رواية قمر 29

أخرى إلى غرفتها وجدت الجهاز الخاص بها يعلن عن وجود مكالمة فيديو جلست على السرير ونظرت باللاب وجدته وليد إجابة عليه سريعا وقالت 
بتول وليد عامل ايه
اجابها بسعاده وقال 
وليد دلوقتى بس اقدر اقولك انا كويس علشان شوفتك
ردت عليه سريعا وقالت بتلعثم 
بتول احم ا ا ايه اخبار الشغل معاك
أبتسم لها وقال 
وليد ماشى يا ستى غيرى الكلام الحمدالله الشغل تمام وزى الفل عدى عامل ايه واحشنى اوى
أبتسمت له وقالت 
بتول وانت كمان واحشه اوى ونفسه يشوفك
نظر لها بحب وقال 
وليد وبالنسبه لامه ايه مش واحشها
ردت عليه بضيق وقالت 
بتول وليد انت عارف انا مبحبش كده وكذا مره قولتلك بلاش طريقتك دى فى الكلام
تنهد بضيق وقال بنبرة مخټنقه 
وليد اعمل ايه بس يا بتول انتى عارفه ومتأكده أن انا بحبك وانا حياتى كلها رسمها معاكى ومش قادر اشوف غيرك واللى حصل ده عادى بيحصل ما بين اى اتنين وانتى موقفه حياتنا عند اللحظه دى ياريت تدينى فرصه تانيه فرصه واحده بس اثبتلك حبى فيها
تجمعت الدموع فى عينيها وقالت بنبرة مخټنقه
بتول لو سمحت يا وليد ارجوك بلاش تضغط عليا اكتر من كده بترجاك خلينى براحتى وسيبنى اربى ابنى اللى طلعت بى من الدنيا
أبتسم لها بحزن وقال بترجى 
وليد خلاص ارجوكى بلاش تعيطى وانا اوعدك مش هضيقك تانى
سالت الدموع على وجينتها وقالت بحزن 
بتول انا الفتره الاخيره دى بحاول اكون قويه علشان ابنى بس معرفش ليه بقت دموعى قريبه جدا وبتلكك على اتفه الأسباب علشان أعيط وعياطى بيبقى بۏجع والم وفيه صرخه مكتومه جوايا نفسى اخرجها ومش عارفه اقولك على حاجه انا بقيت أضعف مخلوقه على الأرض يا وليد
رد عليها بحب وقال 
وليد طول ما انا موجود مش عايز اشوفك ضعيفه انا عرفت بتول وهى قويه وعايز اشوفك على طول قويه
أزالت عبراتها سريعا بأناملها المرتعشه وقالت 
بتول مش بقولك دموعى بقت قريبه اوى اهو صدعتك معايا اسيبك بقى تشوف شغلك وانا كمان هقوم اجهز علشان هخرج عدى علشان زعلان منى
نظر لها بحب وقال 
وليد انا عمرى ما ازهق منك ولا اصدع انا اسعد لحظات حياتى وانا بشوفك واكلمك يلا روحى أخرجوا واتهنوا وابقى اتصورا وابعتوا ليا صوركم وان شاءالله الخروجه الجايه هكون معاكم
ردت عليه بسعاده وقالت 
بتول ايه ده انت جاى مصر قريب
رد عليها بحب وقال
وليد بإذن الله اخر الاسبوع ده جاى مصر اصل كلكم واحشتونى امى وبابا ونغم وانتى وعدى هاخد اجازه من الشغل شويه بقى
ردت عليه بنبره هادئه وقالت 
بتول تيجى بالسلامه باى وأغلقت الجهاز ونهضت دلفت المرحاض وبعد وقت خرجت وأدت فرضها وبدلت ملابسها وخرجت من غرفتها وجدت عدى يجلس على الأريكة ينتظرها وقال بضيق
عدى كل ده يا ماما
قبلته سريعا وقالت بأسف 
بتول انا اسفه بليز سامحني ان اتأخرت عليك
وضع ساق فوق الاخره وقال بضحك 
عدى خلاص خلاص سامحتك
أقتربت منه وبدأت دغدغة وتعالت ضحكاتهم قائله 
بتول والله ده انا هموتك من الضحك على لمضك دى بقى انت تحط رجل على رجل يا مفعوص يا اوزعه انت
تكلم من بين ضحكاته وقال 
عدى خلاص خلاص احنا اسفين يا صلاح
احتضانته وقالت بحب 
بتول يا ابنى انت طالع لمض لمين كده
نظر لها وقال بحزن 
عدى لبابا
نظرت له نظره مطوله وقالت سريعا 
بتول ها ق ق قوم يلا بينا هنتأخر على الملاهى
نظر لها بسعاده وقال بعدم تصديق 
عدى ملاهى!!! هييييييه يلا بينا ونهض وامسك يدها وقال بلهفه 
يلا بينا بسرعه يلاااااااااااا بقى
نهضت معه بأبتسامه سعيده واتجهوا إلى الباب وخرجوا الاثنان وأغلقت خلفهم الباب وهبطوا إلى الاسفل واوقفت سيارة