رواية تقي بارت. 26
انت في الصفحة 1 من 6 صفحات
الفصل السادس والعشرون
في أحد الفنادق الشهيرة بالعاصمة الإيطالية روما
في الجناح الملكي
تمدد عدي على بطنه بعد أن وضع منشفة بيضاء على خصره وثنى مرفقيه أسفل رأسه بعد أن أغمض عينيه وإسترخى تماما ثم بصوت شبه ناعس أردف ب ...
- ( إبدأي يا حلوة )
بدأت فتاة ما أجنبية الملامح ذو شعر أشقر وبشرة بيضاء .. ترتدي ملابس تشبه الممرضات في تدليك ظهره بكلتا يديها تارة بنعومة وتارة أخرى بقسۏة
-إيه الفقر ده ! ده أنا لسه كنت هاسخن
أشار عدي للفتاة بطرف يده لكي تبتعد عنه ثم نهض عن الفراش وسار في اتجاه الصالة الخارجية بعد أن أغلق باب غرفة النوم .. ثم فتحه ليجد أوس أمامه فإتسعت عيناه من الإندهاش و..
تأمله أوس بنظرات متفحصة ولم ينبس بكلمة فابتسم عدي في بلاهة وهو ينظر إلى خصره وإلى المنشفة التي كادت أن تسقط عنه وغمز له بلؤم و..
-معلش كنت في جلسة مساج إنما هتعجبك
ظلت تعابير وجه أوس جامدة وغير مقروءة ثم دلف إلى داخل الجناح ومن ثم أشار بحاجبه لعدي وكأنه يصدر أمرا صارما له ب ..
انزعج عدي على الفور وظهر العبوس على قسمات وجهه وتذمر قائلا ..
-ليه بس حد يقول للنعمة لأ ... وبعدين إنت مش كنت مظبط مع مزة من إياهم وآآ..
أولاه أوس ظهره ووضع يديه في جيبي بنطاله ونظر في اتجاه المنظر الطبيعي الذي يظهر جليا من خلف الحائط الزجاجي وزفر في انزعاج و..
-مخڼوق مش عاوز أي حد ..!
-مخڼوق !! من إيه ده حتى المزز هنا رهن إشارتك في تكة تبقى عبدة عندك تعمل فيها اللي انت عاوزه وتقولك كمان يا باشا ده أنا كلي ملك على رأي البت المطربة اللي اسمها شيرين
استدار أوس بجسده كليا ليواجه عدي ونظر إليه بنظرات غامضة و..
-أنا مش فايق للهزار ولا لغيره أنا عاوز أرجع مصر بسرعة
-ترجع مصر بسرعة ! يا أوس ده احنا لسه واصلين وملحقناش حتى نقابل مندوبين التوكيل ومحتاجين وقت عشان نظبط كل حاجة ونتأكد من العقود والإتفاقيات وآآ...
أسند أوس كف يده على كتف رفيقه وضغط عليه قليلا كي يكف عن الكلام وحدق أمامه و..
-كل ده مايفرقش معايا أنا عاوزها هي !!!
تنهد أوس في ضيق ثم أبعد يده وإستدار للخلف مجددا في اتجاه الحائط الزجاجي سلط بصره على نقطة ما فيه ثم بكل هدوء تحدث ب...
-تقى ..!
وضع عدي يده على رأسه ودعكها عدة مرات في يأس ثم وقف إلى جواره رفيقه ونظر إلى حيثما ينظر و...
-برضوه البت دي لسه في دماغك انساها يا بني والله ما هيجي من وراها غير ۏجع الدماغ
تنهد أوس في ضيق ثم نظر لعدي بعينيه الصارمتين وبنبرة تحمل الوعيد تشدق ب...
-مش هنساها يا عدي غير لما أخد اللي أنا عاوزه منها
لمح عدي الإصرار واضحا في عينيه فحاول أن يستشف منه السبب فبادر بسؤاله ب...
-وإنت في ايه بينك وبينها بس لكل ده إيه اللي مخليك حاطتها في دماغك ومركز أوي معاها !!!!
-في إنها أول واحدة إتجرأت عليا
-هو إنت يعني سبتها ما انت قرفتها
