رواية مريم 28

أمامه و لا يمكنه حتى أن يمسها ...
إيماني ! .. قالها مراد بلهجة هامسة
لترد إيمان كدأبها مؤخرا و كأنها كلمة السر بينهما 
مرادي !
اتسعت إبتسامته فبانت بصوته و هو يرد عليها 
عروستي صاحية بدري ليه مش قولنا تنامي كويس.. اليوم لسا طويل يا حبيبتي 
ماتقلقش أنا نمت بدري إمبارح. لكن ڠصب عني. نومي كان متقطع.. ف زهقت من نص ساعة و قلت خلاص هقوم بقى !
قلقانة من إيه يا إيمان .. سألها مراد و قد تلاشت ابتسامته
كان يملؤه التعاطف تجاهها الآن و هو يسمع تجاوبه بلهجة مرتعشة 
كوابيس.. كوابيس طول الليل يا مراد !!
تجعد جبينه الغض و هو يطلق نهدة عميقة من صدره ثم قال بلطف 
أوعدك. من الليلة دي. مش هاتشوفي الكوابيس دي تاني أبدا.. أحط بس إيدي عليكي. و محدش له عندنا حاجة بعد كتب الكتاب. هاتبقي بتاعتي أنا. أنا بس !
سمعها تتنفس بسرعة فهمهم مبتسما و استطرد 
إنهاردة في جدول مفاجآت عشانك. طبعا مش هقولك عليهم كلهم.. لكن ممكن ألمح عن آخر مفاجأة ..
صمتت في انتظاره فأضاف بحماسة مراعيا عنصر التشويق عليها 
بعد الفرح. منغير ما نقول لأي حد. هاخدك زي ما انتي بالفستان.. هانهرب. محدش هايعرف لنا طريق لحد ما نظهر بمزاجنا !
استشف من تموجات أنفاسها أن الفكرة بالفعل هنا يكمن جنون العشق بينهما هنا حيث التهور الشغف.. و أحيانا الخطړ ...
قولي إن الفكرة عجبتك ! .. تمتم مراد مغمضا عينيه و هو يتخيلها حقا أمامه
بل و يلمسها بالفعل بكلماته ...
ردت إيمان متأثرة بكل أفكاره النشطة 
عجبتني. بس.. هانروح فين 
فتح عيناه الآن قائلا بمكر 
لأ. ماتحاوليش.. مش هقولك 
لم تجادل معه عكس توقعاته و قالت و قد عاود التوتر نبرات صوتها من جديد 
طيب. بس عشان خاطري.. ماتتأخرش عليا. تعالى بسرعة 
عبس مرة أخرى و هو يسألها بجمود 
مالك يا إيمان. انتي كنتي كويسة طول الفترة إللي فاتت.. هاتخليني أندم ليه إني سرعت جوازنا انتي كان لازمك علاج فعلا زي ما أدهم قال !
ردت بجفاف يعني أنا مچنونة يا مراد !
ماقولتش كده. بس انتي أكدتيلي دلوقتي إنك كنتي بتمثلي عليا إنك بقيتي كويسة. انتي لسا ماتجاوزتيش إللي حصل. و الدليل كان قصاد عيني طول الوقت 
و الله ! إيه هو الدليل بقى !
لمى !! .. قالها كأنما يسدد إليها ضړبة موجعة 
مش قادرة تتقبليها لحد إنهاردة. علاقتك بيها ادمرت يا إيمان. دي بنتك !!!
أجفل عندما أصاب سمعه شهيق منتحب لها لم يتبعه شيء آخر فعلم بأنها تكتم صوت بكائها و هي لا تزال معه على الخط ...
إيمان ! .. دعاها بلهجة متشنجة 
خلاص يا إيمان. خلاص حقك عليا. كان لازم اختار كلامي. خاصة في يوم زي ده.. أنا آسف !
لم يصله أي رد منها فكرر بقلق 
إيمان. انتي كويسة. إيمان !!!
معاك ! .. نطقت أخيرا بصوت أبح
تنفس الصعداء و قال بصوت أكثر لطفا 
أنا آسف يا حبيبتي. شوفتي مش لوحدك إللي قلقانة و متوترة. أنا كمان زيك لدرجة مش عارف بقول إيه !
كان يصطنع الآن ليلملم ما بعثره بنفسيتها ...
و لا يهمك. أنا هاحل كل ده. انتي بس قومي روقي مزاجك كويس. و استعدي.. ساعات قليلة جدا و هانكون سوا !
مع حلول الثالثة عصرا ...
بدأ الإحتفال تقريبا بتوافد أعداد أكثر فأكثر من العائلة و الأصدقاء امتلأت ساحتي الرجال و النساء و كانا يقف كلا من مراد و أدهم عند