رواية طريقي كاملة

محذرا إلهام..إياكي تتهوري سيبي كل واحد حر في حياته وبلاش مشاكل..
الحرية حدودها بتنتهي لو مست حدود غيرها يا توفيق.. وأنا مش هسمح حد يمس شبر واحد من حقنا..
ثم اقتربت منه ومنحته نظرة تحدي ناسبت قولها الصارم شكلك نسيت يا توفيق وإلا ماكنتش بقيت سلبي كده.. و والدك كمان نسي وصدق كدبته.. بس انا معنديش أي مشكلة اني انعش ذاكرة والدك من جديد.. وحالا هعمل كده..
إلهام 
استني عندك وماتدخليش في حاجة وسيبي بابا يعمل اللي... .
في لمح البصر تبخرت من أمامه متجهة گ القذيفة حيث مكتب والده لتضع الأمور في نصابها من وجهة نظرها الحمقاء حتي لو أضرمت نيران لن تنطفيء جذوتها ثانيا وربما ټحرق الجميع. 

وفي مكتبه كان يجري الجد نادر مكالمة صار يعلم انها أضحت ضرورية بعد ما حدث منذ قليل مع زوجة أبنه لا أمان بعد الأن ويجب ان يضع كل الضمانات التي تريحه حين يواريه الثرى فالمۏت لم يعد بعيد عنه.
أيوة يا فكري زي ما سمعت عايزك بكرة تيجي عشان عايز أوثق وصيتي وارتاح.. العمر خلاص مبقاش مضمون وانا حاسس النهاية قربت.. 
بعد الشړ عليك يا نادر ليه بتقول كده بس. 
قال بعد سعال متتابع ريحني يافكري واعمل اللي بقوله.. 
حاضر بس اهدي بكره هعدي عليك وربنا يعمل اللي فيه الخير..
أغلق معه ثم تراجع للوراء مسترخي على ظهر مقعده مغلقا عيناه مستعيد حديث زوجة أبنه اللازع وتلميحاتها الخبيثة وازداد أصراره أن يتم مراسم وصيته قبل فوات الآوان..
عمي أنا لازم اتكلم مع حضرتك في حاجة مهمة!
فتح الجد نادر عيناه وأعتدل بجلسته رامقا أياها بجمود بعد اقتحامها مكتبه دون استئذان وقال حاجة ايه اللي خليتك داخلة مكتبي بالطريقة دي وفي وقت متأخر زي ده مش كنتم طالعين ترتاحوا من السفر يا إلهام
والله أنا مش هرتاح
غير لما اكلم حضرتك يا عمي وأسفة اني اندفعت ودخلت مكتبك بدون استأذان بس ده لأني محتاجة أحط النقط
علي الحروف..
رفع عويناته وثقبها بنظرة غامضة وقال واضح انكم مش نازلين أجازة تطمنوا عليا وليكم غرض تاني.. كده ولا ايه يا مرات ابني
اشتعلت عيناها بتحدي وهتفت بالعكس يا عمي.. أحنا فعلا نازلين نطمن علي حضرتك وكمان ننعش ذاكرتك شوية ونفكرك بحاجة مهمة يجوز بعد العمر ده كله تكون نسيتها.. معلش العمر له حق
برضو ياعمي..
غامت عين الجد بسحابة ڠضب توشك أن تنهمر من فرط فظاظته معه وصاح قصدك تقولي اني كبرت وخرفت مش كده يا مرات ابني
إلهام
قالها توفيق هادرا بصړاخ ومحذرا من استرسالها فأوقفه أبيه بإشارة رادعة من كفه ثم قال بنظرة غامضة كملي يا مرات ابني عايزة تفكريني بايه بعد العمر ده كله
تقدمت منه خطوتين ثم رمقته بثبات قبل أن تلقي ما لديها دون تردد عايزة افكرك إن رائف.. 
وصمتت تتلذذ بترقبه قبل أن تواصل
هو حفيدك الوحيد يا عمي.
أشتعلت عين الجد بعاصفة ڠضب وتشنج وجهه بشكل واضح بينما صاح زوجها  وقولتلك ماتدخليش في حاجة ماتخصكيش احسنلك.. 
هدرت بتحدي غير عابئة بأثر ما فجرته لتوها 
لأ ده أنا أتدخل ونص يا توفيق مادام الموضوع يخص حق ابني اللي ممكن يضيع بسبب عواطف مش في مكانها .
ومين هيضيع حق ابنك يا مرات ابني 
هكذا تسائل نادر ليصل لما تريده وتضح أمامه الصورة كاملة فتستأنف ألهام قولها 
حضرتك اللي بتضيعه بطيبة مالهاش مكان في الزمن ده خلاص وسامحني ياعمي في اللي هقوله.. بعد عمر طويل توفيق ورائف هما أحق الناس بورثك.. لكن انك تشرك معاهم واحد غريب مانعرفش أصله وفصله ومش من دمنا ده يبقي منتهي الظلم.. 
كل حاجة حضرتك تملكها المفروض تكون لابنك وحفيدك اللي من صلبك..
أخرسي يا إلهام أخرسي.. 
ردت على صياح زوجها توفيق بعناد أكبر 
مش هخرس ولا هسمح لابن الشارع ده يقاسم ابني في حقه يا توفيق.. ولو وصلت اني..
صڤعة عڼيفة جعلتها ترتد لتصطدم بالجدار لكنها تتخطي ذهولها سريعا وگأن شيطان يحركها وهي تواصل هادرة بتضربني يا توفيق بتضربني عشان بقول الحق عايز ابوك يكتب لولد جابهولنا من الشارع فلوسه ويساويه بابننا وحفيده الوحيد
ثم صاحت تتوعد پجنون أقسم بالله لو اتكتب للواد ده حاجة مش هسكت..جسار أخد حقه وزيادة.. اتربي احسن تربية وعاش اكرم عيشة واتعلم في أرقي المدارس.. لبس انضف لبس..وخلاص بقي محامي مشهور يقدر يشق طريقه لوحده ويعيش عايزين ايه تاني كفاية اوي عليه لحد كده..ومن انهاردة لازم يعرف هو مين.. ومحدش فيكم هيمنعني لأني أنا اللي هعرفه حقيقته..
قالتها وتخطتهما گ الإعصار عابرة للخارج لتقف بغتة بعد أن كادت تتعرقل وهي تجد أمامها من يجلس أرضا مطرق الرأس وببطء يناقض خفقاته قلبه المتواثبة من صډمته رفع وجه إليها ومقلتاه طلاتها حمرة الډماء وهو يهمس بوهن يفطر القلب
مين أهلي
يتبع
الفصل الرابع
رغم ثورتها وحالة الجبروت التي تلبستها منذ لحظات أهتزت لمرآى إطراقته وجسده مڼهار أرضا وعيناه المتجمرة تعكس ألما يموج بدموعه المتجمدة وعاد يتسائل بصوت مبحوح مين أهلي مين بابا وماما تعرفي أوصلهم ازاي قوليلي هما مين واوعدك مش هتشوفيني تاني ولا عايز منكم حاجة.
تبادلت مع زوجها النظرات الخائڤة مما أحدثته دون أن تشعر ليتوعدها الأخير بالويل وهو يجذب مرفقها بقسۏة قسما عظما لو ما اختفيتي من وشي حالا وطلعتي أوضتنا لأكون رامي عليكي يمين الطلاق..
أبتعلت ريقها پخوف أن يفعلها ورحلت بعد أن منحت جسار نظرة للعجب مشفقة عليه.. كأنها لم تكن تلك الثائرة المألوفة لكشف حقيقته من قليل بكل قسۏة..و كأنها استعادت جزء زهيد من آدميتها ابتعدت بعد أن مزقت أستار الحقيقة الخافية لأظافر حقدها لم تعد الحجب مرفوعة..استعرت نيران لن تنطفيء إلا بمعرفة الحقيقة كاملة دون نقصان.
عينه متعلقة بالجد كأنه طفل ضائع بالطرقات ينتظر من غريب غيثا يعيده لأحبائه..رغم شكوكه الأخيرة أنه لا ينتمي لتلك العائلة نحرت عنقه الصدمة وتركته ذبيح يترنح بين الحياة والمۏت.. بين الكذب والحقيقة..من هو إذا ابن من أبويه مازالا على قيد الحياة هل سيلتقي بهما يوما ويتذوق ما حرم منه من حنان أبوي طيلة سنوات عمره
جسار..
قالها توفيق وهو يربت علي كتفه ما بين حنان وشفقة مواصلا بابا هيحكيلك كل حاجة بس الأول بعتذرلك عن اللي قالته إلهام.. أرجوك تعذرها لأن نظرتها للأمور للأسف مقايسها مادية أكتر من أي اعتبارات تانية..أرجوك ماتزعلش منها وصمت ليستطرد ثانيا بعاطفة لم يصطنعها صدقني أنا حبيتك ياجسار صحيح مش هكدب واقول زي ابني بس ليك في قلبي معزة..ومبسوط انك كبرت تحت كنف والدي ورباك وخلاك شخص محترم..وانا عمري ما فرق معايا موضوع الفلوس والورث لأن الحمد لله الخير عندي كتير.. لكن اللي بعترف اني مقدرتش اديهولك فعلا.. اني اكون أبوك بجد..وده مش بأيدي والله بالذات بعد ما ربنا رزقني برائف.. يمكن لولا كده كنت قدرت احس بيك و اشغل مكان أبوك.. بس عزائي ان والدي هو اللي ملى الفراغ ده جواك.. عشان كده اسمعه وصدقه في كل كلمة هيقولهالك..
ونظر لأبيه الشارد عنهم نظرة اعتذار أخرى ثم رحل تاركا أياهما لمواجهة آن لها الآوان لتحدث.
أطياف الماضي امتزجت بأصوات صړاخ انبعثت من عقله وجالت بمخيلته يتذكر كل ما حدث تلك الليلة التي غيرت مجرى حياته على نحو لم يخطط له و بدأ الجد
نادر بسرد كل الخبايا وجسار ينظر اليه كطفل شريد ينتظر من يرشده لأحباء افترق عنهم.
كنت جراح في مستسفي كبيرة في دولة عربية قضيت فيها كام سنة وكان ليا وضع مهني كبير فيها.. في ليلة كنت لسه مخلص عملية صعبة وطويلة.. كنت سايق وانا مرهق جدا وتقريبا مش شايف قصادي.. الطريق كان تقريبا فاضي..فجأة لمحت من بعيد حاجة خلتني افرمل بسرعة واقف مأخوذ وانا شايف حافلة بتتقلب من منحدر أعلى بيوصل للطريق اللي انا فيها فضلت تتقلب لحد ما رسيت على الاسفلت وطلع منهم دخان واللي وقف قلبي أكتر لما شوفت واحدة جسمها ليندفع بقوة علي الأرض لمسافة مش بعيدة عن الحافلة وهي بتصرخ نزلت بسرعة بعد ما استعادت وعيي اشوفها شوفت حاجة عمري ما صادفتها في حياتي كلها..واحدة بطنها مشقوقة وبتلفظ أنفاسها الأخيرة وخارج منها راس رضيع پيصرخ.. اتجمدت لحظات مذهول وبرتجف رغم اني طبيب.. بس غرابة اللي انا شايفه أذهلني..لما شوفت الډم علي حرف جزء من زجاج الحافلة فهمت ان والدتك وقعت عليه . بس لأن ربنا كاتبلك عمر.. الوقعة شقت البطن من غير ما تأذيك.. كأنها اتفتحت بإيد طبيب محترف.. فضلت اسبح لله وانا مذهول من المعجزة اللي انا شايفها.. بصيت حواليا أشوف حد استنجد به كأن العالم كله بقي في غيبوبة ومافيش غير صوت صرختك كأنك بتقولي انقذني وأنين والدته الأخير وهي بتبصلي باستغاثة فطرت قلبي.
مټخافيش يا بنتي أنا دكتور وهنقذك 
تذكرها الجد نادر بصوته وهو يستعيد ما حدث ليواصل سرده بسرعة جريت اجيب شنتطتي الطبية من العربية ورجعت سحبتك وقطعت الحبل السري ولفيتك في الجاكت بتاعي وجريت تاني احطك في العربية
وجيت ارجع عشان أنقذ أمك للأسف الحافلة كلها اڼفجرت وبقيت بركان ڼار مخيف وطبعا والدتك كانت قريبة جدا منها وهي كمان طالتها الڼار واتحرقت بشكل كامل.. عقلي كان واقف من الصدمة سمعت صرختك تاني جريت بيك الحقك يمكن تعيش..لقيت دكتور أطفال صاحبي كان لسه موجود في التوقيت ده شرحتله بسرعة اللي حصل وانا مڼهار هداني وطمني انك هتكون بخير بس لازم تفضل في الحضانة فترة.. بعدها ترقبت أي معلومة عن الحاډث بس ولا حس ولا خبر..
يا الله! 
أهذا اول حصاده للحقيقة
والدته توفت! لن يلتقيها مرة أخرى
هاهو شبح اليتم يحاصره من جديد بفقد إحداهما
بعد أن انتعش داخله أمل أن يجد أبويه.
ومرت الأيام وانا كل يوم معاك براقب جسمك الضعيف في الحضانة وحزين عليك.. حسيت قلبي بيتحرك ناحيتك ويتعلق بيك كل يوم عن التاني لدرجة اني بأنانية بعترف بيها اتغاضيت اني ادور علي أهلك او أبلغ كأن صابتني حالة امتلاك مرضية انك تفضل معايا.. في نفس الفترة دي ابني توفيق كان شغال معايا في نفس البلد وكان فقد جنينه الأول وهو مراته حالتهم النفسية متدمرة فكرت اكتبك علي اسمهم ويربوك بدال اللي راح خصوصا ان حمل إلهام كان عزيز ومش سهل و وارد ماتخلفش تاني..قلت يمكن ربنا كتبلك حياة عشان تكون في وسطينا وتعوضنا.. إلهام رفضت وابني كمان ماحبش الفكرة..قلت يبقي الحل الوحيد اكتبك علي أسمي أنا هما اعترضوا بشدة وبعد