللي محتاجه تركزي ..مش ده مراد اللي كنتي نفسك تتجوزيه حتي لو في خيمه ..ايه اللي فرق شقه من شقه ..وكمان ماتتفهمي معاه بالعقل مش بالڠضب والصوت العالي
واسترخت بجسدها بزهو متذكرة مافعلته مع جاسم ..فمن يسمعها الآن يري كل النضج بها وهي من تحتاج النصح 
انتي ليه ديما مع مراد مش معايا يامهرة 
هتفت بها رقية بحرقه ..لتدفع مهرة اليها أحدي قطع الشوكولاته 
اكدب عليكي وأقولك انك صح وتخسري حبك بالعند الطفولي اللي انتي عايشه فيه 
وعندما شعرت بحزن رقية .. دفعت نحوها بعلبة الحلوى كلها ونظرت نحوها 
هي ريم اتأخرت ليه ... انا جعانه محتاجه اطلع ڠضبي في الاكل
لتحدق بها رقية بأعين متسعة 
انتي زعلانه انتي وجاسم ..لو متخانقه معاه ومن غير ما تحكيلي انتي أكيد اللي غلطانه 
لتلوي مهرة شفتيها بأستياء 
ياسلام ..ليه يعني
فأبتسمت رقية بأنبهار
لا انتي مش عارفه قيمة جوزك خالص ...ده انا كل صحابي بيحسدوكي عليه ..يامهرة انتي مش متجوزه اي حد 
وضحكت وهي تنظر لمهرة التي كانت تطالعها بشړ
عندي احساس انك هتحدفيني بجذمتك
لتنظر لها مهرة بصمت..ثم ت علبة الحلوى من أمامها 
صحابك بيحسدوني عليه ..اومال محدش بيحسده عليا ليه
فأنفجرت رقية ضاحكه وحركت كتفيها بمشاكسه
ما انتي عارفه كل سيدات المجتمع كانت اما عايزه تتجوزه او تجوزه بنتها ..لاء انتي فعلا مش عارفه قيمة جوزك ووضعه وانا لازم اوعيكي وافهمك
واتسعت ابتسامة رقية وهي تجدها تضغط علي أسنانها پغضب 
انا بقول اخد بعضي وامشي
فصړخت بها مهرة بعدما وجدتها تنهض 
اقعدي عندك ..يعني ټحرقي دمي وتمشي 
لم تكن رقية تعلم بخلافهم فضغطت علي الجزء الذي تخشاه بأن يفيق جاسم ذات يوما فيكتشف انه لم يتزوج الزوجه التي تليق به .. تخاف من ذلك اليوم فهي عملت معه وتعلم مكانته ووضعه من يصدق ان الفتاه الشرسه التي كانت ترتدي ملابس غير مهندمه تشبه الصبيه ونظاره وتعقد شعرها كالناظرة تكون هي من نالته في النهاية 
أفكار سوداء بدأت تقتحمها وخاصة كلما تذكرت جمله والدتها عن والدها بعد ان عاد لزوجته
كان بيعملني كويس اوى وانا حامل فيكي حتي قبل حملي ب ورد ..كان بيقولي انه عرف الحب معايا .. كان بيحبني يابنتي وفجأه كل حاجه ضاعت 
مازال صوت والدتها المنكسر الحزين يقتحم عقلها ..تخاف من ماضي عاشته أقرب من كانت إليها. 
فاقت مهره على يد رقية الحانية تربت علي يدها ونبرة صوتها الدافئة 
مهرة انا كنت بهزر معاكي ..انا اسفه ..متزعليش مني انتي عارفه انا بحبك اد ايه 
فأبتلعت مهرة غصتها ونظرت لها بشرود ثم ابتسمت وعادت إلى طبيعتها بعد ان تمالكت نفسها 
لاء يارقية انا مش زعلانه ...متقلقيش 
فأبتسمت رقية بمحبه ثم غمزت لها 
تعالي اقولك علي شوية نصايح حلوين.. ديه نصايح خالتو خدي بالك
ومالت نحوها هامسه 
اسمعي مني بقي وقربيلي كده وركزي
فوضعت مهرة كامل تركيزها
________________________________________
وعيناها متسعه 
ديه نصايح خالتك 
فأخذت رقية تحرك رأسها ..وتكمل ما بدأت 
وبعد وقت لا بأس منه كانت ريم تتقدم نحوهم 
...............................
وقفت ريم تنظر إليهم متسائله