رواية ايمن الجزء الرابع

غرفه امها وبعد دقائق كانت امها فى سياره الاسعاف لمستشفى خاص و كبيره 
وقفت امامه تشعر بالضياع ليقول لها كل ما يدور بداخلها 
انت ليكى تأمين فى شركتى وده ليكى والاقارب من الدرجه الاولى ... وعلاج ولدتك على حساب التأمين ده .
لتنظر له ببلاهه ثم قالت 
بس انا لسه مكملتش حتى ثلاث شهور شغل علشان ده كله 
ليبتسم وهو يقول 
من اول يوم ... ويلا بقا علشان نلحق نروح وراهم 
وتحرك من امامها وهو يرسل رساله لصديقه الطبيب بما قاله لها حتى لا يخطئ فى شيء امامها .
جلست القرفصاء امام والدها وشرحت له كل شيء لينظر الى ايمن بابتسامه شكر وامتنان ... ردها اليه ايمن بابتسامه حقيقيه ... وربت على كتفه وتحركوا من فورهم الى المستشفى الخاص .
حاله والدتها لم تكن بذلك السؤ ولكن قله الضمير هى ما جعلتها تعيش كل ذلك الالم ... وان حاله الكلى ليست سيئه الى تلك الدرجه .. وما زال هناك وقت للتفكير فى حل العمليه والمتبرع .... حدد لها الطبيب معاد لجلسات العلاج ... وصرف لها أدويه جديده اراحتها .... ولكن ملك لم يكتب لها الراحه بعد ... فظهور حسان جعلها تزبل من جديد ... عاد من افكاره على صوت هاتفه ليجدها مهيره 
اجابها سريعا وهو يقول 
بنت حلال كنت لسه هكلمك
لتضحك هى بصوت عالى وقالت 
طيب انا بتصل اطمن عليك وكمان اعزمك على فرح جودى وحذيفه بعد اسبوع .
ليبتسم وهو يقول 
الف مبروك يا حبيبتى ... وانا كنت هكلمك علشان عايزك انت وسفيان تيجوا معايا أخطب .
لتهلل بسعاده قائله 
بجد يا ايمن .. هى مين واسمها ايه .. وعندها كام سنه .. بتحبها بجد وهى بتحبك 
ليبتسم ايمن بسعاده حقيقيه من كلمات اخته .. هى لم تقل غنيه ام فقيره او ابنه من .. بل سالت عن الحب ليقول لها ا
انا كنت ناوى اجيلك بعد بكره و اشرحلك كل حاجه .
لتقول له بسعاده 
وانا مستنياك
عادت زهره وصهيب من شهر العسل وهم فى قمه سعادتهم ... كانت من اجمل الاوقات التى مرت عليهم قبل ان يذهبا الى البيت طلب منها صهيب ان تمر على عنوان ما 
ذهبت اليه واوقفت السياره فطلب منها ان تترجل وبالفعل 
ترجلت من السياره وتحركت لتقف بجانبه فاشار باصبعه للاعلى فرفعت عينيها الى الاعلى لتقع عينيها على لوحه اعلانيه كبيره ملونه بشكل جذاب ... وبدأت تقرأ ما كتب عليها شركه الزهره للهندسيه والتعمير لتشهق بصوت عالى وهى تره اسمها يزين تلك اللوحه 
حلوه اووى يا حبيبى .... شكرا يا صهيب شكرا .. دى بجد احلى مفاجأه .
ليبتسم لها بحب وقال 
دى ولا حاجه جمب كل الى انت عملتيه علشانى ... يا زهره انا حياتى كلها قليله عليكى .
لتضم ذراعه التى تمسكها وقالت 
انت وجودك فى حياتى هو سبب سعادتى ... وهو سبب حياتى 
ليربت على راسها وهو يقول 
تعالى نطلع علشان تشوفى شركتك 
لتصحح له قائله 
شركتنا .
صعدا الى الاعلى وامام باب الشركه كانت شهقتها الثانيه من اتساع الشركه التى كانت تظنها صغيره ومجرد مكتب هندسى بسيط لتجد كميه كبيره من الموظفين اقترب صهيب من اذنها وقال 
اوصفيلى الى انت شيفاه عايز اشفها بعنيكى .
لتنظر له بحب وبدأت فى الوصف وهم يسيرون الى الداخل 
على اليمن مكتب الاستقبال والبنت الى واقفه فيه حلوه ... وده مش حلو على فكره 
قالت الاخيره بصوت تحذيرى ....ليبتسم صهيب اكملت قائله 
وبعد الاستقبال على طول فى طقم مكتب جلد تحفه لانتظار العمله ....على الشمال قسم الهندسه 
واو بجد ست مهندسين ومهندسات .
ظلت ابتسامه صهيب على وجه يستمع اليها هو بالتاكيد يعرف كل ما تقوله الان ولكن الوصف بصوتها السعيد المندهش مختلف تماما ومبهج جدا...... اكملت هى 
على اليمن فى ثلاث مكاتب انا مش عارفه الحقيقه هما ايه 
ليقول لها 
خدمه عملا ... يعنى الرد التليفونات .... اى حد كان يسال ويفم ويستفسر كده يعنى .
لتهمم بفهم ثم اكملت 
اممممم فهمت .. حلوه الفكره .... احنى وصلنا لمكتب المحاسبه .
ليقول هو 
وقدامه السكرتاريه مش كده 
فعلا وفى الوش مكتب المدير .
ليبتسم وهو يقول 
مكتبنا ... المكتب ليه دخلتين من بره هنا ومن عند السكرتارية ... تحبى تدخلى منين 
لتمسك بذراعه بقوه وهى تقول 
من السكرتارية طبعا علشان اشوف سكرتريره حضرتك .
ليضحك وهو يقول 
ايوه شفيها ووصفيهالى .
لټضرب ذراعه بقوه ليضحك بصوت عالى فى نفس اللحظه التى وقفت فيها شابه جميله كانت تجلس خلف مكتب السكرتاريه تنظر الى صهيب بإعجابه .لينتبه لها فقالت بصوت ثابت 
صباح الخير يا انسه 
لتجيبها قائله 
صباح النور يا فندم اى خدمه ... الباشمهندس صهيب لسه مجاش 
ليضحك صهيب وهو يقول
هو انا اتاخرت اووى كده ليه 
لتنظر له الفتاه بدون فهم ولكن نظرات الاعجاب بعينيها لم تقل لتقول زهره من بين اسنانها 
يظهر ان حضرتك اصلا مش هتيجى تانى .
ليضحك بصوت عالى لتشعر الفتاه بالضيق من تلك الفتاه التى تمكس بذلك الشاب وقالت 
ممكن افهم حضرتكم مين 
ليجيبها صهيب بجديه 
انا المهندس صهيب ودى تبقا المهندسه زهره زوجتى وشركتى .
لتتلجلج الفتاه وهى تقول 
انا اسفه جدا ... اتفضل يا فندم .. اتفضلى حضرتك .
وفتحت باب مكتب صهيب .وهى تكمل 
انا اسفه جدا انا مكنتش اعرف حضرتك وحضرتها 
لتجيبها زهره قائله 
حصل خير تقدرى تتفضلى على مكتبك وتطلبيلنا اتنين عصير 
وبعد خروج تلك الفتاه قالت زهره بقوه 
وبعدين بقا احنى هنبداها كده .... 
ليمد لها يده فى وهو يقول 
تعالى يا زهرتى 
لتتقدم منه و تمسك يده ليجلسها على قدمه وهو يقول 
خليكى متاكده انى حتى لو كنت بشوف ... عمرى ما هشوف غيرك ... يا زهره انا الحياه بالنسبالى ... وانا لايمكن اضحى بحياتى علشان اى حاجه مهما كانت .
لتضمه بقوه وهى تقول 
انا بحبك اوى وبغير عليك اوى .. اعمل ايه بس 
ليضمها هو الاخر وهو يقول 
تطمنى يا زهره .. انا مستحيل اكون لغيرك 
ليفتح الباب فجأه وتشهق الفتاه بصوت عالى وخرجت سريعا 
لتقف زهره بخجل ويضحك صهيب بصوت عالى .
كانت فرح منكبه على بعض الاوراق تحاول ترتيبها .. وتنظيمها بعد ان راجعتها كان هو يراقبها من خلف زجاج مكتبه ... ابتسم وهو يتذكر مراقبته لها طوال ذلك الاسبوع ... انها جاده جدا فى عملها .... هادئه معظم الوقت .. وفى الغالب لا يظهر جنانها الا مع والدها ووالدتها ... او مع صديقتها ملك 
اعتدل فى جلسته وهو يفكر يريد ان يتحدث معها ان يناغشها يفهم منها من هو ذلك المدعوا مصطفى ابو حجر .... 
وقف على قدميه وخرج من المكتب ووقف امامها ولكنها لم ترفع عينيها عن الاوراق فجلس وهو يقول 
اذيك يا انسه فرح 
لتنتفض واقفه تنظر له بقلق 
لينظر لها باندهاش .... واشار بيده لها بأن تهدء لتجلس من جديد وهى تنظر له باستفهام فقال لها 
انا اسف مكنتش متخيل انى بخض اوى كده
لتقول له بهدوء 
لا ابدا انا بس كنت مركزه اووى فى الورق الى قدامى 
ثم رفعت عينيها اليه وهى تقول 
هو حضرتك عايز حاجه
قهوه 
لتنظر له ببلاهه ثم قالت 
نعم 
ليبتسم ابتسامه سمجه وهو يقول 
عايز قهوه
لتظل نظراتها البلهاء على وجهها ثم قالت
حاصر هطلب لحضرتك 
ليقاطعها وهو يقول 
لا انا عايزها من ايدك ... لو سمحتى 
ظلت تنظر اليه وهى تفكر بداخلها انها تريد ان تضربه بشيء حاد فوق رأسه ولكنها تراجعت عن الفكره لتظهر لها فكره جديده وابتسمت بشړ وهى تقول 
حاضر يا استاذ زين 
وقالت الاخيره بصوت هادئ بطئ 
ظل ينظر الى ظهرها وهى تغادر الغرفه ... ليرفع حاجبه وابتسامه منتصر ترتسم على ملامحه .
كانت جودى وحذيفه يتجولان بين اتيليهات فساتين الافراح وكانوا مثل الاطفال يتشاجران على كل شيء ... ذلك الفستان ديق ... وذلك قصير ... هذا مفتوح .... كانت جودى تختار الفساتين التى تثير الغيره حتى ترى تلك النيران التى تشتعل فى عينيه 
حتى وقفت امام فستان احلامها فستان كفستان الاميرات اشارت اليه باصبعها ليبتسم وهو يقول 
تعالى نشوفه .... هيبقا بيجنن عليكى .
ظل جالسا ينتظرها ليجدها تدخل وبيدها صنيه وعليها كوب قهوه وكوب ماء وضعتها امامه بابتسامه سمجه وهى تقول 
اتفضل 
ليبتسم لها بانتصار ويمسك كوب القهوه ويحتسيه تحت نظراتها الشامته .
انتهى من احتساء الكوب ونظر لها بابتسامه كبيره وقال 
شكرا بجد تسلم ايدك .... فنجان القهوه من تحت ايدك له طعم مختلف 
لتبتسم بشكر ثم قالت 
بالف هنا 
ليضرب على سطح مكتبها باصابعه وهو يقول 
كنت عايز اسالك هو باباكى بيشتغل ايه 
لتنظر له بتركيز قم قالت
مدير عام فى مصلحه حكوميه 
ليكى اخوات 
لتنظر له بحزن وهى تقول 
ايوه ليا اخ واحد بس الله يرحمه .
لينتبه على كلماتها وهو يتذكر ذلك الموقف حين كانت تكلم والدها 
ليترحم عليه بصوت عالى لتامن خلفه ... كاد ان يقول شيء اخر ولكنه شعر بالم قوى بمعدته جلعته يقف سريعا ليتجه الى الحمام 
لتضحك هى بسعاده واخرجت من جيب بنطالها كيس صغير به بدره لونها ابيض قبلته وهى تقول 
شكرا يا قمر .. علشان يبطل يعاملنى على انى خدامه عنده
كان ايمن يلملم اغراضه حين ضغط ذر استداع من ملكت قلبه ..... دلفت الى مكتبه فقال لها 
انا مسافر بكره لمسألة ضروريه ... اجلى كل مواعيد بكره 
لتجيبه قائله
حاضر يا فندم .. حضرتك تآمر بحاجه تانيه 
ليتقدم ويقف امامها وهو يقول 
مش اوامر يا ملك .. ولو هآمر حد اكيد مش انتى 
صمت لثوانى ثم قال 
متنسيش تقولى لوالدك انى جاى يوم الجمعه انا واختى 
لتقول له 
انا مش مصدقنى لما قولتلك انى جسمى مټشوه 
لينظر لها پغضب ثم قال
يا بنتى افهمى انا بحبك .. لا يهمنى ظروفك ولا فقرك ... ولا تشوه جسمك ..... ولا يهمنى ولا خاېف من البلطجى اياه... انا بحب روحك .. نظره عنيكى .. برائتك .. خجلك التزامك .. يا ملك انت ملاك ... وانا محتاج ملاك فى حياتى .
ظلت تنظر اليه باندهاش وهى تقول 
البلطجى .
لينتبه لكلماته ولكنه لم يعد هناك مكان للتراجع ليقول لها 
بعد ما اجيلكم يوم الجمعه وتوفقوا عليا هحكيلك كل حاجه ... ماشى .
لتهز راسها بنعم .... ولكن نظرات عينيها كانت كلها شك وخوف ... وقلق 
فاقسم هو بداخله ان يبدل تلك النظرات ... الى سعاده وفرح ... ثقه وامان .
...... الفصل الثالث والرابع والعشرون
كان يجلس امام شقيقته ينظر اليها يحاول ان بفهم ما يدور بداخل عقلها ...