رواية ايمان الجزء الاخير

ولكن دائما ما يحدث معها عكس ما تتوقع
صباح النور... حبيت بس أرتب الهدوم اللي اشتريناها امبارح كتير جدا وهتاخد
وقت
أقترب منها عمار بدهشه
طب مصحيتنيش ليه اجي أرتب معاكي
فكرتك هتقولي في ناس هترتبهم زي ما جهزو الفيلا!
لأ طبعا الأوضه دي بعد ما اتفرشت مينفعش حد يدخلها غيري انا وانتي فقط انا مبحبش حد يتدخل في خصوصياتي أو مبسمحش لحد اصلا
نظرت له زينه ببعض الضيق
بإستثنائي انا طبعا....!!!
يا عمار بقه ملكش دعوه بالهدوم دي!!
ضحك عمار بشده وخبث
الله!!.... وأنا مالي ما هما اللي بيجيوا تحت إيدي
أيوه بس عيب كده يعني مش لازم تضحك كل ما تشوف الحاجات دي مينفعش كده انا عارفه إيه اللي بيجي في بالك لما بتشوفهم
أضاف عمار بضحك وجديه بنفس الوقت
لحظه واحده! هو انتي مفكره أن أنا مثلا بتخيلك لابسه الحاجات دي وبضحك لا خالص والله ولا انا في دماغي ده نهائي!
اردفت زينه بإيماء
حبيبي انا عارفه محترم طبعا مبتركزش علي الحاجات دي!
أكيد
طبعا مش هركز عليها! انا قلتها لك قبل كده وانتي معايا مش هتلبسي حاجه اصلا!
برقت زينه عينيها وهي تنظر له پصدمه
وخجل كبير وأسرعت تسأله
عمار انت بتتكلم بجد
هو انا هعمل ميكب الفرح هنا برضه وكده
قاد عمار السياره منطلقا به وهو يجيبها
والله إن كان عليا مش عايز ميكب أساسا!
ليه بقه أن شاء الله
هيعطلني يا حبيبي وفي يوم زي ده المفروض رأفه بالعريس يلغوا الميكب أصلا
هيعطلنا عن إيه
نظر لها عمار بابتسامه خبيثه
يوم الفرح هبقي أوريكي معطلنا عن إيه
شعرت بإيحاء ما خلف كلامه ذلك فنظرت أمامها مره اخري بحياء وفضلت الصمت بدلا من أنه بكل مره يخجله بكلماته تلك ..
وصلوا تلك المره الي فيلا اللواء نزيه الديب واجتمعوا أيضا جميعا ولكن تلك المره كان امير مع خطيبته اسراء واختها الذي تعلقت بهم وذهبت معهم وكذلك عمرو .. وما أن انضم إليهم عمار وزينه حتي سألهم تلك المره عن طارق فأجابه عمرو مضحكا
تلاقيه بيشقط واحده ولا حاجه تيجي معاه بس يارب المره دي 
ضحك عمار وكذلك زينه في حين سألهم امير عن ذلك الأمر فأخبره عمرو بما حدث في الليله الماضيه فاڼفجرو جميعا في الضحك وكذلك اخت اسراء الذي صار عندها فضول كبير لتري ذلك ال طارق عسير الحظ
نظر عمار بطرف عينيه فلاحظ اللواء نزيه وهو يشير إليه بالحضور همس لزينه بكلمه ما واصطحبها معه لرؤيه اللواء نزيه وما أن تمثل أمامه حتي رحب بحفاوه وهو يقدمه لزوجته
اهوه ده يا ستي عمار اللي الكل بيتحاكي عنه!
رمقته تلك السيده بأعجاب شديد وحب
بسم الله ماشاء الله ربنا يحرصك يا أبني! علي طول بسمع عنك من بسنت ومن ابوها ومن زمايله في الشغل وكنت عايزه أشوفك!
أبتسم عمار ببشاشه واحترام
متشكر يا فندم ده شرف ليا والله!...
ده انت اللي تشرف أي حد يا حبيبي!... إنت متجوز ولا خاطب
أسرع عمار وقدم لها زينه بفخر وحب
البشمهندسه زينه مراتي..
رحبت بها أيضا
تلك السيده طيبه القلب في حب وأخذ الحوار قائم بينهم لبعض الوقت......
وعلي الناحيه الأخري دلف طارق إليهم وما أن نظر لجميعهم حتي تملكته المفاجأه وبرق عينيه بأحداهن والتي كانت هي الأخري تنظر جانبا وما أن استدارت إليهم حتي انقبض قلبها فجاه وهي تراه مبحلقا بها بنفس المفاجأه ..
لاحظ عمرو وكذلك امير تلك النظرات وكل منهم في حاله من التعجب..
أسرعت تلك الفتاه ونظرت لأسراء في توتر شديد
انا .. هه... هتمشي شويه هنا ماشي
نظرت إليها اسراء بذهول ولا تفهم تلك الحاله من التوتر ما سببها
تتمشي فين يا بنتي هو انتي أصلا عارفه المنطقه دي انتي اول مره تيجي هنا
أسرعت تلك الفتاه بتوتر شديد
مش لازم اكون عارفاه انا بس هتمشي شويه هنا حاسه إني مخنوقه
اردفت إسراء بحيره من لكنتها
مالك يا ريم في إيه
جحظت ريم عيناها پصدمه أخري وأخذت تردد كالبلهاء
ريم اه تصدقي... ريم مين يا بنتي في حد هنا اسمه ريم اكيد مش انا! .. عن أذنكوا بقه عشان أنا حاسه مخنوقه جامد اوي...
ولم تدعهم يماطلوا أكثر بالحديث وفرت هاربه من تلك المكان وأسرعت بعيدا عنهم وهي تلتقط أنفاسها بصعوبه ولا تدري لما تشعر بذلك التوتر وتلك الرجفه بقلبها ما أن يحضر .. لا تدري من اين يخرج لها من كل مكان هكذا فلم تكن تتوقع مجيئه ولا أنه هو طارق الذي يتحدثون عنه..
شعرت بالخۏف من أن يخبر اسراء أو امير بأمر الشيكولاه التي كانت تأكلها بالأمس وكذلك تلك الكذبه التي لعبتها عليه بشأن أسمها
زفرت بضيق شديد
ياربي هو انا كان لازم اكدب عليه
أما طارق ظل مصډوما بعدما أدرك أنها كانت تضحك عليه بأمر اسمها وردد بغيظ شديد
بقي اسمها ريم وانا طول الليل اعيط وأدعي علي ابوها أنه سماها عتريسه ماشي يا ريم!!
لم ينته إلا علي صوت عمرو الذي كان ينظر إليه بخبث
هي مش كده
أجابه طارق وهو مازال ينظر لمكانها من بعيد
هي مين
اللي كانت بتضحكك أمبارح يا حبيبي!
نظر إليه طارق بغيظ وكز علي أسنانه بهمس
تخيل أنها قالتلي أن أسمها عتريسه وخواتها صميده وجمالات ونحمده وأم السعد!
نظر إليه عمرو لحظات قليله قبل أن ينفجر من الضحك وهو يتخيل ذلك الموقف 
في حين تركه طارق وذهب خلفها وكذلك نظر إليه
امير الذي كان يتحدث مع اسراء
بتضحك علي إيه يا عمرو
أشار إليهم بيديه وهو مازال يضحك
مفيش مفيش روحو انتو هيصوا مع معتز وبسنت وانا هقعد هنا علي جنب...
لم يفهم أمير وكذلك اسراء ما أصابه وعادوا ثانيه يتحدثون مع بعضهم البعض في حب وهيام...
وعلي الناحيه الأخري خرجت ريم من الحمام بعد أن غسلت وجهها لتعيد إليه حيويته وقبل أن تخطو خطوه للخارج وجدت من يقبض علي ذراعها استدارت پغضب وقبل أن تعنفه حتي لانت أعصابها وابتسمت بتوتر شديد وعاد قلبها ينبض پخوف مره اخري في حين نظر إليها طارق بجديه مزيفه
إيه ده معقوله عتريسه إزيك
حاولت ريم الضحك ولكن خاڼها توترها وخرجت ضحكتها زائفه
هه الله يسلمك ياباشا!
أبوكي اللي اختارلك اسم عتريسه صح وخواتك جمالات وصميده يعني اسراء اختك دي عارفه انك بتقولي عليها صميده
ضحكت ريم تلك المره علي الرغم من توترها
لا متعرفش وانت عشان جدع وإبن حلال مش هتقولها وهتداري عليا زي ما انت هتفضل جدع برضه ومتربي وأبن ناس ومش هتقولها علي موضوع الشيكولاته!
متعشمه فيا اوي!
ولاد الأصول بيبانوا برضه ولا إيه
إنتي عندك كام سنه يا لمضه إنتي وربنا شكلك لسه في أولي ثانوي!
أشارت بيديها الأخري حيث مازال ممسكا بذراعها واردفت بغيظ
لمضه في عينك وإيه أولي ثانوي دي! انا في تانيه صيدله...
إنتي تانيه صيدله
مشبهش ولا مشبهش ولا يكونش مشبهش وبعدين سيب دراعي بقه انت إيدك تقيله!!!
أبتسم طارق بنصر وتشفي وهو يهز رأسه بنفي وعناد
لأ...... أتحايلي عليا شويه ده انا لحد دلوقت لسه مفوقتش من عتريسه....!
وفجاه صړخت ريم بفزع وهي تشير خلفه
يا نهار أسود!!!.... إلحق يا طارق دول أمير....!
ولم يمهلها طارق تكمل حديثها حتي تركها مسرعا في خوف وفزع وهو يستدير للناحيه الأخري
هما
فين ولا ال....
بتر طارق جملته حينما نظر إلي امير ووجده مازال يتحدث مع اسراء بهدوء... عاد ببصره الي ريم مره اخري ولكن لم يجدها وكأنها لم تكن موجوده من الأساس
شعر بالغيظ الشديد وهو يتوعد لها ما أن يراها مره ثانيه
ماشي يا عتريسه إن ما وريتك....!!!
عاد طارق مره اخري إلي الجميع والتفوا معا بجوار معتز واشتغلت المهرجانات وارتفع صوتها الصاخب واخذ الجميع يتراقص پجنون...
وبينما عمار مازال يقف مع اللواء نزيه وزوجته التي شعرت بالضجر من تلك المهرجانات التي لا تستمع منها سوي علي مزيكا صاخبه تضر اكثر مما تفيد فرددت
هو إيه الهبل اللي بيسمعوه ده وبيرقصوا عليه! ما حد يقولهم يشغلوا حاجه عدله ويرقصوا عدل!
علق اللواء نزيه علي كلمتها مرددا
علي فكره عمار صوته حلو أوي..
نظر إليه عمار مسرعا بضحك
مش أوي يا فندم!
نظرت إليه زوجته مردده بإعجاب اكثر
يعني انت صوتك حلو يا ابني وسايبهم يهبلوا كده يلا انا كمان عاوزه أسمعك!
مع إصرارهم جميعا وكذلك زينه التي كانت متشوقه لسماع صوته مره ثانيه أحضروا له المايك وتوقفت تلك المهرجانات وتوقف الجميع معه عن الرقص في حيره واشتغلت موسيقي اخري بنغمه معينه وما أن رأوا عمار معه المايك في يديه وباليد الأخري كانت معه زينه حتي هلل الجميع في فرح كبير.. وأسرع كل شخص بالحفل ومعه زوجته أو حبيبته وأنضموا إليهم ..
بينما عمار غني اغنيه انا بعترف لك عاجباني لرامي صبري 
اشتعلت معه الأجواء واندمج الجميع بالرقص وعمت البهجه المكان بعدما أعجب الجميع بعمار وصوته وكذلك معظم الفتايات التي كادت أن تقع بغرامه من شده جماله وصوته وكذلك حينما علموا أن ذلك هو العقيد عمار المصري ..
ولكنه لم ينتبه لأي أحد سوي حبيبته التي لم
يترك يدها طوال الحفل وهو يهديها تلك الاغنيه ويخبرها بمميزاتها من خلالها..... 
وبعد طول انتظار اتي ذلك اليوم الذي كان بإنتظاره الجميع وتحديدا عمار وزينه الذين كانو يحسبون له باليوم واللحظه والساعه كي تلتقي أجسادهم وارواحهم تحت نغم الحب الذي انهمر بقلوبهم...
أحضر عمار لزينه اشهر متخصصين التجميل والأزياء الي ڤيلا والده كي يخرج بها عروسا من تلك الڤيلا كي لا يتعبها ولا تشعر بالإحراج مره أخري مثل يوم خطبتهم..
وما أن أتي المساء وانتهي عمار من تجهيز نفسه وبجواره صديق عمره داغر الذي بالتأكيد لم يتركه في يوم مثل ذلك..
وأيضا كان معه بقيه أصدقاءه معتز وأمير وعمرو وطارق..
وكذلك زينه التي كان بجوارها صديقه طفولتها حوريه وكذلك بسنت وفاطمه وأيضا حضرت اسراء ومعها شقيقتها ريم...
ظلوا جميعا بجوار زينه من بدايه اليوم الي أخره بعدما تعرفوا جميعا علي بعضهم البعض واصبحوا أصحاب وأخذت كل منهم تشارك زينه في تجهيز نفسها حيث كانت تشعر بتوتر شديد وخوف ممزوج بفرحه غريبه وكل المشاعر اجتمعت بداخلها في ذلك اليوم الذي طال انتظاره...
أما عمار ما أن خرج من غرفته حتي استمع هو من معه لصوت مدوي صاخب هز أرجاء المكان ودب القلق بقلوبهم حيث أن ذلك الصوت لم يكن غريبا عليهم جميعا وأدركوا هويته علي الفور بطبيعه عملهم أجمعين..........
نظر عمار من الشرفه الكبيره وهم خلفه حتي برق عينيه في صډمه
أو مفاجأه لم يكن غير اصدقاءه
الفصل الاخير
حلقه والأخيره
هبط اللواء نزيه من الطائره الخاصه الصغيره التي استقرت في الحديقه الكبيره الخاصه بالفيلا والتي كانت سببا في إصدار ذلك الصوت المدوي فتح ذراعيه في الهواء وبإبتسامه واسعه ردد
مينفعش العقيد عمار المصري ميبقاش عنده طياره خاصه بيه لوحده! ولا إيه رأيك يا سياده العقيد
هبط عمار إليه مسرعا غير مصدق لما يراه علي الاطلاق اتسعت ابتسامته وهو ينظر لتلك