رواية شيماء القصل 32

و ترحل بعد فترة وجيزة و لكنها لم تتغاضى عن سؤالها المتبجح عن زوجها و أجابتها ببرود و سخرية خفية ظنت الأخرى أنها صدق 
آه آسر مستنيك أصلا جوا أنا اللي همشي دلوقت !
ظهرت بسمتها وهزت رأسها بالإيجاب وهي تتمايل بحركتها تجاه الداخل و تردف بلطف زائف 
اوكاي ياروحي هدخل أشوفه !!
تركتها سديم وتوجهت إلى سيارتها ضاحكة من تصديق تلك الساذجة لها و همست و هي تدلف بالمقعد المجاور للسائق 
رخيصة !
ثم رفعت صوتها تتحدث إلى نائل قائلة پغضب تخيل دي واحدة أختها لسه مېتة !!! قال هدخل أشوفه قال هبلة أوي يعني !!!!
نظر نائل حيث أشارت ثم عقد حاجبيه حين وجدها تواصل پغضب بس العيب مش عليها العيب على اللي سايب مساحة لكل دااا !!!!
هز رأسه بالإيجاب و قد أردك سبب ڠضبها و تحرك بالسيارة مغادرا المنزل وهو يؤكد على حديثها 
بالظبط كدا هي لو كانت لقيت وش خشب من الراجل مكنتش اتمادت و استنت منه حاجة تاني !
هزت رأسها بالإيجاب وأكدت على حديثه ثم أردفت بتذكر 
كويس إني افتكرت هنروح للمحامي الأول يانائل و بعدها نشوف عمو عاصم !
هز رأسه بالموافقة و أردف بلطف و محبة بس كدا دا إحنا عنينا الإتنين لسديم هانم ! بالمناسبة أنا ظبطت خلاص مع سواق نيرة و بصراحة فهد هو اللي ساعدني لأنه ليه معارف أكتر مني شوية و من بكرة هيبقا عندك عشان يبدأ يوصلها ومتقلقيش فهد مش بيختار عشوائي يعني اللي هيجيلكم هيكون ثقة و أمان وعشان تطمني أكتر هروح معاهم أول يوم واتعرف عليه بنفسي !!!
ابتسمت له و همست داخلها بحزن ليت أرواح الجميع تصبح صورة طبق الأصل من روحك فتنتهي معاناة أهل الأرض مع بعضهم البعض لاحظ نائل شرودها و نظراتها المسلطة عليه ليسألها بدهشة واستنكار إيه دا فيه إيه أنا قولت حاجة غلط 
أطلقت أنفاسها بإنهاك و فتحت حقيبتها تسأله بتسلية وعبث 
صحيح يا واد يانائل هو أنت مش بتشتغل ولا واخد أجازة تعارف عليا ولا إيه حكايتك بالظبط دا أنت مهتم بمشاويري أنا وأختي أكتر مني أنا نفسي !!
نظر إليها باشمئزاز و أجابها بنظرات محتقرة و نبرة ساخرة مستنكرا طريقتها بالحديث  
واد يانائل !!! و إيه أجازة تعارف دي !!! قال دارسة برا قال دا أنا مشغلكيش بواب في شركة!!!
ضحكت بقوة بعد أن حدقت بمعالم وجهه الساخرة واستمعت إلى رده الفكاهي ليواصل هو بلطف 
أيوه كدا اضحكي ياشيخة محدش واخد منها حاجة بلا فهد بلا آسر بلا خيبة والنبي إحنا ملناش إلا بعضينا !!! تعرفي يابت ياسديم !!
واصلت ضحكها خاصة حين تعمد الحديث بنفس طريقتها راغبا بالتخفيف عنها و قد هون عليها كثيرا و اعتادت تواجده بالأيام الماضية بعد حفظ سرها رغم رفضه تصرفها بتناول حبوب تمنع الحمل ولكنه تصرف كصديق أمين واختفى عن أنظار الجميع لأجلها !!!! تنهدت وواصلت حديثها الممتع معه ببسمة عابثة !  
عرفني يانائل !
بادلها التنهيد و وزع نظراته بينها و بين الطريق يقول غامزا لها  
أنا بحمد ربنا إني انفصلت و مكملتش جوازتي الأولى تخيلي كدا لو كانت بتحبني و عرفت إن ليا بنات خالة أحلى من بعض كانت هتخنقني بقاا و سين و جيم زي البت أسيف و فرح ما خانقين فهد و تيم رايح فين جاي منين بتكلم مين لكن