رواية شيماء بارت 19
مش فاهمة بسببي إزاي يعني
زفر بضيق شديد ونظر بعيدا عنها بنقطة وهمية محاولا انتقاء كلماته بعناية خشية أن يصل إليها شعور نفور والده منها لكن ما بها إن مارس خدعة صغيرة معها !!! حارب البسمة التي كادت تظهر فوق ملامحه و استبدلها بنظرات يشوبها التوتر قائلا بندم مصطنع
سديم أنا معرفتش أقول لعيلتي سبب جوازنا الحقيقي لأن هما لحد دلوقت شايفين أميرة ضحېة و محدش يعرف حاجة عن موضوع خالك !
أومال قولت إيه
أجابها بأسف قولتلهم أننا اتجوزنا بس منغير إضافات و هما اندهشوا من وجودك هنا لوحدك وعندهم حق أكيد عشان كدا قولتلهم إني أنا اللي طلبت منك كدا و إني هقعد معاك لحد ماتهدي و تيجي معايا !
سيطر على بسمته بصعوبة حين وجد الصدمة دفعتها إلى الذهول وشبه ألجمت مارد ڠضبها و أجابها باستنكار واضح
هيكون فين ياسديم أكيد هنا !!
ضيقت عينيها و كررت حديثه هامسة له بهدوء مريب
أمممم يعني أنت قولت لعيلتك إنك جاي تقعد معايا و هما قالولك اتفضل ياحبيب قلبي روح و كمان هاتها معاك و أنت جاي مش كدا ياآسر !!!
هو مش كدا بالظبط يعني بس دا اللي حصل !
عقدت حاجبيها و انتفضت بجسدها تدفعه عنها پغضب مفاجئ وفور أن استقامت واقفة بعيدا عنه أردفت برفض قاطع
أنت فاكرني هبلة هصدق الكلام دا ياآسر دي عيلتك لو طالت تفجرني مش هتتأخر عن دا !!! دا أنا قولت ليوسف بالحرف إني تعمدت استغلهم لما سمعت عن قصة بنتهم دا غير عمك و هنروح لبعيد ليه أبوك نفسه لو شافني داخله عليه بقوله هاي يا أونكل أنا اتجوزت ابنكم مش بعيد يخليه آخر يوم في عمري بلاش شايف الچرح اللي في إيدك من مجرد نقاش معاهم !!! عاوزني أصدق أنهم سكتوا ليك و مرحبين بياا !!! لأ يا آسر مش هاجي و مش هقرب من بيتكم تاني ! و كلها كام يوم نروح نطلق و خلصنا خلاص !
آسر متحاولش تقرب مني أو تلمسني تااني أنا سكتلك من شوية عشان فاجئتني باللي عملته لكن غير كدا ه..آآ
عقدت حاجبيها و أردفت بتوتر حين بدأ قربه ېحطم حواجزها الواهية يعني إيه
يعني دي كل أسباب رفضك ! عبارة عن عيلتي مش رفض تقعدي معايا أنا يعني لو ضمنتلك محدش يقرب منك !
عقدت حاجبيها حين راجعت أسبابها التي ذكرتها منذ قليل داخل عقلها ووجدت أنها أفصحت دون قصد عن مخاوفها الحقيقية و همست داخلها بعجب ساخرة من حالها هل يظن أنه ضمن مخاوفها وهي لا تهاب سوى شعور الأمان الذي يحاوطها به لأنها على يقين أنه غير
