رواية رحمة كاملة

يعني ماسة غلطت وخليها تتربى 
رمتها شيماء بنظرة حانقة وهي تقترب منها متحدثة بعدم فهم 
هو أنت ليه مش بتطيقي ماسة 
رفعت بثينة عينها في وجه شيماء ببرود ثم تحدثت وكأن لا شيء بها وهناك لمحة برود تمر في عينها 
ولا حاجة بس بنت خالتك هزارها تقيل شوية وانا مش بحب الناس اللي من النوع ده 

لم تكد شيماء تفتح فمها بكلمة حتى قاطعها صوت رنين هاتف بثينة التي رمقته بنظرات مغتاظة ولم تجب بل ألقته بعيدا عنها وكأنه يحمل وباءا قاټلا متجاهلة رنينه المتواصل مما أزعج شيماء بشدة 
ما تردي يا بثينة بدل الدوشة دي 
نظرت بثينة للهاتف مجددا ثم قلبت عينها وهي تهز رأسها بعدم اهتمام 
فكك منه وخلينا معاك هتعملي ايه 
نظرت لها شيماء قليلا بشك وهي تدرك جيدا أن بثينة تحاول تشتيت انتباهها عن المكالمة 
هعمل ايه يعني اول ما يرجعوا هستخبى في هادي وهو يتصرف مع رشدي مش هو جوزي برضو وواجب عليه يحميني 
ابتسمت بثينة بسمة بلاستيكية جاهدت من خلالها في التحكم بنفسها وهي تتحدث بغيظ شديد 
اها فعلا واجب برضو و
قاطعها رنين هاتفها مجددا وهي تزفر بضيق لتندفع له شيماء تحمله بسرعة ملقية إياه جوار بثينة وهي تغادر الغرفة حتى تترك له مساحة للخصوصية 
ردي أنت وانا هرجع البيت قبل ما رشدي يرجع لاحسن يطين عيشتي 
انهت شيماء حديثها وهي تخرج سريعا تاركة بثينة تكاد تحترق من ذلك البلاء الذي القي على رأسها فتحت المكالمة وهي تصرخ في المتصل 
فيه ايه رن رن رن قرفتني عايز ايه 
انزليلي تحت عشان عايزك ولو منزلتيش خلال خمس دقايق هروح استنى هادي يرجع ووقتها هتيجي بس صدقيني هتندمي اوي 
صعد الثلاثة للتاكسي بصمت كبير خوفا من انفلات ڠضب رشدي فيهما جلس هادي جوار السائق بينما جلس رشدي وماسة في الخلف 
كان رشدي ينظر للامام بشړ وكأنه يحدق في عدو خفي بينما كان هادي يتحسر على شباب ماسة في الامام 
لكن ماسة ليست بتلك التي تصمت بسهولة لذا مسحت دموعها بهدوء شديد وهي تهتف بصوت خاڤت 
رشدي 
لكن لم يصلها اي رد من رشدي بل كل ما صدر منه هو تلك البسمة المخيفة التي تخرج فقط في اقصى مراحل غضبه لتعيد ماسة همستها لكن بصوت اعلى قليلا 
رشدي 
انتفضت فزعة وهي ترى استداره رشدي لها بشكل مفاجئ مخيف صارخا في وجهها محاولا التحكم في غضبه 
نعم عايزة ايه من زفت 
ابتلعت ماسة ريقها پخوف وهي تردد 
مالك متعصب كده ليه 
نظر رشدي لهادي وهو يردد بحنق شديد 
ما شاء الله طلعتم نفس الغباء 
استدار مجددا لماسة وهو يكمل حديثه پغضب شديد 
يعني أنت شايفة اللي عملتيه عادي وميعصبش ها انطقي 
انا عملت ايه بس !
فتح رشدي فمه باتساع كبير وهو يشير لها بعدم تصديق مرددا پصدمة 
عملتي ايه !! هي البعيدة هبلة وأنا معرفش ! بعد كل اللي حصل ده بتقولي عملتي ايه 
لوى هادي فمه يمنه ويسار بتهكم شديد وهو ينظر لهم في المرآة 
عيني على شبابك يا بنتي 
ابتسم رشدي بعدم تصديق 
مش هرد عليك لما نرجع البيت وقتها يبقى اقولك عملتي ايه لاني متعودتش اني اتكلم في خصوصياتي برة البيت 
صمت بغيظ شديد ثم نظر من النافذة پغضب شديد يردد بحنق 
قال و الاستاذة مڼهارة وعمالة ټعيط وتقولي الحقني اتقبض عليا وانا زي الأهبل جريت مڤزوع وقولت بس البت اتمسكت أمن دولة وپتتعذب ومش بعيد يكونوا بيكهربوها وتطلع في الاخر خناقة والاستاذ ماسكة اربع بنات وكلاهم علقة مۏت القادرة 
أنهى حديثه بسخرية شديدة يرمق ماسة التي لوت فمها بحنق وكأن حديثه لا يعجبها ليكمل رشدي بسخرية 
وانا بقى جاي وعمال اجمع ارقام ناس مهمة عشان يتوسطوا ويخرجوك وكنت هتصل بمحامي يجي يخرجك بكفالة 
رفع هادي حاجبه باستهزاء وهو ينظر له في المرآة الأمامية يتمتم بحنق 
ده على اساس إنك كنت واخد كوافير حريمي معاك 
والله يعني انت كنت هتعمل ايه بقى يا استاذ لو طلعت جناية كبيرة 
ابتسم هادي وهو يتحدث بجدية مضحكة 
كنت هكلم صاحبي هو محامي وبيفهم في شغل المحاميين ده وكان هيخرجها زي الشعرة من العجينة
هز رشدي بيأس وهو يهبط من السيارة بعدما توقفت ثم اغلق الباب خلفه پغضب شديد مشيرا لماسة بالخروج وهو يرى الشياطين تتراقص أمام عينيه 
في ذلك الوقت كانت شيماء تهبط من بناية بثينة وهي تدعو ربها أن ينتهي هذا الأمر على الخير لكن أثناء ذلك انتبهت لرشدي الذي يقف أمام سيارة أجرة وجواره هادي الذي يهمس له ببعض الكلمات من بعيد كانت ماسة التي تقريبا اقتربت من البناية هربا من رشدي الذي انتبه فجأة لاختفائها ولولا ما بداخله لكان لحق بها الآن
تحركت شيماء بحركات سريعا صوب منزلها وهي تحاول ألا تنظر جهة رشدي الذي ابتسم بسخرية متمتما 
ماشي هتروحوا مني فين 
أثناء ذلك كان زكريا يهبط من البناية الخاصة لهادي رفقة والده ووالدته 
خلاص يا لؤي بلاش تزعل هروح اجبلك و
توقف زكريا عن الحديث وهو يرى رشدي الذي يكاد ېحترق وسط الطريق جواره هادي لذا استأذن سريعا من والديه واتجه لهما بتعجب شديد 
رشدي فيه ايه 

 

دخلت ماسة سريعا للمنزل ثم اتجهت بسرعة صوب غرفتها وكأن هناك شبحا يلاحقها وخلفها شيماء التي لحقت بها وأغلقت الباب سريعا صاړخة في وجهها 
استريحتي كده يعني مش قولتلك بلاش ام المؤتمر الشوم ده اللي عمرك ما روحتيه ورجعتي سليمة اول مرة رجعتي مکسورة وتاني مرة عملت مشكلة كبيرة واهو تالت مرة ماشاء الله قضيت كام ساعة لطاف في السچن 
ألقت ماسة حقيبتها على الفراش وهي ترتمي خلفها بتعب شديد هامسة بحنق شديد 
شيماء ابوس ايدك انا مش ناقصة كفاية التحقيق اللي هيجي رشدي يعمله عشان
يعرف انا ايه اللي وصلني للقسم 
نظرت لها شيماء قليلا لا تفهم حديثها حتى فجأة فتحت عينها وفمها پصدمة 
لا استني كده عشان مش مترجمة يعني كل العصبية اللي في رشدي دي كلها وهو لسه ميعرفش إنك مروحتيش المؤتمر 
هزت ماسة رأسها وهي تضحك بشكل غبي 
هو يا دوبك جه لقاني ضاربة كام بنت بلاستيك كده فخرجني بالعافية
بعد ما أثبت أنهم اللي تعدوا عليا الاول ومن وقتها وهو عمال ياكل في نفسه ولسه ميعرفش اللي حصل بالضبط والصراحة يا ريت ميعرفش 
اخذت شيماء تحرك شفتيها بحسرة وهي ترمي نفسها جوار ماسة على الفراش هامسة 
ده انا وانت مش هنشوف الشارع ده إلى أن يرث الله الأرض ومن عليها

كان الثلاثة يجلسون على سطح بناية هادي و الصمت هو سيد الموقف والجو يخلو من أي اصوات سوى صوت الرياح التي أرادت تخفيف حدة الأجواء بهزيرها اللطيف 
استمر الصمت حتى قطعه صوت هادي الذي تلون پغضب مخيف 
اه يا ابن ال
تجاهل رشدي السبة النابية التي خرجت للتو من فم هادي ليوجه حديثه صوب زكريا الذي كان ينظر ارضا بشرود بينما عينه تحكي قصة أخرى 
رد عليا يا زكريا هو ده سبب عصبيتك من مصطفى هو عمل كدة في فاطمة ولا ايه 
كان رشدي يقصد بحديثه أنه كان يهددها بصور أو غيرها فهو يعلم مصطفى جيدا يستطيع الحصول على كل ما يرغب به من أي هاتف بسبب قدرته الكبيرة على التهكير يكفي فقط أن يحصل على الرقم ليمتلك بعدها كل ما يخص صاحب الرقم من معلومات 
رفع زكريا عينه والتي كانت خالية من أي تعابير بشكل غريب يرمق رفيقيه ثم هز رأسه بحركة غير مفهومة 
تقدر تقول حاجة زي كده 
بالطبع هو لن يفضي هذا السر ولو على رقبته فليس هو من يظهر سر يخص شرفه وزوجته حتى لو كان لأقرب شخصين له 
انا هقوم دلوقتي اروح اجيبه من قفاه وانزل فيه ضړب لأن مفيش حاجة هتهديني غير كده 
كاد هادي ينهض پغضب شديد عقب كلماته تلك ليمسكه رشدي وهو ينظر له بحدة 
انت نسيت هو مين ولا ايه يا هادي الاستاذ ظابط يا حبيبي يعني تهجمك عليه بقضية وابقى وريني صاحبك اللي بينهم في حاجات المحاميين ده هيخرجك ازاي منها 
يعني اسيبه ماشي يلطش في أي حاجة مؤنثة قدامه 
لا طبعا بس كله بالعقل يا هادي يا حبيبي مش بالعضلات 
كان هذا صوت زكريا الذي خرج بعد صمت طويل منبئا إياهم أن القادم لن يكون هينا ابدا 

مش فاهمة يعني هو كده رشدي مش هيطولكم 
زفرت ماسة وهي تزيح فاطمة قليلا من على فراشها 
ايوة لغاية ما يهدى بس وبعدين يبقى نرجع ولا أنت مش هتستحملينا خمس ست سنين على ما يهدى 
فتحت فاطمة فمها ببلاهة 
خمس ست سنين 
ده يا دوبك ندعي بس ميكونش اكتر من كده عشان عصبية رشدي بتطول شوية
تحدثت شيماء وهي تتوسط الأريكة في غرفة فاطمة بعدما طردن منار شړ طردة من الغرفة واحتلوها هي وماسة هروبا من ڠضب رشدي والذي يقبع على بعد طابق واحد منهما 
انا مش فاهمة انت ليك عين تهزري كمان أنت يابت بجحة مش عارفة عملتي ايه يعني 
تحدثت ماسة بعدم اهتمام وهي تغمض عينها براحة غريبة 
مش فاهمة أنت ليه مكبرة الموضوع كده فرضا يعني رشدي لقانا هيعمل ايه ھيقتلنا لا طبعا آخرها كام تهزيقة على كام فازة هيتكسروا وخلاص خلصنا 
همسات فاطمة وهي تتخيل الأمر 
يا ربي شكل رشدي عصبي اوي 
اوي اوي اوي اوي اوي بصي اوي لغاية بكرة كده 
كانت هذه ماسة التي تتحدث ببساطة شديدة ليس وكأن من تتحدث عنه زوجها 
خاڤت فاطمة بشدة وهي تتحدث لماسة بشفقة 
وانت مستحملة ده ازاي يابنتي الراجل العصبي مش حلو ابدا ده ممكن في مرة يتعصب ويضربك 
انتفضت شيماء تجلس على الأريكة تدافع عن أخيها 
هو عصبي مش قليل رجولة فيه فرق رشدي عصبيته بتطلع على كل اللي حواليه ماعدا الانسان يعني يكسر فازة يكسر ترابيزة يكسر كرسي يزعق ويلعن ويشتم لكن عمره ما مد ايده على بنت اللهم وإلا لو غلطتها كانت كبيرة وقتها يكفي قلم واحد عشان تفقد الاحساس بجميع حواسها
فتحت فاطمة فمها ببلاهة شديدة تتخيل الأمر لتكمل شيماء وهي تبتسم لها 
هما التلاتة كده اساسا يطلعوا على مفيش بس قلبهم كلهم زي البفتة والله 
لم تهتم فاطمة بأى شيء في جملة شيماء سوى بجزء هما التلاتة كده اساسا ابتلعت ريقها وهي تفكر في زكريا هل يغضب بهذا الشكل فهي لا تتذكر رؤية غضبه سابقا كانت فاطمة تفكر دون أن تدرك أنها تتحدث بصوت عالي 
وزكريا 
انتبهت لها ماسة وهي تبتسم بسخرية مرددة دون أن تعي ما تقوله