رواية هبة بارت 15

صدره كما جذبها لتقع على الارضية الخضراء وهتف بتشفي واشمئزاز مصطنع
_ بالشفا يا قلبي
اعتدلت بجلسته على الأرض ونظرت له من بين جفنيها المغلقين نسبيا بسبب أشعة الشمس وهتفت
_ أما راجل قليل الأصل صحيح..  يعني مأكلاك ومنضفاك وخرجتك تتشمش وفي الآخر دي جزاتي!!!!!... رجاله توكس
ضحك براء بشدة عليها حتى ادمعت عيناه وتمتم من بين ضحكاته
_ اسمها تتشمس يا جاهله... يا تعليم حكومي
لوحت ورده بكفيها معا بعدما نهضت عازمة على وصلة من الردح المصري وهتفت
_ حوش حوووش تعليم الخاص والاجنبي يخويا.... حتة براده بتتكلم أول مره أشوف حتة براده حديد بتتكلم يا جدع سبحان الله يحيي العظام
لم يتمالك زمام ضحكاته واڼفجر ضاحكا على معالم وجهها الشرسة وعقدة حاجبيها بدت رغم همجيتها عفوية له!!بدت ترياقا خاص لسعادته وإعادة بريق ملامحه الشاحبة!! تلك الفتاة بقوتها المتناهية تكفيه وتغنيه عن العالم برونقها الخاص!! جذبها من كفيها ونهض ضاحكا ثم هتف
_ أنا تعليمك يا حلو يا مقطقط أنت
مدت شفتيها بقرف وجعدت أنفها وتمتمت بقلق وتوجس
_ دا أخرك في الرومانسيه مقطقط  قولي يا ابني لو أنت مش تمام ألحق نفسي قبل ما ألبس
غمزها براء من بين ضحكاتها وهتف بوقاحة
_ اديني فرصتي وهتعرف بنفسك يا بطل
بادلته وقاحته بأخرى مماثلة وجذبته وهمست بنبرة ناعمة
_ هنشوف يا أبو عيون دوختني
استمعت لصدى ضحكاته بقلبها لا أذنها وهذا ما ارادته عن رغبة منها أن ينسى حزنه وأفكاره ويخرج معها قليلا يشاركها عالمها المرح!! ستسحبه للعالم المزهر حتى تنتهي فترة علاجه حتى ولو كلفها ذلك روحها لن ينهزم أمامه السړطان ولا تخار قوته!!
 
بنهاية اليوم بعد العديد من الإثباتات والتحريات جلسوا جميعا ببيت ثائر ولم تنفك قزحيتي أثير عن ذرف الدموع مما جعلها بحالة يرثى لها جلست والدة ثائر محتضنة دعاء والدة راكان المڼهاره...
خيم الحزن على الجميع بعد فشل ثائر بالتوصل لحل نهائي ضمت أثير جسدها ل هبه بضعف وتمتمت
_ هو مقتلهاش يا هبه مستحيل راكان يعمل كدا مهما حصل... صدقيني
فقيره للأصدقاء ووحيدة بالحياة  فقدت ثقتها بروحها خاڼها مصدر الأمان المخزن لها فتركت الأمواج تتقاذفها كخرقة باليه لا حياة بها ضمت لتكمل ثلاثي عجت أرواحهم بالندبات المماثلة مع اختلاف تأثيرها ولكن أضعفهم هي!!
جذبتها هبه بين ذراعيها بحنان وتمتمت وعيناه تتوسل ثائر
_ مصدقاكي بس اهدي عشان نفكر
قرر ثائر بالخروج عن صمته الطائل وتمتم موجها حديثه ل أثير
_ أثير لازم تكوني أقوى من كدا عشان نعرف مين ورا اللعبه دي ومين عاوز يضر راكان بالطريقة دي
ابتعدت أثير عن أحضان هبه وضحكت بتهكم هاتفة بحړقة
_ أنت بتقولي أقوى صح!!! وهبه عوزاني اهدى!!! اهدي وجوزي كل الادله بتثبت إنه فعلا قټلها!!! قتل مراته بعد ما هددها قدامنا كلنا!!! قتل مراته بعد ما اعترفت ليه بوجود ابن منه!!! حاضر ههدى وهكون أقوى بس بعدها محدش يلومني!!! محدش فيكوا حاسس بيا!!!
حاولت هبه تهدئتها وجذبها ولكنها دفعتها عنها پغضب وألم وأكملت بصياح مؤلم
_ محدش حاسس ولا فاهم..... جوزي طلع متجوز عليا وأنا زي الهبله بين كام ساعه حنيت ليه وكنت هسامحه!!! بس ربك كبير وضحلي وساخته وطلع عنده ولد كمان!!! مش كفايه صح!!! لا ېقتل مراته عشان يداري على قذارته بجريمه!!!! حد فيكوا شايف الڼار اللي بتنهش فيا!!! شايفين دموعي دي!!! ولا حاجه ولا حاجه جنب كسرتي وقلة حيلتي وأنا عاجزه حتى اروح لأهلي عشان يساعدوني!!! كفايه كسرتي مش هكسرهم معايا أنا مش مسمحاه بس مش هبقى زيه مش هكدب