رواية الذكية بارت 15

مسموع وما إن همت لتغادر حاوط خصرها قائلا بمكر رايحة فين بس! عاوز أقولك حاجة.
قطبت جبينها بتعجب قائلة حاجة إيه!
وحشتيني وكنت عاوز أسلم عليكي.
لا لن يتحمل قلبها الصغير هذا الكم من الصدمات على دفعة واحدة شعرت بدوار عڼيف يعصف بها و استسلمت لتلك الظلمة فأغلقت عينيها و استكانت بين ذراعيه بينما زفر هو بضيق قائلا لا وربنا كدة كتير! مريم مريم فوقي الله يحرقك مكانتش دي!
بعد محاولات عدة منه لافاقتها استجابت أخيرا له و فتحت مقلتيها قائلة بضعف و كأن عقلها يرفض تصديق ما حدث للتو هو في إيه
رفع حاجبه باستنكار قائلا ما شاء الله يعني من أول ما أقرب يغمى عليكي و تصحي فاقدة الذاكرة! يا فرحة أمي بيا.
قطبت جبينها قائلة بدهشة أنت تقصد إيه
أردف بغيظ لا صحصحي معايا كدة أنت مش فاكرة اللي حصل خالص !
عادت للخلف بذاكرتها لتسترجع تلك اللحظات لتستوعب أنها حقيقة و ليس حلم كما تخيلته لتغزو الحمرة وجنتيها بخجل زائد.
ابتسم بمكر وهو يسير بأطراف أصابعه على وجنتيها قائلا شكلك أفتكرتي يا !
ڼهرته بخجل إسلام!
أردف بعبث الله! هو اسمي حلو كدة وأنا ما أعرفش!
صړخت بحدة قائلة أنت بقيت قليل الأدب كدة ليه أوعى سيبني.
ضحك بخبث قائلا هو حد يشوف القمر دة و ميبقاش قليل أدب!
وضعت يدها على جبينه قائلة بتعجب أنت سخن!
أردف بإعياء مصطنع اه سخن أوي حتى شوفي كدة.
ضيقت عيناها بغيظ حينما كشفت لعبته فوكزته بذراعه قائلة بطل كدب.
ضحك عاليا وهو يقول اعملك إيه طيب! مش أنت اللي بتسألي أسألة غير منطقية وملهاش أي دخل بالموضوع!
طالعته بحذر قائلة إسلام أنت بتعمل كدة ليه أنا مش فهماك!
تنهد بعمق قائلا بحيرة ولا أنا فاهم نفسي يا مريم بس أنا ببقى مبسوط وأنا جنبك اليومين اللي غبتهم حسيت بفراغ كبير أنت كنتي ملياه وأنا مش واخد بالي مريم أنا مش عاوز نبقى كدة عاوز نبقى زي أي اتنين متجوزين من غير مشاكل.
أردفت پضياع ها أنت قولت إيه
أردف بتأكيد اللي أنت سمعتيه يا مريم ها موافقة نكمل ولا نفضل على اتفاقنا اللي أول مرة 
لم ترد عليه وكيف ترد و أخرستها الصدمة تماما أيسألها إن كانت موافقة أن تكمل حياتها معه! وهي التي تتمنى البقاء بجواره إلى أن يأذن الله
لمع الدمع بعينيها بعدم تصديق لما تسمع بينما أردف هو بحذر مالك يا مريم هو كلامي دايقك
اعتصر عينيه پعنف وهو يحلل سبب الدموع بشكل خاطئ ليردف بهدوء مصطنع اعتبري إنك مسمعتيش حاجة و آسف لو ضايقتك و فرضت نفسي عليكي.
وما إن هم ليقف وجدها تتشبث بيده فنظر لها وجدها تهز رأسها بنفي و دموعها تهطل بغزارة فتراجع فورا وجلس إلى جوارها قائلا بقلق طيب أنت بټعيطي ليه دلوقتي
لم تجب وانما ازدادت في البكاء وهي تخشى أن تخبره بحبها له حينها سيتهمها ب لأخيه و هذا ما لن ترضى به أبدا.
مد يده ليمسح عبراتها بحنان قائلا طيب ممكن تبطلي عياط
هزت رأسها بموافقة لتحاول كبت دموعها التي نزلت رغما عنها لطالما تظاهرت بالقوة أمام أعينهم فأردف هو بروية ها سامعك عاوزة تقولي إيه
نظرت أرضا قائلة بخفوت ممكن تديني شوية وقت
هز رأسه بتأكيد قائلا طبعا خدي الوقت اللي أنت عاوزاه بس يا ترى فيه أمل و لو حتى بسيط
هزت رأسها بخفوت وخجل بنعم فابتسم قائلا تمام يبقى خدي وقتك براحتك و أهو فرصة نتعرف على بعض أكتر من غير ما نتخانق