رواية اسر الفصل السابع
له يقول بتفهم
ولا يهمك المهم إنك أحسن شوية !
كاد آسر يتحدث لكن صاح يوسف مداعبا سديم التي دلفت في ذات اللحظة تقف عند باب الغرفة
بنت عمي اللي منغيرها نضيع كلناا إيه الجمدان دا كله بس ياسديم !
ثم أكمل حديثه ينظر إلى آسر قائلا
سديم اسعفتك مرتين كدا يعني بقينا مديونين ليها بروح !
ابتسم له آسر و عاد بنظراته إليها يقول بامتنان
نظراته الممتنة الهادئة ادهشتها هل يتقن دوره الآن لأن أخيه يجاوره أم أنه بالفعل يحترم فعلتها بالرغم أنها لا تنتظر جزاء عملها إلا أنها مبتهجة من رؤية نظرات موجهة إليها و خالية من الإزدراء داخل عينيه !!
هزت رأسها بابتسامة هادئة و كاد تغادر المكان إلا أن استقام يوسف يقول مسرعا
سديم تعالي دقايق لحد ما يلبس التيشيرت بس عشان اخاڤ ألبسه لوحدي !
تمام شوف عايز تعمل إيه
قاطعهم آسر يقول لاء لاء مش هلبس حاجة !
ثم أزاح الوسادة بيده السليمة من خلف ظهره وتسطح فوق الفراش يقول بإنهاك
سيبوني بقا أنام شوية !
غادرا الغرفة و همست سديم قائلة
بلاش نمشي دلوقت ممكن يسخن تاني تشرب معايا حاجه
أجابها بدهشة
مش هتنامي ولا إيه روحي ارتاحي أنا هكمل سهر عادي !
نظرت إلى معالم الإجهاد الواضحة فوق ملامحه و قالت بلطف
لو تحب تروح تنام شوية أنا هقعد كدا كدا و أول ما احس إني خلاص عاوزة انام هصحيك !
عرض شديد الإغراء هو بحاجة إلى ساعات نوم قليلة بعد قضاء يوم شاق مثل أمس رفع يده يفرك خصلاته بأنامله ثم قال بخجل طفيف
ضحكت بخفة و أجابته لأ شكلك مش وحش ولا حاجه ومتقلقش مش هقول لأي حد إنك نمت !
ابتسم لها و سار بإتجاه الغرفة الأخرى لكنه توقف فجأة يقول بصدق
أنت بقيتي طيبة أوي لما كبرتي على فكرة !
عقدت حاجبيها و سألت بتردد طفيف
هو أنا كنت مكروهه أوي زمان ولا إيه
بصراحة !! كنت سخيفة و أنانية جدا !! عيلة استغلالية كداا !
ابتسمت له و قالت برغبة واضحة لإنهاء النقاش
سيبك من زمان و روح نام يلاا قبل ما اليوم الجديد يبدأ تصبح على خير
مرت ثلاث ساعات كاملة و أشرقت شمس يومها الجديد و هي جالسة ترتشف قهوتها التي صنعتها منذ قليل كانت تتفقده بين حين و آخر و دلفت تلك المرة عاقدة حاجبيها حين استمعت إلى صوت تأوه و توجهت إليه تميل بجزعها العلوي و تستند بيديها إلى ركبتيها هامسة باسمه بخفوت
فتح عينيه يحدق بها لحظات ثم قال بصوت خاڤت
آه كتفي !
همست بتساؤل و هي تضع يدها فوق عنقه
كتفك نفسه و لا رقبتك من ورا !
ازدرد رمقه و همس بصوت متحشرج
آه هناا !
تنهدت تقول بحزن معلش دا مكان الکدمة بس عشان وقعت راسك اتخبطت من ورا بس فيه كريم بيتحط وأنا نسيته تحب احطه
