رواية اسر الفصل الخامس

كل هذا لأجل زوجها و بناتها لكنها فقد الأب والآن تفقد فتاتها الكبرى التي أصبحت على علم بكل ما يدور من حولها وأن أبيها كان على صواب منذ أعوام و أن أسباب امتناعهن عنه كان لأفعاله المشينة و ليست كما أخبرتها والدتها لأجل الزواج و كل هذا الهراء !
صمتت نبيلة ونكست رأسها تضع يدها أعلى شفتيها تكتم شهقاتها و تستمع إلى اخيها يقول 
ولما مشيتي ورايا عملتي ملايين في سن زي دا و بتتعلمي أحسن تعليم و لغات و ومزيكا و مدارس رقص و أماكن لا يمكن كنت تقدري تجربيها و أنت معاه !
إيااااك تتكلم عنه نهااائي ! أنا مطلبتش كل داااا انتوااا اللي كنتوا عاوزين الفلوس و النوادي والأماكن دي !
ثم نظرت إلى أمها و عاتبتها پبكاء مرير و نظرات لوامة وهي تبتعد عن أحضانها 
أنت السبب !! أنت وعدتيني هيبقاا كويس ! قولتيلي اعمل كدا عشان نقدر نجيب العلاج ! قولتيلي أنه هيشوف وهيقوم يمشي أنت استغلتيني أكتر منه و أنا كنت عارفة دا ومحبتش ازود وجعك على بابا عشان عارفة إنك بتحاولي عشاني و عشانه وعشان نيرة وللأسف قبلنا كلنا كان عشان نفسك ! أنت استغنيتي عني ووافقتي إني اشتغل منغير حتى ما تعرفي تفاصيل الأماكن اللي هروحها ولا الناس اللي هتعامل معاها ! أنت كبرتيني وأنا لسه صغيرة بنت كل حلمها خروجة مع صحباتها بقى كل همها هتكدب إزاي النهاردة على أقرب واحد ليها في الدنيااا ! خلتيني اكدب على اللي عملني الصراحة ! و شوهتيني وبقيت مكسوفة من اللي بعمله سيبت أصحابي ومدرستي و مكاني و دخلت الأماكن اللي اختارتوها وأنا فاكرة إني بنقذه كنت فاكرة إني هبقا السبب في حياته و بقيت السبب في مۏته ! أنا دمرته و مش هستنى لما تدمريني أنا اختى !!!!
تركتها تبكي و فرت مسرعة و نيران الألم والقهر تكاد ټحرق ما تبقى من روحها ركضت إلى أن وصلت إلى الطريق وجلست أرضا تضع يديها فوق وجهها و تبكي بصوت مسموع ثم توالت صرخات الألم مش شفتيها بقوة لكن دون جدوى لقد ذهب و ذهبت معه طهارة روحها !!!!
وكأن ذهاب الأحبة يصحبة ذهاب الأرواح و أحيانا العقول و في حالتها تحل اللعنات أيضا يذهب الأمان حتى وإن كان ساكن بلا حراك !
أغلالالروح 
شيماءالجندي
أما داخل القصر توقفت نبيلة عن البكاء و صړخت بوجه اخيها حين فرت ابنتها و أمسك يدها يمنعها من ملاحقتها قائلا ببرود 
سيبيها دا طبيعي هتلف لفتها وترجع تاني !
أنت اټجننت دي بنتييي اسيبها فين و إزاي أنت السبب في كل دااا !!!
والله !!! دلوقت بقيت بنتك و أنا السبب !!!!
ايواا أنا السبب !!! أنا السبب في العز اللي عشتيه من تاني وفي الفلوس والنوادي و تعليم بناااتك ! ايوااا أنا السبب في كل اللي وصلنا ليه ومش هسمح لأي حد يهد كل اللي بنيته !
نظرت إليه بهلع و ارتعش
جسدها من حديثه وهمست بصوت مبحوح 
قصدك إيه ياسامح !
أمسك ذراعيها بقوة و همس پغضب شديد و أعين مشټعلة 
اقصد أن سديم بنتي أنا دلوقت اعتبريني اشتريتها بكل اللي دفعته وعملته معاكم من وقت ما جوزك قعد جنبكم زي الحريم وبقا عاجز وجيتي تعيطيلي و رميتي بنتك ليا و أنت عارفة كويس انا بعمل إيه فوقي من دور الضحېة يابنت أبويا ! أنت ألعن مني أنا مرمتهاش زيك أنا استقبلتها و بنتك كبرت و