رواية خالد 26

زي الفل وهيقدروا يشيلوا كل الخلايا السړطانية أنا واثق فى ربنا وإنه مش هيضرنى فيكى أبدا 
نظرت إلى عينيه مليا ثم قالت بحب
أنا قلتلك قبل كدة إنى بحبك أوى يافراس 
إبتسم قائلا
هي أول مرة تقوليهالى بالنظرة دى وبالمشاعر دى كمان بس أنا متأكد إنها مش هتكون آخر مرة ياليلة 
تركت يده قائلة 
مغرور 
أمسك يدها مجددا يرفعها إلى شفتيه مقبلا إياها بحنان قبل أن ينظر إلى عينيها قائلا بعشق
مغرور بحبك وبس ونبض قلبك اللى بتزيد دقاته بلمستى مغرور عشان أميرتى الحلوة الرقيقة سابت كل الدنيا وإختارتنى أنا عشان أكون شريك حياتها 
أطرقت ليلة بحزن قائلة
شريكها فى الألم والمړض والعڈاب بس يافراس 
ترك يدها وأمسك بذقنها يرفع وجهها إليه لتتقابل نظراتهما سويا ويقول بعشق ظهر جليا فى نبراته
ولو مكنتش أنا اللى أشاركك كل لحظة ألم مين بس اللى مسموحله يشاركك إنتى بتشاركينى نفسى اللى طالع من صدرى بتشاركينى نبض قلبى فرحى وحزنى من يوم ما إختارنا بعض ياليلة وأرواحنا إتداخلت بقت أفراحنا واحدة وآلامنا واحدة مينفعش واحد فينا ميحسش بالتانى ويشاركه مشاعره 
ضمت يده بيدها بعيون يغشاها الدموع تشكر الله فى صمت على فراس نعمة الله إليها ليصل فراس إمتنانها لوجوده فى حياتها بينما كان يدعو الله فى صمت أن يديم ليلة كنعمة أنعم بها عليه يرجوه أن يشفيها ويعيدها إليه سالمة بإذن الله ليضم يدها بدوره وهو يشكر ربه على وجودها فى حياته 
سمعت جورية رنين هاتفها فأمسكته فى يدها تنظر إلى شاشته فوجدته رقم دولي ليدق قلبها پعنف نظرت لها خالتها لترى توترها الواضح على ملامحها لتقول بقلق
مالك ياجورية رقم مين ده
نظرت جورية إلى جليلة قائلة بتوتر
الظاهر ده رقم فهد قصدى خالد لإنه رقم دولى 
قالت جليلة بسرعة
ومستنية إيه ردى عليه وطمنينا على ليلة 
ثم تركتها لتذهب إلى ورودها لتجيب جورية على الفور وهي تقول
ألوو 
إستمعت إلى صوته الرجولي العميق وهو يقول بنبرات أدركت فيها توتره
إزيك ياجورى
قالت جورية بقلق
أنا تمام ياخالد طمنى صوتك قالقنى 
إستمعت جورية إلى زفرته الحارة والتى نبعت من أعماق قلبه قبل أن يقول
أنا فعلا قلقان ياجورى نتيجة التحاليل طلعت وخلاص حددوا ميعاد العملية بكرة الصبح ورغم إن الدكاترة متفائلين بس أنا خاېف خاېف على ليلة أوى دى أول مرة أخاف بالشكل ده خاېف من إحتمال ضعيف بإنها 
لم يستطع إكمال جملته لتفهم هي ما يعجز لسانه عن نطقه لتقول على الفور
قوم إتوضى و صلى وإدعيلها ياخالد إدعيلها من قلبك وإنت واثق إن ربنا مش هيرد دعوتك وهيقومهالك بالسلامة أنا كمان هصلى معاك وأدعيلها وأنا واثقة إنى هشوفها تانى وهتكون بألف خير 
طال صمت خالد لتقول جورية فى قلق
خالد إنت معايا
قال خالد بصوت متهدج
معاكى ياجورى 
أدركت